ឧស្សាហ៍ញ៉ាំគ្រាប់ផ្កាឈូករ័ត្ន តិចអត់ដឹងពីគុណប្រយោជន៍របស់ធញ្ញជាតិមួយនេះ
- 2020-05-25 10:25:00
- ចំនួនមតិ 0 | ចំនួនចែករំលែក 0
ឧស្សាហ៍ញ៉ាំគ្រាប់ផ្កាឈូករ័ត្ន តិចអត់ដឹងពីគុណប្រយោជន៍របស់ធញ្ញជាតិមួយនេះ
អ្នកដែលចូលចិត្តញ៉ាំគ្រាប់ផ្កាឈូករ័ត្ន ពេលនេះគួរដឹងពីគុណប្រយោជន៍ដ៏លើសលន់របស់គ្រាប់ធញ្ញជាតិនេះ ចំនួន១០យ៉ាង។
១. មានជាតិកូឡេស្តេរ៉ុលទាប
គ្រាប់ធញ្ញជាតិនេះជួយកាត់បន្ថយ LDL ( សារធាតុកូឡេស្តេរ៉ុលអាក្រក់) ដែលជាហានិភ័យធ្វើឲ្យកើតជំងឺសរសៃឈាមបេះដូងបាន។
២. ល្អចំពោះសុខភាពឆ្អឹង
វាផ្ទុកទៅដោយម៉ាញ៉េស្យូម រ៉ែ ផូស្វាត ដែលមាននាទីជួយឆ្អឹងមានសុខភាពល្អមាំមួន។
៣. ជួយគ្រប់គ្រងកម្រិតជាតិស្ករក្នុងសរសៃឈាម
ដោយសារវាសម្បូរដោយកាកសរសៃ ម្ល៉ោះហើយវាជួយកាត់បន្ថយការស្រូបចូលជាតិស្ករក្នុងសរសៃឈាមបានយ៉ាងល្អ។ ម្យ៉ាងទៀត សារជាតិម៉ាញ៉េស្យូមក្នុងគ្រាប់ផ្កាឈូករ័ត្ន ក៏ជួយឲ្យអាំងស៊ុយលីនដំណើរការប្រក្រតីផងដែរ។
៤. បន្សាបជាតិពុល
សារធាតុ Selenium ដើរតួយ៉ាងសំខាន់ក្នុងការកម្ចាត់ធាតុកខ្វក់ចេញពីរាងកាយ។ ក្រៅពីនេះ វារក្សាសារធាតុប្រឆាំងអុកស៊ីតកម្មរបស់រាងកាយឲ្យមានភាពខ្លាំង ព្រមទាំងជួយថ្លើមឲ្យមានរនាំងការពារពីផលប៉ះពាល់នៃមេតាបូលីក។
៥. ជួយស្បែកភ្លឺថ្លា
គ្រាប់នេះផ្ទុកវីតាមីន E លើសលប់ ដែលជួយស្បែកឲ្យនៅស្រស់ផូរផង់ ស្បែកមានសំណើមក្មេងជាងវ័យ។ ក្រុមហ៊ុនមួយចំនួន បានយកគ្រាប់ផ្កាឈូករ័ត្នចម្រាញ់សម្រាប់ធ្វើជាផលិតផលថែរក្សាស្បែក។
៦. ជួយគ្រប់គ្រងផ្លូវចិត្តឲ្យល្អប្រសើរ
គ្រាប់រាងទ្រវែងនេះ មានគុណប្រយោជន៍ដល់សុខភាពផ្លូវចិត្ត ដែលកាត់បន្ថយកម្រិតស្រ្តេសអរម៉ូនបាន។ វាផ្ទុកដោយអាមីណូអាស៊ីត ទ្រីប៉ូផិន ដែលជួយឲ្យដំណេកអ្នកស្កប់ស្កល់។
៧. ប្រភពនៃប្រូតេអ៊ីន
បើអ្នកជាមនុស្សមិនសូវញ៉ាំសាច់ នោះអ្នកអាចផ្តល់ឲ្យរាងកាយនូវប្រូតេអ៊ីនបានតាមរយៈគ្រាប់នេះ ជាប្រចាំថ្ងៃបាន។
៨. មិនឲ្យឡើងគីឡូ
ដោយសារវាសម្បូរជាតិកាកសរសៃ រួមទាំងវីតាមីន B ដែលជួយឲ្យប្រព័ន្ធរំលាយអាហារដំណើរការបានយ៉ាងមានប្រសិទ្ធភាព។
៩. ការពារពីជំងឺមហារីក
សារធាតុរ៉ែកម្រជាចម្រើនដូចជា selenium , enzymes ជួយឲ្យកោសិកាមហារីកមិនងាយរាលដាលបាន។
១០. កាត់បន្ថយសម្ពាធឈាមឡើងខ្ពស់
គ្រាប់ផ្កាឈូករ័ត្ន ផ្ទុកសារធាតុរ៉ែ រួមទាំងកាល់ស្យូម ប៉ូតាស្យូម ម៉ាញេស្យូមក្នុងការជួយគ្រប់គ្រងសម្ពាធឈាម ផងដែរ។ គ្រប់សារធាតុនីមួយៗ មានសារៈសំខាន់ជួយរក្សាឲ្យសម្ពាធឈាមនៅប្រក្រតី៕
អានបន្ត៖ តិចនិក ៦យ៉ាង ស្រីៗត្រូវដឹង មុននឹងចង់សម្រកទម្ងន់ឲ្យបានសម្រេចពិតប្រាកដ