មិនខកចិត្តទេ! គុណសម្បត្តិច្រើនលើសលប់របស់សំបកក្រូច ជួយស្បែកមុខបានមួយចប់

2020-06-08 03:50:00
ចំនួនមតិ 0 | ចំនួនចែករំលែក 0

គុណប្រយោជន៍របស់សំបកក្រូចពិតជាលើសលប់ណាស់ ក្នុងផ្នែកសម្រស់។ ដោយសារតែវាផ្ទុកវីតាមីន C ដែលជាមុខងារយ៉ាងសំខាន់ក្នុងការជួសជុលកោសិកា និងបំពេញភាពក្មេងជាងវ័យដល់ស្បែកមុខបាន។

រូបតំណាង

**១. មិនឲ្យមុនកើតឡើង**

ក្រូចសម្បូរដោយវីតាមីន C យ៉ាងលើសលុប ។ រីឯ វីតាមីន C វិញ មានលក្ខណៈសម្បត្តិអាចប្រឆាំងការរលាក ប្រឆាំងអុកស៊ីតកម្មដែលបណ្ដាលឲ្យកើតមុនផងដែរ។

២. ជម្រុះកោសិកាងាប់ៗចោល

អ្នកដឹងទេ កោសិកាងាប់ៗអាចផ្ដុំគ្នាលើស្បែកមុខធ្វើឲ្យស្ទះរន្ធរោមបានយ៉ាងងាយស្រួល។ ប៉ុន្តែ អាស៊ីតស៊ីទ្រិចក្នុងសំបកក្រូចអាចកម្ចាត់ចោលធាតុទាំងនោះ ហើយជំនួសមកវិញនៅកោសិកាថ្មី។ លើសពីនេះ វាជាកាំបិតយ៉ាងមុតស្រួច អាចសម្លាប់បញ្ហាស្បែកខ្មៅស្រអាប់បាន។ ក្រូច មានគុណប្រយោជន៍ដែលជួយស្បែកមានជីវជាតិ និងបន្តឹងស្បែកឲ្យស្រស់ថ្លាបាន។

រូបតំណាង

៣. ជួបបណ្ដុះកោសិកាយ៉ាងមានប្រសិទ្ធភាព

សំបកក្រូច អាចរុញច្រានសារធាតុកខ្វក់ចេញពីស្បែកមុខបានយ៉ាងពូកែ ព្រមទាំងកម្ទេចកម្ទីដែលនៅសេសសល់លើស្បែកមុខបានទៀតផង។

៤. ទប់ស្កាត់ស្បែកកុំឲ្យឡើងខ្លាញ់ អាស៊ីតស៊ីទ្រិច ក្នុងផ្លែក្រូចជួយគ្រប់គ្រងជាតិខ្លាញ់លើសលើស្បែកមុខ និងថែមទាំងជួយផ្ដល់សំណើមដល់ស្បែកឲ្យសើមបានយូរទៀតផង។

រូបតំណាង

៥. ទប់ស្កាត់ការចាស់មុនអាយុ

ដោយសារវីតាមីន C មានអំណាចការពាររ៉ាឌីកាល់សេរីកុំឲ្យមកបំផ្លាញស្រទាប់ស្បែកឲ្យខូចខាត ដូច្នេះវាក៏មាននាទីជួយប្រយុទ្ធភាពចាស់មុនអាយុបានថែមទៀត។ ស្នាមជ្រួញ និងស្នាមអុជខ្មៅ ក៏អាចកម្ចាត់បានដែរ៕

ប្រភព៖ Boldsky ប្រែសម្រួល៖ លឹម សុនា