ទម្លាប់មិនល្អ ៥ យ៉ាងដែលអ្នកគួរតែបញ្ឈប់ក្រោយពេលហាត់ប្រាណចប់
- 2020-05-12 06:00:00
- ចំនួនមតិ 0 | ចំនួនចែករំលែក 0
ទម្លាប់មិនល្អ ៥ យ៉ាងដែលអ្នកគួរតែបញ្ឈប់ក្រោយពេលហាត់ប្រាណចប់
នាពេលបច្ចុប្បន្ននេះ មនុស្សជាច្រើនកំពុងតែពេញនិយមហាត់ប្រាណដើម្បីថែរក្សាសុខភាពមិនថាបុរសនិងស្រ្តីនោះទេ។ ចំពោះនារីៗវិញ ភាគច្រើនហាត់យករាង goal ឬចង់រក្សារាងឲ្យនៅថេរជាដើម។ យ៉ាងណាមិញ មានមនុស្សមួយចំនួនមានទម្លាប់មិនល្អក្រោយហាត់ប្រាណរួចតែងតែធ្វើសកម្មភាពមិនល្អងាយនឹងប៉ះពាល់ដល់សុខភាពវិញ។ ដូច្នោះថ្ងៃនេះ ប្រិយមិត្តអ្នកអាននឹងបានដឹងពីទម្លាប់ ៥ មិនគួរធ្វើឡើយក្រោយពេលហាត់ ប្រាណចប់ភ្លាមៗរួមមាន៖
១. ផឹកទឹកកកឬទឹកត្រជាក់
មិនថាឡើយលំហាត់ប្រាណយករាងឬលំហាត់ប្រាណ aerobic ឡើយ ញើសជាច្រើននឹងបង្កឲ្យអ្នកបាត់បង់ជាតិទឹក បង្កឲ្យមានភាពស្ងួតស្បែក។ ហេតុផលនេះហើយដែលចេះតែបណ្តាលឲ្យមនុស្សគ្រប់គ្នាចូលចិត្តផឹកទឹកក្រោយពេលហាត់ប្រាណចប់ភ្លាមៗ។ តែការពិតនោះ វាកាន់តែបង្កឲ្យរាងកាយអ្នកមានញើសកាន់តែច្រើនឡើងទេ។ អេឡិចត្រូលីតដូចជា សូដ្យូម ជាតិដែក ប៉ូតាស្យូម កាន់តែបាត់បង់ហើយនឹងបង្កឲ្យអ្នករមួលក្រពើជាដើម។ ដូច្នោះហើយ អ្នកគប្បីបំពេញជាតិទឹកឬអំបិលទៅកាន់ខ្លួនប្រាណអ្នក។ លើសពីនេះ ការបរិភោគទឹកភ្លាមៗក៏បណ្តាលឲ្យមានបញ្ហាការរំលាយអាហារ ងាយនឹងឈឺក្រពះ ពោះវៀនជាដើម។
២. ចូលកន្លែងមានម៉ាស៊ីនត្រជាក់
ក្រោយធ្វើលំហាត់ប្រាណចប់ភ្លាមៗ រន្ធញើសនៅលើរាងកាយ និងសរសៃឈាមរីកធំ។ ចលនាឈាមដំណើរការរត់ កម្តៅរាងកាយកើនឡើងនិងរន្ធញើសកើនឡើង។ ប្រសិនបើម៉ាស៊ីនត្រជាក់ផ្លុំចេញភ្លាមក្រោយពេលហាត់ប្រាណ សរសៃឈាមនឹងចុះខ្សោយយ៉ាងរហ័ស ហើយរន្ធញើសនឹងបិទជិតងាយបង្កឲ្យអ្នកឆាប់ផ្តាសាយនិងរាគបានយ៉ាងងាយ។
៣. អង្គុយសម្រាកភ្លាមៗបន្ទាប់ពីហាត់ប្រាណចប់
