មិនអស់លុយច្រើនទិញ collagen ហូបបន្លែទាំងនេះក៏សាច់ស្អាត ក្មេងជាងវ័យ

2020-06-09 05:30:00
ចំនួនមតិ 0 | ចំនួនចែករំលែក 0

ខណៈម្សៅបំប៉នផឹកស្បែកជាច្រើនកំពុងមានមុខលើទីផ្សារ ធ្វើឲ្យមិត្តនារីត្រូវចំណាយថវិការមួយចំនួនធំដើម្បីមានស្បែកស្អាតនោះ។ ការបរិភោគអាហារមួយចំនួនដូចខាងក្រោមក៏មានប្រសិទ្ធិភាពក្នុងការជំនួយស្បែកដូចគ្នា។

Collagen គឺជាប្រតេអ៊ីនម្យ៉ាងដែលមាននៅក្នុងខ្លួនមនុស្សដែលជាអ្នកផ្គត់ផ្គង់ជីវជាតិឲ្យកោសិការស្បែក។ នៅពេលអាយុកាន់តែច្រើន ការផលិតសារជាតិនេះក៏ចាប់ផ្ដើមថយចុះ ធ្វើឲ្យស្បែកស្ងួតស្រអាប់ លែងស្រស់ថ្លាដូចមុន។ នៅពេលនេះ មិនថានារី ឬបុរសចាប់ផ្ដើមរករបស់ជំនួយ ដោយភាគច្រើនលាបឡេមានផ្ទុកសារធាតុនេះ ឬងាយស្រួលជាងគឺផឹកម្សៅ Collagen ដែលកំពុងដាក់លក់យ៉ាងច្រើននៅលើទីផ្សារ។ ប៉ុន្តែ នេះគ្រាន់តែជាដំណោះស្រាយបណ្ដោះអាសន្នប៉ុណ្ណោះ ដោយនៅពេលឈប់ផឹក ស្បែកនឹងប្រែទៅជាសភាពដើម។

ដើម្បីប្រឈមនឹងបញ្ហានេះ អ្នកអាចងាកមកទទួលទានបន្លែវិញ ដែលមានប្រសិទ្ធិភាពមិនចាញ់ផលិតផលខាងលើឡើយ។ ខាងក្រោមនេះគឺជាបន្លែដែលជួយឲ្យសាច់ចាំ នៅស្អាតបានយូរ។

១. សារ៉ាយសមុទ្រ

នេះគឺជាប្រភេទអាហារដែលល្អបំផុតសម្រាប់អ្នកមានស្បែកជ្រីវជ្រួញ និងអ្នកមានវ័យជ្រេ។ សារ៉ាយក៏ជួយបញ្ចេញជាតិពុលនៅក្នុងស្បែកដូចគ្នា។ ប្រភេទអាហារនេះ ក៏ជួយបន្ថយល្បឿននៃភាពចាស់ជរានៅលើស្បែកមនុស្សដូចគ្នា។

២. វ៉ាន់ស៊ុយបារាំង

វ៉ាន់ស៊ុយបារាំង គឺជាជីដែលពេញនិយមបំផុតសម្រាប់បង់ចូលសម្លរនានា។ ជីប្រភេទមួយនេះ ក្រៅពីសម្បូរទៅដោយវីតាមីន C ដែលជួយឲ្យស្បែកភ្លឺថ្លានោះ ជីវ៉ាន់ស៊ុយបារាំងក៏មានផ្ទុក axit linolenic ដែលធ្វើឲ្យស្បែកចាំបានយូរ មិនយារធ្លាក់។ ដូចនេះហើយ បើចង់កើន Collagen ដោយធម្មជាតិ អ្នកអាចទទួលទានជីនេះបាន។

៣. ប្រទាលកន្ទុយក្រពើ

ប្រទាលកន្ទុយក្រពើក្រៅពីអាចព្យាបាលមុខរបួសយ៉ាងឆាប់រហ័ស។ តែអ្នកមានដឹងទេថា បើលាបប្រទាលនេះដោយផ្ទាល់លើស្បែក នឹងជួយឲ្យស្បែកកកើត Collagen ដោយខ្លួនឯង។ ដូចនេះអ្នកអាចប្រើជែលប្រទាលនេះដោយទិញខ្លួនឯងពីផ្សារ ឬទិញផលិតស្រាប់ពីប្រេនគ្រឿងសំអាងនានាក៏បាន។

៤. ផ្កាខាត់ណា

ប្រភេទបន្លែទូទៅដូចជាម្ទេសហាវ៉ៃ និងផ្កាខាត់ណាគឺជាបន្លែដែលសម្បូរទៅដោយ fiber ច្រើន ដែលជួយឲ្យការបន្ទោរបង់ដើរបានស្រួល ជុំរុញឲ្យស្បែកមុខ ក៏ដូចជាស្បែករាងកាយបានភ្លឺថ្លា បណ្ដេញជាតិពុលចេញពីខ្លួន៕

ប្រភព៖ Eva ប្រែសម្រួល៖ Caramel