ក្នុងបេះដូងអ្នកបង្កប់ដោយបុរសមានបុគ្គលិកលក្ខណៈបែបណា សាករើសរូបមួយ
- 2020-06-15 05:50:00
- ចំនួនមតិ 0 | ចំនួនចែករំលែក 0
ក្នុងបេះដូងអ្នកបង្កប់ដោយបុរសមានបុគ្គលិកលក្ខណៈបែបណា សាករើសរូបមួយ
ក្នុងជីវិតមនុស្សស្រីម្នាក់ៗ សុទ្ធតែមានប្រភេទបុរសក្នុងក្តីស្រមៃ ដែលមានលក្ខណខុសៗគ្នា។ បើអ្នកចង់ដឹងថា ក្នុងបេះដូងខ្លួនឯងបង្កប់ដោយបុរសមានបុគ្គលិកលក្ខណៈបែបណា សាកល្បងរើសរូបមួយ។
បើអ្នករើសរូបលេខ ១
ប្រសិនបើអ្នកចាប់អារម្មណ៍លើចិញ្ចៀនផ្កាត្បូងនេះ បង្ហាញថាអ្នកចូលចិត្តបុរសដែលមានភាពចាស់ទុំ និងគំនិតចេះដឹង។ ទំនាក់ទំនងបែបក្មេងខ្ចីលែងជាការចាប់អារម្មណ៍ចំពោះអ្នកទៀតហើយ អ្នកចង់បានទំនាក់ទំនងបែបនឹងធឹងនិងយូរអង្វែងច្រើនជាង។
សម្រាប់បុរសដែលចង់ចូលមកក្នុងជីវិតអ្នក លុះត្រាគេជាមនុស្សសកម្មក្នុងកិច្ចការរបររកស៊ី និងពិសេសបំផុតនោះ ត្រូវចេះគោរពក្រុមគ្រួសារ រួមទាំងមិត្តភក្កិរបស់អ្នកផងដែរ។
បើអ្នករើសរូបលេខ ២
បើអ្នករើសយកចិញ្ចៀនរូបនាគមួយវង់នេះ បង្ហាញថាអ្នកចូលចិត្តបុរសវៃឆ្លាត មានគំនិតច្នៃប្រឌិត ចេះផ្ដល់ឲ្យអ្នកនូវភាពរីករាយ ខ្វល់ខ្វាយពីអ្នក និងចេះកំប្លែងលេងផងដែរ។
បុរសដែលអ្នកស្រមៃ គេជាមនុស្សម្នាក់ដែលអាចអង្គុយផឹកទឹកតែក្បែរបង្អួច ហើយជជែកលេងជាមួយអ្នកទោះច្រើនម៉ោងក៏មិនធុញទ្រាន់ដែរ។
បើអ្នករើសរូបលេខ ៣
បើអ្នករើសយកចិញ្ចៀនមួយវង់នេះ បង្ហាញថាអ្នកចូលចិត្តបុរសដែលមានភាពស្មោះត្រង់ ភក្កីភាព ចេះតស៊ូ ចិត្តល្អ និងងាយចុះសម្រុងជាមួយអ្នកដទៃ។
សម្រាប់អ្នក មាសប្រាក់ កិត្តិនាម មិនមែនជាកត្តាដែលជម្រុញអ្នកឲ្យចង់ចាប់ផ្តើមទំនាក់ទំនងឡើយ។ អ្នកក៏មិនជឿលើព្រេងវាសនា ឬអបិយជំនឿដើម្បីបង្កើតសុភមង្គលផងដែរ។ ចំពោះអ្នក ក្តីស្រលាញ់សុំត្រឹមកើតចេញពីការស្មោះត្រង់ទាំងពីរនាក់ ហើយភាពស្មោះត្រង់មួយនេះពិតជាសំខាន់បំផុតដែលមិនអាចខ្វះបាន និងលើសពីអ្វីៗទាំងអស់។
បើអ្នករើសរូបលេខ ៤
បើអ្នកជ្រើសយកក្រវិលមួយគូនេះវិញបង្ហាញថាអ្នកចូលចិត្តបុរសដែលមានភាពរឹងមាំ និងអាចការពារអ្នកបានប្រកបដោយសុវត្ថិភាព។
អ្នកមិនចូលចិត្តបុរសដែលធ្វើឲ្យអ្នកឈឺចាប់ និងអាក់អន់ស្រពន់ចិត្តឡើយ។ ម្ល៉ោះហើយ គេត្រូវតែជាមនុស្សចេះមើលថែ និងបារម្ភពីអ្នកបានច្រើន។ មនុស្សប្រុសដែលមានបុគ្គលិកលក្ខណៈខាងលើ ទើបអាចហោះចូលក្នុងបេះដូងរបស់អ្នកបាន។
បើអ្នករើសរូបលេខ ៥
បើអ្នករើសយករូបខ្សែកនេះ បង្ហាញថាអ្នកជាមនុស្សចូលចិត្តផ្សងព្រេង ពិសេសទីណាដែលមានធម្មជាតិ និងមិនសូវចុះចាញ់លើការប្រកូតប្រជែងអ្វីឡើយ។ ហេតុនេះ បុរសដែលអ្នកចូលចិត្តក៏ជាមនុស្សមានរាងសង្ហា ហើយមានចំណុចដែលចង់ឲ្យអ្នកសិក្សាស្វែងយល់ពីគាត់បានកាន់តែច្រើនផងដែរ។
បុគ្គលិកលក្ខណៈពិសេសមួយទៀត គឺជាបុរសដែលពេលនៅមុខមិត្តភក្កិរបស់អ្នក គាត់ជាមនុស្សស្ងាត់ស្ងៀមហើយចូលចិត្តញញឹមច្រើនជាង ប៉ុន្តែពេលនៅជិតអ្នក គាត់បែរជាបុរសដែលនិយាយលេងសើចច្រើនវិញ ដែលបែបនេះហើយទើបជាបុរសក្នុងក្តីស្រមៃរបស់អ្នក៕