៤ សញ្ញា បង្ហាញថាស្នេហារបស់អ្នកមិនអាចនៅគង់វង្សបានយូរឡើយ
- 2020-05-15 08:20:00
- ចំនួនមតិ 0 | ចំនួនចែករំលែក 0
៤ សញ្ញា បង្ហាញថាស្នេហារបស់អ្នកមិនអាចនៅគង់វង្សបានយូរឡើយ
វាគឺជាពេលវេលាដ៏តឹងតែងបំផុត នៅពេលមនុស្សដែលអ្នកស្រលាញ់ មានបំណងចង់លេងសើចជាមួយនឹងបេះដូងរបស់អ្នក។ ខំប្រឹងប្រគល់ក្តីស្នេហ៍ឲ្យពីគេស្ទើរអស់ពីខ្លួន ចុងក្រោយបែរជាដើរដល់ចំណុចបែកបាក់ ដែលអាចធ្វើឲ្យអ្នកខូចចិត្តរង់គ្រោះតែម្នាក់ឯង។ ហេតុនេះគួររៀនសង្កេតមើលត្រៀមខ្លួនទុកមុនឲ្យហើយដើម្បីការពារមិនឲ្យផុងកាន់តែធ្ងន់ធ្ងរ។ ដឹងថាស្នេហានេះមិនអាចគង់វង្សបានយូរអង្វែងទេ បើលេចចេញសញ្ញា ៤ យ៉ាងនេះ។
១. អ្នកទាំងពីរមិនមើលមុខគ្នាចំៗពេលសន្ទនា
ការសម្លឹងមើលក្រសែភ្នែកគ្នាទៅវិញទៅមក ជារឿងសំខាន់ខ្លាំងណាស់ ក្នុងអំឡុងពេលសន្ទនា។ វាអាចបញ្ជាក់ពីការជឿទុកចិត្ត ភាពជិតស្និទ្ធ និងអារម្មណ៍ពិតរវាងមនុស្សពីរនាក់។ បើអ្នកនិងដៃគូ មានភាពសោះកក្រោះ កន្តោះកន្តើយ មិនចង់នឹងមើលមុខគ្នាផង វាជារឿងពិបាកខ្លាំងណាស់សម្រាប់គូស្នេហ៍។
២. មិនហ៊ានបញ្ចេញឲ្យគេដឹងនៅទីសាធារណ
មិនថានៅទីសាធារណ ឬពេលនៅជាមួយមិត្តភ័ក្តិនោះទេ បើគាត់ធ្វើលាក់លៀម មិនហ៊ានបង្ហាញថាឲ្យគេដឹងថាអ្នកជាសង្សារ ឬគ្មានសូម្បីតែទង្វើតូចតាចដូចជាកាន់ដៃជាដើម វាក៏ជាសញ្ញាមិនល្អមួយដែរ នៅក្នុងទំនាក់ទំនងស្នេហា។
៣. អ្នកទាំងពីរតែងចងចិញ្ចើមដាក់គ្នា
ការចងចិញ្ចើមដាក់គ្នាជាញឹកញាប់ មានជម្លោះច្រើនជាងភាពផ្អែមល្ហែម មានបញ្ហាច្រើនជាងដំណោះស្រាយ មានន័យថាស្នេហាអ្នកទាំងពីរស្ថិតក្នុងតំបន់គ្រោះថ្នាក់បំផុត។
៤. អ្នកលែងមានអារម្មណ៍កក់ក្តៅនិងសុវត្ថិភាពដូចមុន
អារម្មណ៍កាលពីមុនមិនដឹងជាបាត់ទៅណាអស់។ ទង្វើរបស់គាត់បានឲ្យអ្នកលែងទទួលបាននូវភាពកក់ក្តៅ គ្មានអារម្មណ៍ថាសុវត្ថិភាព លែងហ៊ានប្រាប់ពាក្យពិត និងកាន់តែគម្លាតពីមួយថ្ងៃទៅមួយថ្ងៃ។
ចុចអានបន្ត៖ ៥គន្លឹះមានតម្លៃសម្រាប់ការចិញ្ចឹមកូនពី Mark Zuckerberg ដែលឪពុកម្ដាយគ្រប់រូបគួរដឹង