ស្លៀករ៉ូបម៉ូដដូចគ្នានឹង Angelababy កាល២ឆ្នាំមុនមែនពិត Han So Hee នៅតែស្អាត

2020-06-10 08:55:00
ចំនួនមតិ 0 | ចំនួនចែករំលែក 0

នៅក្នុងកម្មវិធីប្រគល់ពានរង្វាន់ភាពយន្ត Baeksang តែមួយ គេសង្កេតឃើញវត្តមានរបស់កំពូលសម្រស់ជាច្រើន ដោយរលកក្រោយបានច្រានរលកមុខក៏មាន។

ខុសពីកម្មវិធីនានាដែលត្រូវពន្យារដោយសារជំងឺកូវីដ១៩នោះ កម្មវិធីប្រគល់ពានរង្វាន់វិស័យភាពយន្ត Baeksang មិនត្រូវបានប៉ះពាល់ឡើយ ដោយនៅតែប្រារព្ធធ្វើឡើងជាធម្មតា។ ទោះបីជាមានកំពូលតារាចូលរួមជាច្រើនរូបមែនពិត តែវត្តមានរបស់តារាស្រីកំពុងឡើងកូដ Han So Hee ត្រូវបានគេចាប់អារម្មណ៍ជាពិសេសដោយសារសម្រស់ដ៏លេចធ្លោរបស់ខ្លួន។

នៅក្នុងកម្មវិធីដដែលនេះ តារាសម្ដែង និងចម្រៀងលំដាប់ A ស្រីកូរ៉េ Suzy រ៉ាប់រងតួនាទីពិធីការិនី។ ទោះបីជានៅតែស្រស់ស្អាតដូចសព្វមួយដងក៏ដោយ តែដោយសារតែស្លៀករ៉ូបលាត មិនមានអ្វីញ៉ាំងច្រើន ស្រីស្អាត២៦ឆ្នាំ មិនសូវទាក់ទាញប៉ុន្មានឡើយ។ បណ្ដាញព័ត៌មានក្នុងស្រុក ក៏ដូចជាអន្តរជាតិជាច្រើន បានវាយតម្លៃថា លើកនេះម្ចាស់បទ Good Bye Baby ចាញ់ប្រៀបសិស្សប្អូនជំនាន់ក្រោយហើយ។

យ៉ាងណាក្ដី អ្វីដែលគួរឲ្យចាប់អារម្មណ៍នោះគឺ រ៉ូបដែល Han So Hee ស្លៀកក្នុងកម្មវិធីខាងលើ មិនមែនជារ៉ូបថ្មីនៅលើកម្រាលព្រំក្រហមនោះឡើយ ដោយកាលពីឆ្នាំ ២០១៨ ក្នុងកម្មវិធី GQ Men កំពូលតារាសម្ដែងស្រីចិន Angelababy បានស្លៀកម្ដងរួចមកហើយ។ ស្លៀកក្រោយ រៀមច្បងមែនពិត តែ Han So Hee ត្រូវបានទស្សនិកជនសរសើរថាស្អាតម្យ៉ាងម្នាក់៕