ស្រីៗមានផ្នត់គំនិត ៥ នេះ ច្រើនទទួលជោគជ័យក្នុងជីវិតដោយមិនដឹងខ្លួន

2020-06-04 07:15:00
ចំនួនមតិ 0 | ចំនួនចែករំលែក 0

ក្នុងសម័យកាលបច្ចុប្បន្ន ភាពជោគជ័យច្រើនពឹងផ្អែកលើជីវិតអាពាហ៍ពិពាហ៍ ចំនួនទឹកប្រាក់នៅក្នុងគណនីធនាគារ ឬ មុខដំណែងនៅកន្លែងការងារជាដើម។ ជាការពិត មនុស្សស្រីគ្រប់រូបមានទស្សនៈខុសៗគ្នាទៅលើ"ភាពជោគជ័យ"។ យ៉ាងណាមិញ ពឹងផ្អែកទៅលើការឆ្លងកាត់នូវបទពិសោធន៍ច្រើនជាមួយនឹងស្រ្តីដែលទទួលបានភាពជោគជ័យ គេសង្កេតឃើញថាមនុស្សស្រីដែលតែងទទួលបាននូវលទ្ធផលល្អ និង វិជ្ជមានក្នុងជីវិតច្រើនផ្ដើមចេញពីទស្សនៈដ៏ល្អប្រសើរទាំង៥ នេះ៖

រូបតំណាង

**១. ការមានឆន្ទៈច្បាស់លាស់ក្នុងជីវិតផ្ទាល់ខ្លួន និង ការងារ៖** ប្រហែលជាធ្លាប់ឮនៅសម្រង់សម្ដីមួយឃ្លាដែលលើកឡើងថា "បើអ្នកធ្វើការងារដែលអ្នកស្រឡាញ់នោះគ្មានថ្ងៃណាមួយដែលអ្នកស្មុគរឿងការងារដែលអ្នកធ្វើនោះទេ"។ ដូច្នេះហើយភាពជោគជ័យតម្រូវឲ្យអ្នកគប្បីមាននូវឆន្ទៈមោះមុត និង គោលជំហរច្បាស់លាស់លើការជ្រើសរើសនូវផ្លូវដែលអ្នកដើរគ្រប់ជំហាន ទាំងក្នុងជីវិតគ្រួសារ ឬការងារ នោះទើបអ្នកឆាប់សម្រេចបាននូវសេចក្ដីប៉ងប្រាថ្នាពិតប្រាកដរបស់អ្នក។

២. ការចេះឈោងចាប់នូវក្ដីស្រមៃរបស់ខ្លួន៖ តាមការស្រាវជ្រាវរបស់សហរដ្ឋអាមេរិក មនុស្សស្រីច្រើនមិនសូវមានទំនុកចិត្ត និងភាពជឿជាក់លើសមត្ថភាពរបស់ខ្លួនឡើយ ជាពិសេសក្នុងវិស័យការងារ។ យ៉ាងណាមិញ គេសង្កេតឃើញថាមនុស្សស្រីដែលតែងមានទំនុកចិត្តលើខ្លួនឯងហើយមានភាពក្លាហានក្នុងការឈោងចាប់នូវក្ដីស្រមៃរបស់ខ្លួន ច្រើនទទួលបានមកវិញនូវលទ្ធផលគាប់ចិត្ត និង សមបំណង។

រូបតំណាង

៣. មិនខ្លាចរអានឹងការសាកល្បងអ្វីដែលថ្មី៖ មនុស្សមួយចំនួនធំគ្មានការរីកចម្រើន និង នៅតែមួយកន្លែងព្រោះពួកគេមានការភ័យខ្លាច មិនហ៊ានក្នុងការសាកល្បងអ្វីដែលថ្មី ហើយប្លែក។ ការមានទស្សនៈបែបនេះមិនត្រឹមត្រូវឡើយ។ បើអ្នកពិតជាប្រាថ្នាចង់ស្គាល់ភាពជោគជ័យពិតប្រាកដ អ្នកចាំបាច់តាំងចិត្តបោះជំហានទៅមុខ មិនថាផ្លូវនោះពិបាកឆ្លងកាត់ប៉ុណ្ណាឡើយ ព្រោះចុងក្រោយអ្នកនឹងទៅដល់កន្លែងដែលអ្នកប្រាថ្នាជាមិនខាន។

៤. ចេះកែច្នៃបរាជ័យឲ្យទៅជាមេរៀនជីវិត៖ ជាការពិត មនុស្សស្រីដែលជោគជ័យគឺសុទ្ធតែធ្លាប់បរាជ័យ ពោលគឺគ្មានភាពជោគជ័យណាដែលបានមកដោយស្រួលៗ និង ងាយៗនោះទេ។ ដូច្នេះដើម្បីសម្រេចនូវក្ដីប្រាថ្នាពិតប្រាកដ វាតម្រូវឲ្យអ្នកមានភាពរឹងមាំ ក្លាហាន និង តស៊ូ។ រាល់ពេលអ្នកដួលឬជួបឧបសគ្គអ្វីមួយ ត្រូវងើបឈរឡើងវិញ ហើយបន្តដំណើរទៅមុខដោយចាត់ទុកភាពបរាជ័យទាំងអស់នោះជាមេរៀន។

រូបតំណាង

៥. យល់ច្បាស់ពីសារៈសំខាន់នៃការផ្សារភ្ជាប់ទំនាក់ទំនង៖ ច្បាស់ណាស់ថាមុននឹងសម្រេចដល់គោលដៅរបស់ខ្លួន មនុស្សម្នាក់ៗចាំបាច់ត្រូវចេះមានការសាងទំនាក់ទំនងជាមួយអ្នកដទៃ ហើយមិនមែនចេះតែរាប់អានផ្ដេសផ្ដាសនោះទេ គឺការរាប់អានដោយស្មោះត្រង់ ជាពិសេសរវាងមនុស្សស្រីដូចគ្នា។ ពេលដែលអ្នកយល់ច្បាស់ថា អ្នកមិនអាចសម្រេចគោលដៅសំខាន់អ្វីមួយដោយឯកឯងបាននោះទេ ពេលនោះអ្នកនឹងចាប់ផ្ដើមស្គាល់ច្បាស់ពីសារៈសំខាន់ក្នុងការប្រាស្រ័យទាក់ទងជាមួយមនុស្សជុំវិញខ្លួនក្នុងជីវិត៕

ចុចអានបន្ត៖ ៥ ក្បាច់ជួយឲ្យដើមដៃតូចហើយតឹងណែន អាចពាក់អាវដៃតូចដោយជឿជាក់

ប្រភព៖ nawrb ប្រែសម្រួល៖ Siyou Tang