ខឹងមិត្តប្រុសបែកគ្នាតែមិនយំ នារីម្នាក់ផ្ញើខ្ទឹមបារាំង១តោនឲ្យសង្សារដើម្បីសងសឹក តែលទ្ធផលនឹកស្មានមិនដល់
- 2020-05-21 02:45:00
- ចំនួនមតិ 0 | ចំនួនចែករំលែក 0
ខឹងមិត្តប្រុសបែកគ្នាតែមិនយំ នារីម្នាក់ផ្ញើខ្ទឹមបារាំង១តោនឲ្យសង្សារដើម្បីសងសឹក តែលទ្ធផលនឹកស្មានមិនដល់
នារីរូបនេះកំពុងត្រូវបានគេសរសើរថា ហ៊ានស៊ីហ៊ានសង ពិតជាក្លាហានខ្លាំងណាស់។ បើបែកគ្នាហើយ នាងមានអារម្មណ៍យ៉ាងណា នាងក៏ចង់ឲ្យអតីតសង្សារមានអារម្មណ៍ដូចនាងដែរ។
ក្រោយពេលយំអស់ទឹកភ្នែក ៣ថ្ងៃ ដោយសារបែកគ្នាជាមួយសង្សារ នារីម្នាក់បានបែកគំនិតត្រូវតែឲ្យអតីតមិត្តប្រុសភ្លក់រសជាតិនេះដែរ។ ហេតុនេះហើយ នាង Xiao Zhao មកពីខេត្ត Sandong ប្រទេសចិន បានកម្ម៉ង់ខ្ទឹមបារាំង ១តោនហើយផ្ញើទៅឲ្យសង្សារចាស់។
មិនត្រឹមតែប៉ុណ្ណោះ នាងបានកម្ម៉ង់អ្នកដឹកជញ្ជូនថា បើមិនឃើញមិត្តប្រុសនាងទេ សូមទម្លាក់ដាក់នៅមុខផ្ទះលោកទៅ។ ភ្ជាប់មកជាមួយខ្ទឹមបារាំងនេះគឺក្រដាសមួយសន្លឹកសរសេរថា៖ លោកធ្វើឲ្យខ្ញុំយំអស់៣ថ្ងៃ ឥលូវនេះដល់វេនលោកម្ដង”។
ក្រោយពេលអស់យៈពេល៥ ម៉ោង និងដឹកអស់ជាង៤០ជើង ចុងបញ្ចប់ អ្នកដឹកក៏បានដឹកខ្ទឹមអស់នេះដល់មុខផ្ទះរបស់ Xiao Zhao។ តែលោកបានរអ៊ូថា មិនថាសង្សារនាងបានយំឬ អត់ទេ តែលោកយំអស់ទឹកភ្នែកហើយ។
គួរបញ្ជាក់ផងដែរថា គូស្នេហ៍ខាងលើស្រលាញ់គ្នា ១ឆ្នាំ មុនពេលឈានដល់ការបែកគ្នានេះ។ ខាងប្រុសបានបញ្ជាក់មូលហេតុនៃការបែកគ្នាថា មកពីអតីតមិត្តស្រីរបស់លោកចូលចិត្តដ្រាម៉ាខ្លាំងពេក ធ្វើឲ្យលោកទ្រាំមិនបាន។
ហើយអ្វីដែលគួរឲ្យភ្ញាក់ផ្អើលនោះគឺ ក្រោយពេលទទួលបានខ្ទឹមបារាំង១តោននេះ សង្សាររបស់ Xiao Zhao មិនត្រឹមតែមិនយំនោះទេ លោកថែមទាំងត្រេកអរលើសដើម ព្រោះជាមួយចំនួនខ្ទឹមខាងលើ លោកបានប្រកាសលក់អនឡាញ ហើយរកលុយបានដល់ទៅ ១៥០ដុល្លារ៕