ឈប់ Single ទៀតហើយ! តារានិករ៣ អាចដល់គូចាប់ពីពាក់កណ្តាលខែឧសភានេះទៅ

2020-05-13 08:50:00
ចំនួនមតិ 0 | ចំនួនចែករំលែក 0

តាមក្បួនទស្សន៍ទាយស្នេហា មានតារានិករចំនួន៣ ដែលទំនងជាដល់ពេលរកឃើញស្នេហាហើយ។ ចាប់ពីពាក់កណ្ដាលខែឧសភា ២០២០នេះតទៅ នឹងមានមនុស្សចូលមកក្នុងឆាកជីវិតអ្នក ដោយមិនបានព្រាងទុកមុន។ នោះជាស្នេហាចៃដន្យ ដែលជួបភ្លាមស្រលាញ់ភ្លែត។

១ .តារានិករដែលកើតពីថ្ងៃ ១៤ មិថុនា -១៤ កក្កដា

ចាប់ពីពេលនេះ នឹងមានមនុស្សចូលមកក្នុងជីវិតអ្នក។ កន្លងមក អ្នកធ្លាប់តែហត់នឿយ តែអ្នកអាចនឹងស្រឡាំងកាំងដោយសារតែជួបស្នេហាចៃដន្យដោយមិនបានព្រាងទុក ជាមួយមនុស្សម្នាក់ដែលមានភាពទាក់ទាញពិសេស រហូតអ្នកមិនអាចគេចផុតពីអន្លង់ស្នេហ៍នេះបាន។ អ្នកនឹងរីករាយនូវចំណងមួយនេះ។ តែវាក៏នឹងមានកាតហ្វ្រាំងដែលចូលមកដំណាលគ្នា ដែលជួនកាលបង្អាក់ដំណើរផងដែរ។

២. តារានិករដែលកើតពីថ្ងៃ ១៥ កក្កដា -១៦ សីហា

មនុស្សកើតចន្លោះថ្ងៃនេះ ភាគច្រើនស្រលាញ់អ្នកណាដែលមានចរិតម៉ត់ចត់។ដោយសារតែពេលវ័យជំទង់ គេធ្លាប់ជួបប្រទះមនុស្សមានលក្ខណៈបែបនេះ ឬមនុស្សដែលពូកែលើកទឹកចិត្តនៅពេលមានបញ្ហាលំបាកណាមួយឲ្យដៃគូមានអារម្មណ៍ធូរស្រាលចិត្តឡើងវិញ។ នេះគឺជាការផ្លាស់ប្ដូរមួយសម្រាប់ក្តីស្រលាញ់មួយនេះ មិនថាអាយុ វប្បធម៌ ភាសា គូរបស់អ្នកទំនងជាជនបរទេស ដែលអ្នកមិនធ្លាប់ស្វែងយល់ពីគ្នា និងរស់នៅឆ្ងាយពីគ្នា។ អំឡុងពេលនេះ ជាពេលដែលអ្នកត្រូវបង្កើនមន្តស្នេហ៍ ការចាប់អារម្មណ៍ និងលៃលកពេលវេលាថែសម្រស់ឲ្យស្រស់ស្អាត ។ ស្នេហានេះ ក៏ទំនងជាកើតឡើងតាមរយៈសាច់ញាតិ ម្ដាយ ឬបងស្រីរបស់អ្នកជួយជាដើម។

៣. តារានិករដែលកើតចន្លោះថ្ងៃ១៤ ខែមីនា - ១២ មេសា

ម្ដងនេះគឺជាព្រេងវាសនា បានជួបគូជីវិតហើយ។ មនុស្សដែលជាគូគាប់ពិតនឹងចូលមកមិនចាកចេញពីជីវិតអ្នកទៀតឡើយ ថែមទាំងទំនុកបម្រុងអ្នកនឹងរឿងរ៉ាវការងារ ប្រាក់កាក់ និងមិនធ្វើឲ្យអ្នកពិបាកចិត្តនោះទេ។ ផ្អែកតាមផលបុណ្យពីជាតិមុនរបស់អ្នក មុននឹងបានជួបគូព្រេងម្នាក់នេះ អ្នកត្រូវប្រឹងសាងអំពើបុណ្យឲ្យបានច្រើន។ ជីវិតបែបសាមញ្ញមួយនេះនឹងជាថាមពល និងជាផ្នែកមួយជម្រុញកុសលផលបុណ្យនេះ។ ប្រសិនបើអំឡុងពេលនេះ អ្នកមានមនុស្សចូលមកចែចូវហើយ តែអ្នកមិនទាន់ផ្តល់ចម្លើយដល់គាត់ សូមកុំបន្តស្ទាក់ស្ទើរទៀតអី ដោយសារពេលវេលាបាននាំគូព្រេងមកឲ្យអ្នកហើយ។ យ៉ាងណាមិញ បើអ្នកមិនទាន់ជួបនរណាទេ នៅថ្ងៃខាងមុខ គូព្រេងរបស់អ្នកជាមនុស្សម្នាក់ដែលមានលក្ខណៈសម្បត្តិលើសពីអ្វីដែលតែងរំពឹងទុក៕

អានបន្ត៖ រឿង៣យ៉ាង ដែលមនុស្សប្រុសខ្លាចបំផុតពីនារីដែលខ្លួនស្រលាញ់

ប្រភព៖ gangbeauty ប្រែសម្រួល៖ លឹម សុនា