ហេតុអ្វីជនជាតិជប៉ុនភាគច្រើននិយមងូតទឹកនៅពេលល្ងាច?
- 2020-06-09 06:00:00
- ចំនួនមតិ 0 | ចំនួនចែករំលែក 0
ហេតុអ្វីជនជាតិជប៉ុនភាគច្រើននិយមងូតទឹកនៅពេលល្ងាច?
ការមុជទឹក ឬមុជទឹកក្តៅនៅពេលល្ងាចមុនពេលចូលគេងជួយធ្វើឲ្យអ្នកគេងលក់ស្រួល។ សម្រាប់ប្រទេសជប៉ុនវិញហាក់បីដូចជាមានទំនៀមទម្លាប់មុជទឹកបែបនេះមុនប្រទេសផ្សេងៗតំាងពីយូរលង់ណាស់មកហើយ។ តើមានហេតុផលអ្វីបានជាប្រជាជនជប៉ុននិយមងូតទឹកនៅពេលល្ងាចដូច្នោះ? ហេតុផលដែលប្រជាជនជប៉ុនជាច្រើននិយមងូតទឹកនៅពេលល្ងាចនោះដោយសារមូលហេតុ ៥ យ៉ាងរួមមាន៖
ជនជាតិជប៉ុនមានពិធីងូតទឹកយូរ
នៅពេលមុជទឹក ជនជាតិជប៉ុនធ្វើតាមប្រពៃណីពិសេសដែលរួមមានបីបួនជំហាន។ ដំបូង ពួកគេចូលទៅងូតទឹកដើម្បីលាងសម្អាតធូលីដី ញើស ហើយបន្ទាប់ពីនោះទៀតពួកគេចូលត្រំាក្នុងទឹករយៈពេលយូរ។ ពួកគេអាចនឹងថែមតែបៃតងនិងឱសថផ្សេងៗទៀតចូលទៅក្នុងទឹកដើម្បីឲ្យរាងកាយបានសម្រាក សម្អាតស្បែក និងធ្វើឲ្យអារម្មណ៍ល្អ។ ក្រៅពីនេះ ជនជាតិជប៉ុនមានការជ្រើសរើសសីតុណ្ហភាពដោយប្រុងប្រយ័ត្ន ព្រោះវាពិតជាសំខាន់ណាស់ដើម្បីធ្វើឲ្យមានផាសុកភាពដោយមិនត្រូវឲ្យលើសពី ៤០ អង្សាសេនោះទេ។ ប្រសិនបើទឹកក្តៅពេក វានិងធ្វើឲ្យបាត់បង់សំណើមនិងបើករន្ធញើសបាន។
ជនជាតិជប៉ុនធ្វើតាមទម្លាប់គ្រួសារមុនៗ
ស្ថិតនៅក្នុងសតវត្សរ៍ទី ១៩ មិនមានទឹកក្តៅ ម៉ាស៊ីនកម្តៅ ឬបរិក្ខារនៅក្នុងផ្ទះរបស់ជនជាតិជប៉ុននោះឡើយ។ ដូច្នោះហើយ មនុស្សជាច្រើនត្រូវដំាទឹកក្តៅដើម្បីបានមុជ ហើយការដំាទឹកនោះគឺត្រូវចំណាយពេលយូរ។ ហេតយដូច្នោះហើយ ទម្លាប់ទូទៅនៃការមុជទឹកនៅពេល្ងាចក៏ចេះតែបន្តមានរហូតមក។
ជនជាតិជប៉ុនជារឿយៗតែងទៅលេងអាងហែលទឹកសាធារណឬកន្លែងមុជទឹកក្តៅ
អាងហែលទឹកសាធារណមានការពេញនិយមខ្លំាងណាស់នៅក្នុងប្រទេសជប៉ុន។ មនុស្សមានវ័យខុសៗគ្នាជាច្រើនតែងមកកន្លែងអស់នោះមិនមែនសម្រាប់តែមុជទឹកតែមួយមុខនោះទេ តែគឺមកសម្រាក និងចំណាយពេលវេលាដើម្បីធ្វើរឿងដែលសប្បាយរីករាយទៀតផង។ វាអាចនិយាយបានថាជាការកម្សាន្តបានដែរ។ នៅពេលយប់គឺពុំសូវមានមនុស្សច្រើននោះទេ ដូច្នោះអ្នកអាចនៅតែម្នាក់ឯងតាមគំនិតរបស់អ្នកបាន។ វាមើលទៅហាក់បីដូចជាការសម្រាកលំហែមួយដ៏ប្រសើរ។
ជនជាតិជប៉ុនពុំមានពេលវេលាគ្រប់គ្រាន់ឡើយនៅពេលព្រឹក
ជនជាតិជប៉ុនគឺជាអ្នកពូកែធ្វើការងារដ៏ពិតប្រាកដ។ មានមនុស្សប្រហែលជា ៤ ក្បៀស ៥ លាននាក់ជាបុគ្គលិកធ្វើការពេញម៉ោងនិងមានការងារបន្ទាប់បន្សំទៀតដែលជាមធ្យមពួកគេធ្វើការចន្លោះ ៦ ទៅ ១៤ ម៉ោងបន្ថែមជារៀងរាល់សប្តាហ៍។ ជាការពិតណាស់ នៅប្រទេសជប៉ុនវាពិតជាសំខាន់ណាស់ដែលអ្នកត្រូវតែគោរពពេលវេលា។ ប្រសិនបើអ្នកមកយឺតតែពីបីនាទី វាហាក់បីដូចជាមិនមានផលល្អឡើយ។ ដូច្នោះហើយ នៅពេលព្រឹកជនជាតិជប៉ុនមិនមានពេលទំនេរសូម្បីតែមួយនាទីណាឡើយ។
ជនជាតិជប៉ុនមានការប៉ះពាល់ដោយអាកាសធាតុ
រដូវក្តៅនៅក្នុងប្រទេសជប៉ុន គឺមានលក្ខណៈក្តៅនិងសើមខ្លំាង។ ប្រជាជនភាគច្រើនមិនប្រើប្រាស់ឡានផ្ទាល់ខ្លួនពួកគេឡើយ តែគេប្រើប្រាស់មធ្យោបាយសាធារណជំនួសវិញ។ ពួកគេនឹងមិនមានអារម្មណ៍ល្អឡើយ ប្រសិនបើពួកគេមិនបានមុជទឹកនៅពេលល្ងាច។ ចំណែកឯរដូវរងាវិញ ផ្ទះរបស់ជនជាតិជប៉ុនគឺត្រជាក់ខ្លំាងណាស់ព្រោះគ្មានខ្យល់កណ្តាលនិងម៉ាស៊ីនកម្តៅនោះទេ។ ពួកគេចុឡបន្ទប់ទឹកមិនត្រឹមតែមុជទឹកប៉ុណ្ណោះទេ តែកម្តៅខ្លួនរបស់ពួកគេឲ្យបានស្រួលខ្លួនមុនពេលចូលគេង៕
ចុចអានបន្ត៖