ក្នុងភ្នែកមនុស្សផ្ទុយភេទ ចំណុចអ្វីដែលអ្នកស្រូបទាញការចាប់អារម្មណ៍បានខ្លាំងជាងគេ? សាករើសរូបមួយ
- 2020-06-08 08:50:00
- ចំនួនមតិ 0 | ចំនួនចែករំលែក 0
ក្នុងភ្នែកមនុស្សផ្ទុយភេទ ចំណុចអ្វីដែលអ្នកស្រូបទាញការចាប់អារម្មណ៍បានខ្លាំងជាងគេ? សាករើសរូបមួយ
បើសិនជាអ្នកចង់ដឹងថា ក្នុងក្រសែភ្នែកមនុស្សដទៃ អ្នកមានភាពទាក់ទាញកម្រិតណា អ្នកអាចសាកល្បងរើសមួយចំនួន៤ ហើយផ្ទៀងចម្លើយទាំងអស់គ្នា៖
បើអ្នករើសយក A
ភាពទាក់ទាញរបស់អ្នកចំពោះមនុស្សភេទផ្ទុយ កើតឡើងតាមរយៈរូបរាងខាងក្រៅ។ អ្នកតែងតែរក្សានូវភាពវិជ្ជមាននិងការចងចាំមិនអាចបំភ្លេចបានក្នុងកែវភ្នែកមនុស្សដទៃ ដែលនេះជាធម្មជាតិផ្ដល់ឲ្យអ្នកនូវរូបរាងដ៏ពិសេសមើលទៅស្អាត បូករួមទាំងឥរិយាបថប្រកបដោយគុណធម៌និងស្តង់ដា។
អ្នកចេះបណ្ដុះខ្លួនឯង រួមទាំងដឹងពីរបៀបរៀបចំខ្លួនឲ្យមើលទៅស្អាតបាត។ អ្នកចូលចិត្តស្លៀកពាក់សមរម្យ ហើយក៏ចេះលេងម៉ូដខោអាវតាមកាលៈទេសៈយ៉ាងទាន់សម័យ ព្រមទាំងមានទំនោរលើការថែរក្សារូបរាងឲ្យមើលទៅសមសួនផងដែរ។ ហេតុនេះហើយ នៅពេលនរណាបានជួបអ្នក វាបានបង្កើតនូវមន្តស្នេហ៍ ធ្វើឲ្យគេចាប់អារម្មណ៍អ្នកតាំងពីជួបលើកដំបូង។
បើអ្នករើសយក B
ភាពទាក់ទាញរបស់អ្នកចំពោះមនុស្សភេទផ្ទុយគឺ ថាមពលនិងទេពកោសល្យផ្ទាល់ខ្លួនរបស់អ្នក។ មនុស្សជាច្រើននៅជុំវិញពិតជាស្ងប់ស្ងែងលើទេពកោសល្យ រួមទាំងភាពវៃឆ្លាត ការឯករាជ្យ និងវិធីចេះគ្រប់គ្រងបានយ៉ាងល្អរបស់អ្នក។ ក្រៅពីនេះ អ្នកជាមនុស្សរឹងមាំ ហើយស្អប់នរណាបង្ខំអ្នក ហើយអ្នកក៏មិនចូលចិត្តបង្ខំគេដូចគ្នា។
ដូចនេះ អ្នករស់នៅតាមបែបផែនផ្ទាល់ខ្លួន ប្រឹងប្រែងធ្វើការ និងតែងព្យាយាមសម្រេចការងារឲ្យបានជោគជ័យលឿន។ នេះបង្ហាញពីភាពរឹងមាំ ព្រមទាំងការឈានឆ្ពោះទៅដល់គោលដៅ ដែលអ្នកខំជម្នះការលំបាកជាច្រើនចំពោះខ្លួនឯង។ លើសពីនេះ អ្នកក៏ពូកែខាងច្នៃប្រឌិត មានមហិច្ចតា និងតែងតែបង្កើតវាឲ្យដល់ចំណុចខ្ពស់បំផុតមួយ។
បើអ្នករើសយក C
ភាពទាក់ទាញរបស់អ្នកចំពោះមនុស្សភេទផ្ទុយគឺ ភាពស្រស់ស្អាតផ្នែកបុគ្គលិកលក្ខណៈ ។ អ្នកជាមនុស្សតស៊ូព្យាយាម ឧស្សាហ៍ និងមានភាពទន់ភ្លន់ ប៉ុន្តែពេលអ្នកដទៃជួបអ្នកភ្លាមៗ ទាំងនេះមិនទាន់បង្ហាញអនុភាពខ្លាំងក្លារបស់វានៅឡើយទេ។ តែអ្វីដែលទាក់ទាញក្នុងក្រសែភ្នែកមនុស្សដទៃបំផុតនោះ គឺអ្នកជាមនុស្សមានចិត្តស្មោះត្រង់ បេះដូងបរិសុទ្ធ និងចិត្តល្អ។
ការប្រឹងប្រែង មានទំនួលខុសត្រូវខ្ពស់ រួមទាំងការចេះកំប្លែងលេងរបស់អ្នកបានអង្រួនបេះដូងមនុស្សជាច្រើន។ ពួកគេបានមើលឃើញពីជំនឿទុកចិត្ត ងាយចុះសម្រុង ព្រមទាំងសន្តិភាពផ្លូវចិត្តយ៉ាងពិតប្រាកដពេលបានក្បែរអ្នក។
បើអ្នករើសយក D
ភាពទាក់ទាញរបស់អ្នកកើតឡើងចំពោះមនុស្សភេទផ្ទុយតាមរយៈសមត្ថភាពនិយាយដោយប៉ិនប្រសប់។ ប្រហែលនេះមកពីធម្មជាតិផ្ដល់ឲ្យ ជាមួយពាក្យសម្តីដ៏ផ្អែមល្ហែមជាងទឹកឃ្មុំ។ ពេលណាក៏ដោយនៅពេលអ្នកនិយាយ អ្នកតែងបង្ហាញជនដទៃឲ្យឃើញពីការគោរព ការប្រើភាសាដែលសម្បូរបែបគួរឲ្យចាប់អារម្មណ៍និងទាក់ទាញ។
លើសពីនេះ អ្នកចេះគួរសម កំប្លុកកំប្លែង ប្រៀបដូចចេះអន្ទងចិត្តអ្នកស្តាប់ ដោយចេះលើកយកប្រធានបទពីមួយទៅមួយប្លែកគួរឲ្យចាប់អារម្មណ៍មកនិយាយទៀតផង។ ទន្ទឹមនឹងនេះ អ្នកមានចំណេះដឹងទូទៅទូលំទូលាយ ព្រមទាំងចេះបត់បែនប្រកបដោយមិត្តភាព។ មនុស្សគ្រប់គ្នាចូលចិត្តជជែកលេងជាមួយជនដែលមានបុគ្គលិកលក្ខណៈដូចជាអ្នកខ្លាំងណាស់៕