គួរដឹងពីការកើតមុននៅលើផ្ទៃមុខជួយប្រាប់ពីបញ្ហាសុខភាពអ្នកនិងវិធីថែរក្សាមុខតាមវិធីសាមញ្ញខ្លីៗ

2020-06-10 08:25:00
ចំនួនមតិ 0 | ចំនួនចែករំលែក 0

មុននៅលើផ្ទៃមុខកើតឡើងមិនថាមនុស្សប្រុស ឬស្រីឡើយ។ អ្នកខ្លះមានបញ្ហាមុខមុនច្រើន អ្នកខ្លះទៀតមានតិច និងអ្នកខ្លះទៀតគឺពុំមានមុនតែម្តង។ នៅពេលអ្នកឡើងមុននៅលើផ្ទៃមុខ វាអាចធ្វើឲ្យអ្នកមានអារម្មណ៍មិនល្អ បាត់បង់សម្រស់ និងមិនមានទំនុកចិត្តជាដើម។ តែអ្នកមានដឹងពីការកើតមុននៅលើមុខអាចបញ្ជាក់ពីបញ្ហាសុខភាពអ្នកបានដែរឬយ៉ាងណា? ហេតុដូចនេះ ចូរអ្នកអាននូវចំណុចខាងក្រោមថាតើមុនដែលកើតលើផ្ទៃមុខរបស់អ្នកអាចបង្ហាញពីសុខភាពអ្នកយ៉ាងណារួមមាន៖

មុននៅលើថ្ពាល់

ប្រសិនបើអ្នកមានមុនលើថ្ពាល់ខាងឆ្វេងមានន័យថារបត់ឈាមមិនមានដំណើរការរលូន ការបន្សាបជាតិពុលខ្សោយ ហើយវានឹងធ្វើឲ្យអ្នកឆាប់ខឹង។ អ្នកគប្បីរៀបចំកាលវិភាគធ្វើការឲ្យបានត្រឹមត្រូវ ទទួលទានទឹកឲ្យបានច្រើនល្មម និងពង្រឹងការរំលាយជាតិពុល។ ចំណែកឯលើថ្ពាល់ខាងស្តំាវិញគឺអាចមកសួតអ្នកមានបញ្ហា។ កម្តៅងាយនឹងឡើងដែលធ្វើឲ្យមាត់អ្នកស្ងួត។ ក្នុងពេលនោះដែរ អ្នកគួរចៀសវាងអាហារណាដែលនំាឲ្យមានប្រតិកម្មរួមមាន ផ្លែស្វាយ និងគ្រឿងសមុទ្រជាដើម។

រូបតំណាង

**មុនកើតលើច្រមុះ**

បើអ្នកកើតមុននៅលើបរិវេណច្រមុះនោះអាចមកពីមានខ្លាញ់ច្រើននៅក្នុងច្រមុះហើយវាក៏មានមុន លុះក៏បណ្តាលឲ្យរន្ធញើសមិនបានសម្អាតត្រឹមត្រូវ។ ការឈឺក្រពះ ការពិបាករំលាយអាហារ និងការហើមពោះក៏អាចបណ្តាលឲ្យកើតជាមុនបានដែរ។ ដូច្នោះហើយ អ្នកត្រូវចៀសវាងអាហារបំពងយូរៗ ស៊ប់ និងអាហារហឹរៗដែលនំាឲ្យឆាប់ឈឺចាប់និងមិនសូវឈឺចាប់ដល់ក្រពះផងដែរ។

មុនកើតលើមាត់

សម្រាប់អ្នកដែលងាយនឹងទល់លាមក ឆាប់ខឹង មានបញ្ហាក្រពេញអង់ដូគ្រីន មុននិងក្រោយពេលមករដូវនោះអាចកើតមុននៅលើផ្ទៃក្បែរមាត់របស់អ្នក។ អ្វីដែលអ្នកត្រូវចងចំានោះគឺការទទួលទានអាហារសម្បូរទៅដោយជាតិសរសៃ ញុំាអាហារត្រជាក់ៗ។ អ្នកត្រូវធ្វើឲ្យមានតុល្យភាពអរម៉ូននៅក្នុងរាងកាយរបស់អ្នកឡើងវិញ។

រូបតំណាង

មុនកើតលើថ្ងាស

នៅពេលអ្នកមានមុននៅលើថ្ងាសមានន័យថាថ្លើមរបស់អ្នកមានផ្ទុកជាតិពុល។ នេះអាចបណ្តាលមកពីមួយថ្ងៃៗអ្នកគ្មានពេលសម្រាកបានគ្រប់គ្រាន់ដូចជា ចូលគេងយប់ជ្រៅជាប្រចំាហើយវាធ្វើឲ្យរាងកាយមិនអាចរំលាយអាហារបានល្អ។ ហេតុដូចនេះហើយ អ្នកត្រូវបន្ថែមម៉ោងគេងដើម្បីឲ្យរាងកាយមានដំណើរការស្រួល។

ការថែរក្សាស្បែកមុនឲ្យបានល្អ

អ្នកមិនត្រូវសម្អាតមុនហួសហេតុពេកនោះទេដូចជាកុំដុសសម្អាតមុខយកខ្លាញ់ចេញច្រើនពេក។ ប៉ុន្តែអ្នកគ្រាន់តែសម្អាតមួយថ្ងៃ ពីរ ទៅ បីដងទៅបានហើយ។ ក្នុងករណី មុនអ្នកមានខ្លាញ់ច្រើនត្រូវឧស្សាហ៍ដុស ត្រូវចងចំាថាមិនត្រូវឲ្យមុខក្តៅពេក ឬត្រជាក់ពេកនោះទេ។ បន្ទាប់ពីសម្អាតជាតិខ្លាញ់លើផ្ទៃមុខរួចហើយ អ្នកត្រូវធ្វើឲ្យមុខមានសំណើម។ ប្រសិនបើអ្នកធ្វើបែបនេះហើយមុខរបស់អ្នកនៅតែមិនប្រសើរទៀតនោះ អ្នកគប្បីឆាប់ទៅរកអ្នកឯកទេសព្យាបាលមុនជាបន្ទាន់។

រូបតំណាង

ការទទួលទានអាហារអំឡុងពេលមុខមានមុន

ជាការពិតណាស់ អំឡុងពេលមានមុនអ្នកក៏គួរតែលៃលករឿងទទួលទានចំណីអាហារដែរដូចជាបង្អែម និងភេសជ្ជៈមានជាតិស្ករខ្ពស់។ ការបរិភោគគ្រឿងអស់ទំាងនោះវានំាឲ្យរាងកាយមានជាតិស្ករកើនឡើងនិងផលិតអាំងស៊ុយលីន។ កាលណាមុនកើតកាន់តែយូរ អ្នកត្រូវតែតមអាហារសមុទ្រតាមនោះដែរ។ អ្នកគួរទទួលទានអាហារដែលមានវីតាមីន A វីតាមីនB6 ដូចជា ផ្លែចេក ផ្លែប៉េងប៉ោះ ស្ពៃខ្មៅ ផ្លែសារី ការ៉ុតជាដើម៕