ថាមពលនៅក្នុងរាងកាយជាច្រើនត្រូវបានប្រើប្រាស់អំឡុងពេលធ្វើលំហាត់ប្រាណយករាង ពិសេសក្នុងពេលធ្វើលំហាត់ប្រាណទាក់ទងជាមួយជើង។ បើអ្នកអង្គុយចំអើតជើងនិងសម្រាកភ្លាមៗ វានឹងរារំាងចលនាឈាមផ្នែកអវៈយវៈក្រោមភ្លាមតែម្តងនៅពេលអ្នកហាត់ចំអំាងតង់ស៊ីតេខ្ពស់ៗតែម្តង។ ជាលទ្ធផល អ្នកនឹងឆាប់វិលមុខ ក្អួតចង្អោរ និងមិនស្រួលខ្លួនជាដើម។ ជាការល្អ អ្នកគប្បីធ្វើលំហាត់ប្រាណពត់ខ្លួននិងបន្ធូរអារម្មណ៍ឲ្យបានស្រួលសម្ពាធឈាមទើបជាការល្អ។
៤. ទទួលទានអាហារឬបង្អែមភ្លាមៗ
លំហាត់ប្រាណនឹងស្រូបយកថាមពលពីរាងកាយអ្នកអស់មិនតិចឡើយ។ ប្រសិនបើអ្នកមិនទទួលទានអាហារមុនពេលធ្វើលំហាត់ប្រាណនោះទេ អ្នកនឹងឃ្លានក៏ដូចជាអស់កម្លាំងបន្ទាប់ពីហាត់ប្រាណរួច។ យ៉ាងណាក៏ដោយ ឈាមនៅក្នុងរាងកាយមិនទាន់បានចែកចាយទៅសរីរាង្គដទៃទៀតស្រួលនៅឡើយ ដូច្នោះ ការទទួលទានភ្លាមៗនឹងបង្កការរំលាយអាហារមិនល្អ។ ប្រសិនបើអ្នកបរិភោគបង្អែម រាងកាយនឹងប្រើប្រាស់វីតាមីន B1 នៅក្នុងរាងកាយ តែអ្នកនឹងនៅតែមានអារម្មណ៍ថាអស់កម្លាំងនិងខ្សោយ។ អ្នកគប្បីទទួលទានចំណីអាហារបន្ទាប់ពីហាត់ប្រាណកន្លះម៉ោងរួច និងបរិភោគគ្រាប់ធញ្ញជាតិដូចជាសណ្តែកដីនិងសណ្តែក។
៥. មុជទឹកត្រជាក់
ក្រោយពេលហាត់ប្រាណរួច អ្នកប្រាកដជាចង់មុជទឹកត្រជាក់ដើម្បីបន្ថយសីតុណ្ហភាពនៅក្នុងរាងកាយអ្នក។ ភាគច្រើន ឈាមនៅក្នុងរាងកាយនៅមិនទាន់បានប្រមូលផ្តុំក្នុងសាច់ដុំស្រួលនៅឡើយ។ ប្រសិនបើឈាមមិនគ្រប់សម្រាប់បេះដូងនិងខួរក្បាលនោះទេ វានឹងធ្វើឲ្យអ្នកវិលមុខ សន្លប់ជាដើម។ ដូច្នោះហើយ អ្នកគប្បីរង់ចំាឲ្យរាងកាយបានដំណើរការស្រួលសិនសឹមមុជទឹកចៀសវាងបញ្ហាណាមួយកើតឡើង។
ប្រសិនបើអ្នកមានទម្លាប់ណាមួយដូចខាងលើ ចូរលុបបំបាត់ចោលទៅដើម្បីសុខភាពនិងសម្រស់របស់អ្នក៕
រូបភាព៖ Pinterest
ចុចអានបន្ត៖
ម៉ាក់ៗគួរដឹង! ៣ ទីតាំងមានសុវត្ថិភាពបំផុតសម្រាប់កូនក្នុងផ្ទៃ