មួយជីវិតគួរតែចំណាយពេលទៅលើរឿងសំខាន់ ៥យ៉ាងនេះទើបជីវិតមានន័យ

2020-05-20 01:30:00
ចំនួនមតិ 0 | ចំនួនចែករំលែក 0

មួយជីវិតនេះតើអ្នកចំណាយពេលទៅលើអ្វីខ្លះហើយ? ការពិតអ្នកប្រហែលជាដឹងនូវអ្វីដែលអ្នកគួរចំណាយពេលទៅលើ ប៉ុន្តែពេលខ្លះអ្នកមិនអាចធ្វើបាន ហើយក៏អាចភ្លេចខ្លួន។ មិនចង់ឲ្យជីវិតនេះមានវិប្បដិសារីអ្នកគួរតែចំណាយពេលទៅលើរឿងខាងក្រោមនេះ ៖

១. ការសិក្សា

ជីវិតនេះបើអ្នករំលងការសិក្សា នោះពិតជារស់នៅគ្មានន័យអ្វីឡើយ។ ការសិក្សាអាចឲ្យអ្នកមើលឃើញពីពិភពលោកកាន់តែច្បាស់ យល់ពីសង្គមដែលខ្លួនរស់នៅ ហើយអាចឲ្យអ្នកដកខ្លួនចេញពីការមើលងាយ ការជាន់ឈ្លី ល្ងង់ខ្លៅ និងភាពក្រីក្របាន។

រូបតំណាង

**២. ការងារ**

ការងារគឺជាផ្នែកមួយនៃជីវិតព្រោះបើអ្នកគ្មានការងារមួយឲ្យច្បាស់នោះទេ ជីវិតអ្នកនឹងរសាត់អណ្ដែតមិនដឹងកោះមិនដឹងត្រើយនៅឯណា ហើយក៏គ្មានលទ្ធភាពអាចផ្គត់ផ្គង់គ្រួសារ និងខ្លួនឯងឲ្យមានសេចក្ដីសុខបានដែរ។

៣. គ្រួសារ

ទន្ទឹមនឹងការសិក្សា ការងារ អ្នកមិនអាចចោលគ្រួសារបានទេ អ្នកត្រូវតែមានពេលសម្រាប់ពួកគេ។ បើអ្នកគិតតែធ្វើការ រកលុយហើយចោលគ្រួសារទាំងស្រុងនោះ លុយដែលអ្នករកបានក៏វាមិនអាចឲ្យគ្រួសារមានសុភមង្គលបានដែរ។

រូបតំណាង

៤. ឪពុកម្ដាយ

ពួកគាត់ក៏ត្រូវការអ្នកដែរ គាត់ក៏ចង់មានពេលនៅជាមួយអ្នកដែរ ដូច្នេះទាន់នៅមានឱកាសអ្នកគួរតែតបស្នងសងគុណគាត់ មើលថែគាត់ និងមានពេលរីករាយជាមួយគាត់ឲ្យបានច្រើន។ ត្រូវចាំថាគាត់ចាស់ហើយ ស្ទើរតែមួយជីវិតគាត់ទៅហើយដែលព្យាយាមដើម្បីកូនៗ គាត់គ្មានពេលសប្បាយគ្មានពេលហ៊ឺហាក៏ដោយសារកូនដែរ។

៥. ខ្លួនឯង

ជីវិតនេះក៏មិនមែនកើតមកសម្រាប់តែអ្នកដទៃដែរ ដូច្នេះអ្នកក៏ត្រូវមានពេលសម្រាប់ខ្លួនឯងដូចគ្នា។ អ្នកអាចចំណាយពេលដែលមានជាមួយមិត្តភក្តិអ្នក ដើរលេងសប្បាយ និងធ្វើនូវអ្វីដែលអ្នកចង់ធ្វើ និងដកស្រង់នូវបទពិសោធន៍ថ្មីក្នុងជីវិតនេះ។