សកម្មភាព ៦យ៉ាងនឹងលេចឡើងនៅពេលគេឈប់ស្រឡាញ់អ្នក

2020-06-02 02:30:00
ចំនួនមតិ 0 | ចំនួនចែករំលែក 0

ពេលមនុស្សពីរនាក់ចាប់ផ្ដើមស្រឡាញ់គ្នា ការបារម្ភ ការយកចិត្តទុកដាក់តែងតែមាន ហើយការចង់នៅជាមួយគ្នា ក្បែរគ្នាកាន់តែច្រើនកាន់តែល្អ។ យ៉ាងណាមិញវាក៏ដូចគ្នាពេលគេលែងមានអារម្មណ៍ស្រឡាញ់អ្នក រឿងល្អៗក៏ចាប់ផ្ដើមរលាយ ហើយសកម្មភាពទាំងនេះនឹងលេចចេញមក ៖

១. គេលែងខ្វល់ខ្វាយអីទាំងអស់

គេលែងឈឺក្បាល ឬដេញដោលច្រើនពីរឿងអ្នកទៀតហើយ អ្នកចង់ធ្វើអីក៏ធ្វើទៅ។ គេចាប់ផ្ដើមលែងទទួលឥទ្ធិពលពីអ្នក ហើយក៏ចាប់ផ្ដើមឆ្ងាយពីស្នេហាទៅៗ។

រូបតំណាង

**២. គេទើសភ្នែកសឹងតែគ្រប់រឿង**

ពេលការស្រឡាញ់ចាប់ផ្ដើមអស់ ចំណុចល្អក៏ចាប់ផ្ដើមរលាយដែរ។ អ្នកចាប់ផ្ដើមខុសគ្រប់រឿង ហើយគេតែងតែទាស់ចិត្តគ្រប់ពេល នេះបញ្ជាក់ថាអ្នកលែងមានអីល្អសម្រាប់គេទៀតហើយ។

៣. គេដើរចេញរាល់ពេលមានបញ្ហា

គេលែងចង់ដោះស្រាយ ឬនិយាយគ្នាអីទៀតហើយគឺរាល់ពេលឈ្លោះគ្នាមានដើរចេញដោយមិនអើពើ។ សកម្មភាពបែបនេះគឺមានន័យថាគេមិនចង់ស្ដារទំនាក់ទំនងឡើងវិញឡើយ គឺបណ្ដោយវាទៅតាមដំណើរចប់ពេលណាក៏ពេលហ្នឹងទៅ។

រូបតំណាង

៤. និយាយគ្នាកាន់តែតិចទៅៗ

ការទំនាក់ទំនងគ្នាកាន់តែតិចទៅៗ រហូតពេលខ្លះមិននិយាយគ្នាទៀតក៏មាន។ ការស្ងាត់ស្ងៀម លែងមានអីនិយាយជាមួយគ្នា វាច្បាស់ណាស់ទៅហើយថាគេពិតជាលែងមានអារម្មណ៍ស្រឡាញ់អ្នកដូចមុនទៀតហើយ។

៥. គេធ្វើតាមអារម្មណ៍

បើពេលគេសប្បាយចិត្តនាងអាចនិយាយស្រួលជាមួយអ្នក តែបើគេមិនសប្បាយចិត្តវិញគឺជះមកលើអ្នកគ្មានគិតពីអារម្មណ៍អ្នកឡើយ។ គ្រប់ពេលគេឯកាគេអាចមករកអ្នកឲ្យកំដរ ហើយពេលខ្លះទៀតគេក៏មិនចង់សូម្បីតែឃើញមុខអ្នក។

៦. គេលែងចង់បានការបារម្ភពីអ្នក

កាន់តែឈប់ខ្វល់ពីគេ គេកាន់តែសប្បាយចិត្ត ព្រោះធ្វើឲ្យគេមានអារម្មណ៍ថាខ្លួនមានសេរីភាពច្រើនជាងមុន។ គេលែងមានអារម្មណ៍អន់ចិត្ត ឬពិបាកចិត្តពេលអ្នកទុកគេចោលឡើយព្រោះអារម្មណ៍ពិសេសៗបាត់បង់គ្មានសល់។