កំពុងយីអ៊ុនដាក់ អារក្សជាន់ អាចដោះបានដោយខ្លួនឯងដោយវិធីទាំងនេះ
- 2020-06-11 03:00:00
- ចំនួនមតិ 0 | ចំនួនចែករំលែក 0
កំពុងយីអ៊ុនដាក់ អារក្សជាន់ អាចដោះបានដោយខ្លួនឯងដោយវិធីទាំងនេះ
មុនពេលចេញទៅរកអ្នកជួយរំដោះគ្រោះនៅខាងក្រៅ អ្នកអាចសាកវិធីទាំងអស់នេះសិន ប្រសិនបើកំពុងជួបរឿងមិនរលូនក្នុងជីវិត។
មនុស្សមួយចំនួន នៅពេលចេះតែជួបរឿងមិនដូចបំណង តែងមានទំនោរទៅរកជំនួយខាងក្រៅដើម្បីជួយលើករាសី ឬហុងស៊ុយជាដើម។ យ៉ាងណាក្ដី មានរឿងមួយចំនួន គឺអាចធ្វើខ្លួនឯងបានដើម្បីជួយឲ្យយីអ៊ុនរបស់យើងមានជោគជតាជាងមុន។ ខាងក្រោមនេះគឺជារឿងមួយចំនួនដែលអាចលើករាសីបាន ដោយយើងអាចធ្វើដោយផ្ទាល់ខ្លួន។
១. រៀបចំកន្លែងធ្វើការ បន្ទប់ទទួលភ្ញៀវ ផ្ទះបាយ
យោងតាមអ្នកជំនាញហុងស៊ុយ ដើម្បីអូសទាញហុងស៊ុយឲ្យបានល្អ នៅក្នុងផ្ទះមិនត្រូវទុកឲ្យអារាត់អារាយឡើយ ដោយតមបំផុតគឺបន្ទប់ទទួលភ្ញៀវហាមមានសំរាម ឬក្លិនស្អុយអាក្រក់។ កន្លែងធ្វើការត្រូវរៀបចំឲ្យមានពន្លឺគ្រប់គ្រាន់ កុំឲ្យសត្វជុះដាក់។ ផ្ទះបាយត្រូវរៀបឲ្យស្រឡះ ហាមទុកសំរាមឲ្យគរច្រើនជ្រុល។ ផ្លូវលូ ឬផ្លូវបង្ហូរទឹកចៀសវាងការកកស្ទះដែលធ្វើឲ្យលុយកាក់មិនអាចហូរចូលបាន។
២. បោះចោលភ្លាមនៅរបស់បែក បាក់ ពុក ឬរលួយ
មនុស្សមិនតិចឡើយ ដោយសារតែមានចិត្តស្ដាយរបស់ ហេតុដូចនេះហើយ ទោះបីជារបស់ខូចហើយក៏ដោយ ក៏នៅតែសន្សំទុក។ យ៉ាងណាក្ដី នេះគឺជាប្រការដែលតំណមជាទីបំផុតក្នុងរឿងហុងស៊ុយ។ ជាពិសេស របស់ដែលធ្វើពីកញ្ចក់ ឈើ ថ្មណាដែលបែកបាក់ខូចហើយ គឺត្រូវចោលភ្លាម ចៀសវាងនាំរឿងចង្រៃដល់ខ្លួន។
៣. កាត់បន្ថយខ្យល់
ដោយសារតែអាកាសធាតុអាស៊ីអាគ្នេហ៍មានលក្ខណៈក្ដៅ និងសើម ផ្ទះជាច្រើនបានព្យាយាមសង់ផ្ទះខ្លួនយ៉ាងម៉េច ឲ្យខ្យល់ចូលកាន់តែច្រើន កាន់តែល្អ។ យ៉ាងណាក្ដី តាមតម្រាហុងស៊ុយ ក្រៅពីកត្តាសុខភាពមិនល្អ ដោយសារត្រូវខ្យល់ច្រើនពេកនោះ។ខ្យល់បក់ចូលផ្ទះខ្លាំងៗ និងច្រើនក៏បក់ទៅអស់នូវលាភ សំណាងរបស់ម្ចាស់ផ្ទះផងដែរ។ សម្រាប់ផ្ទះណាដែលមានខ្យល់បក់ខ្លាំងពេក អាចឧបកិច្ចបានដោយ ទិញរបាំងតាំងផ្ទះមកដាក់នៅបន្ទប់ទទួលភ្ញៀវ៕