មិនពិបាក! អនុវត្តតិចនិក ៧ យ៉ាងដើម្បីបានស្បែកស្អាតយូរអង្វែង
- 2020-06-04 03:35:00
- ចំនួនមតិ 0 | ចំនួនចែករំលែក 0
មិនពិបាក! អនុវត្តតិចនិក ៧ យ៉ាងដើម្បីបានស្បែកស្អាតយូរអង្វែង
នៅពេលអាយុកាន់តែច្រើន ស្នាមជ្រួញនិងបញ្ហាស្បែកផ្សេងៗនឹងចូលមកស្វាគមន៍មនុស្សស្រីស្ទើរគ្រប់គ្នា។ ការប្រើឡេលាបមុខមានតម្លៃថ្លៃៗ នៅមិនទាន់គ្រប់គ្រាន់ឡើយដើម្បីបានស្បែកស្រស់ស្អាត។ ប្រសិនបើសុភាពនារីបន្តទម្លាប់ដែលជាកំហុសបំផ្លាញស្បែកជារៀងរាល់ថ្ងៃ។
**១. ម៉ាស្សាមុខជារៀងរាល់ថ្ងៃ**
ម៉ាស្សាមុខនៅទីនេះ មិនមែនមានន័យថាឲ្យអ្នកទៅហាងថែសម្ផស្សរាល់ថ្ងៃខ្ជះខ្ជាយលុយនោះទេ ប៉ុន្តែគឺការថែស្បែកមុខនៅផ្ទះ។ បន្ទាប់ពីលាងសម្អាតមុខរួច អ្នកគួរយកដៃត្រដុសស្បែកមុខថ្នមៗ ដើម្បីជួយឲ្យចរន្តឈាមដើរបានស្រួល។ ម្យ៉ាងទៀត ការម៉ាស្សាមុខ ជួយចលនាសាច់ដុំ មិនឲ្យកើតស្នាមជ្រួញផងដែរ។
២. ផឹកទឹកគ្រប់គ្រាន់
រឿងសំខាន់ដើម្បីមានសម្រស់ផូរផង់ ចេញឆ្ងាយពីស្នាមជ្រួញ មិនត្រូវបណ្ដោយឲ្យរាងកាយខ្សោះជាតិទឹកឡើយ។ រាល់ថ្ងៃ ត្រូវផឹកទឹកឲ្យគ្រប់គ្រាន់ ព្រោះទឹកជាជីវជាតិចម្បងជួយឲ្យស្បែកស្រស់ស្អាតបានយូរអង្វែង។
៣. លាបឡេការពារកម្ដៅថ្ងៃ
ពន្លឺព្រះអាទិត្យអាចបំផ្លាញស្បែកយ៉ាងធ្ងន់ធ្ងរ ដូច្នេះមិនត្រូវភ្លេចលាបឡេការពារកម្តៅថ្ងៃរាល់ថ្ងៃនោះឡើយ។
៤. ខាត់ស្បែកឲ្យបានទៀងទាត់
ការណែនាំដ៏សំខាន់បំផុតមួយពីអ្នកជំនាញផ្នែកសើស្បែក ប្រាប់ថា វិធីមួយដើម្បីបានស្បែកស្រស់ស្អាតនិងទន់រលោង គឺត្រូវខាត់ស្បែកយ៉ាងហោច ១ -២ ដងក្នុងមួយសប្ដាហ៍។ វាជួយជម្រុះកោសិកាចាស់ៗ និងបណ្ដុះកោសិកាថ្មីៗឲ្យលូតលាស់បានល្អ មើលទៅមានពន្លឺ និងស្រទន់។ ប៉ុន្តែសម្រាប់អ្នកមានស្បែកងាយប្រតិកម្មមិនគួរខាត់ស្បែកញឹកញាប់ឡើយ ព្រោះធ្វើឲ្យឆាប់ខូចស្បែកបាន។
៥. លាបគ្រីមជុំវិញរង្វង់ភ្នែកឲ្យបានទៀងទាត់
ស្បែកនៅជុំវិញភ្នែកគឺស្ដើងនិងងាយរងផលប៉ះពាល់ណាស់។ បើមិនបានថែទាំដិតដល់ នឹងលេចស្នាមជ្រួញមុនអាយុមិនខាន។ ម្ល៉ោះហើយ ការបន្ថែមជាតិសំណើមលើបរិវេណភ្នែកជារឿងសំខាន់សម្រាប់មនុស្សស្រីទូទៅ។ អ្នកត្រូវជ្រើសរើសប្រភេទគ្រីមណាដែលមានជាតិសំណើមខ្ពស់ អាចរំញោចកោសិកាបឺតយកសារជាតិសំខាន់ៗជួយដល់ភ្នែកបាន។
៦. ឧស្សាហ៍ប្ដូរស្រោមពូក និងខ្នើយ
មានមនុស្សជាច្រើនបានមើលរំលងចំណុចនេះ ព្រោះវាអាចបណ្ដាលឲ្យឆ្លងមេរោគនិងបាក់តេរីបាន។ អ្នកគួរផ្លាស់ប្តូរស្រោមខ្នើយនិងស្រោមពួកជាមធ្យម ១ដងក្នុងមួយសប្ដាហ៍ ដើម្បីកុំឲ្យជាប្រភពជម្រកនៃមេរោគបាន។
៧. កន្សែងជូតមុខ និងកន្សែងជូតខ្លួនក៏ត្រូវផ្លាស់ប្តូរដែរ
ផលប៉ះពាល់ខ្លាំងទៅលើស្បែក គឺការប្រើកន្សែងជូតមុខ និងដងខ្លួនគគ្រិច ហើយប្រើលាយឡំគ្នា។ ដូច្នេះ ទោះអ្នកជម្រះមុខស្អាតយ៉ាងណា វានឹងបន្សល់នូវស្នាមកខ្វក់ដដែរ។ ម្ល៉ោះហើយ កុំប្រើលាយគ្នា និងមានអនាម័យចៀសវាងឆ្លងបាក់តេរីផ្សេងៗ។
ប្រសិនបើអ្នកចង់មានស្បែកស្អាត ចេញឆ្ងាយពីស្នាមជ្រួញ អ្នកត្រូវប្រញាប់ផ្លាស់ប្តូរទម្លាប់មួយចំនួនចោល ដើម្បីស្បែកស្រស់ស្អាតយូរអង្វែង៕
អានបន្ត៖ មិនខកចិត្តទេ! គុណសម្បត្តិច្រើនលើសលប់របស់សំបកក្រូច ជួយស្បែកមុខបានមួយចប់