របស់ញ៉ាំ ៧មុខ យកមកធ្វើម៉ាសធម្មជាតិ ជួយឱ្យស្បែកមុខសខ្ចីដូចបណ្ដូលចេក
- 2020-05-11 01:30:00
- ចំនួនមតិ 0 | ចំនួនចែករំលែក 0
របស់ញ៉ាំ ៧មុខ យកមកធ្វើម៉ាសធម្មជាតិ ជួយឱ្យស្បែកមុខសខ្ចីដូចបណ្ដូលចេក
ជារឿងគួរឲ្យភ្ញាក់ផ្អើលដែលមនុស្សភាគច្រើនមិនបានដឹងថារបស់ញ៉ាំដែលសំបូរវីតាមីននិងសារធាតុចិញ្ចឹមមិនមែនល្អសម្រាប់តែញ៉ាំទេ តែវាក៏ល្អចំពោះផ្នែកខាងក្រៅនៃរាងកាយរបស់យើងដែរ។លើសពីនេះមានប្រសិទ្ធភាពជាងផលិតផលប្រ៊េនធំៗទៀតផង ព្រោះតែវាគឺធម្មជាតិ១០០%។
១.ល្ហុង
ល្ហុងមានមានវីតាមីនកម្ចាត់មុន និងជាតិរ៉ែ ដូចជាវីតាមីនA និងC ,beta hydroxy acid, Papain និងប៉ូតាស្យូមដែលជួយជម្រុះកោសិការចាស់ៗចោល។
របៀបធ្វើ
-ល្ហុងកិនម៉ដ្ឋ ៣ទៅ៥ ស្លាបព្រាកាហ្វេ
-ថែមទឹកឃ្មុំចូល១ស្លាបព្រាកាហ្វេ
-លាបម៉ាសដែលលាយហើយលើមុខទុកចោល ១០ ទៅ១៥នាទី
-លាងសម្អាតមុខជាមួយទឹកក្ដៅឧណ្ហៗជាការស្រេច
២.ស្រ្តូបឺរី
ស្រ្តូបឺរីផ្ដល់ប្រយោជន៍ច្រើនដល់ស្បែកមុខខ្លាញ់និងស្បែកមុខមុន។
របៀបធ្វើ
-ស្រ្តូបឺរីកិនឲ្យម៉ដ្ឋ៣ផ្លែ
-ថែមទឹកឃ្មុំចូល១ស្លាបព្រាកាហ្វេ
-លាបទៅលើមុខដែលលាងសម្អាតហើយ
-ទុកចោល១៥នាទី
-រួចលាងសម្អាតចេញជាមួយទឹកក្ដៅឧណ្ហៗ
៣.ផ្លែប៊ឺ
ប៊ឺមានសារធាតុប្រឆាំងអុកស៊ីតកម្មពីធម្មជាតិខ្ពស់ ដែលមានប្រសិទ្ធភាពដូចផលិតផលរក្សាសម្រស់កុំឲ្យចាស់អ៊ីចឹង។ វាក៏មានផ្ទុកជាតិអាស៊ីតខ្លាញ់ អូមេហ្គា៣ និងអាស៊ីតខ្លាញ់ Omega ៦ និងវីតាមីន E, C និងK ដែលជួយបន្ទន់ស្បែកនិងផ្ដល់សំណើមដល់ស្បែក។
របៀបធ្វើ
-យកសាច់ប៊ឺខាងក្នុងមួយចំហៀង
-កិនវាឲ្យម៉ដ្ឋហើយស្អិត
-ថែមទឹកក្រូចឆ្មារ១ស្លាបព្រាកាហ្វេ ដើម្បីកុំឲ្យប៊ឺឡើងពណ៌ត្នោត
-លាបលើមុខ ទុកចោល១៥នាទី
-រួចលាងមុខចេញ
៤.ប្រេងដូង
ប្រេងដូងមានប្រសិទ្ធភាពខ្ពស់ក្នុងការព្យាបាលមុន។ វាជួយផ្ដល់សំណើមដល់ស្បែកបានល្អ ព្រោះវាមានជាតិអាស៊ីតខ្លាញ់ខ្ពស់ មិនតែប៉ុណ្ណោះវាក៏ជាទឹកជូតសម្អាតនិង Make-up remover ដ៏ល្អដែរ ព្រោះវាមិនធ្វើឲ្យស្ទះរន្ធញើសដូចប្រេងដែលមានជាតិរ៉ែទេ។ លើសពីនេះទៀតវាក៏ជួយឲ្យធ្មេញសដែរ។
៥.ទឹកឃ្មុំ
ទឹកឃ្មុំជួយការពារការរលាកនិងព្យាបាលមុខមុន។ វាមានជាតិប្រឆាំងអុកស៊ីតកម្ម ប្រឆាំងប៉ារ៉ាស៊ីតនិងបាក់តេរីដែលជួយលាងសម្អាតស្បែកបានយ៉ាងល្អ និងជួសជុលកោសិកាខូច។
របៀបធ្វើ
-លាបទឹកឃ្មុំលើមុខ
-ទុកចោលពី១៥ទៅ ២០នាទី
-លាងមុខចេញជាមួយទឹកក្ដៅអ៊ុនៗ
៦.កាកាវ
តាំងពីបុរាណ កាកាវប្រៀបដូចជាផលិតផលដែលល្អបំផុតសម្រាប់ស្បែកមុខ ជាពិសេសវាជួយការពារស្បែកពីភាពចាស់។
របៀបធ្វើ
-លាយប្រេងដូង១ស្លាបព្រាកាហ្វេ ទឹកឃ្មុំ១ស្លាបព្រាកាហ្វេ និងម្សៅកាកាវ ១ស្លាបព្រាកាហ្វេកន្លះ ចូលគ្នា
-លាបម៉ាសនៅលើមុខ ដោយធ្វើចលនាជារង្វង់
-លាងមុខចេញជាមួយទឹកក្ដៅអ៊ុនៗ
៧.ក្រូចឆ្មារ
ដោយសារតែក្រូចឆ្មារមានវីតាមីនc ខ្ពស់ចឹងហើយវាមានប្រសិទ្ធភាពសម្រាប់ធ្វើឲ្យស្បែកភ្លឺណាស់។ វាងាយស្រួលប្រ ដោយគ្រាន់តែច្របាច់យកទឹកវាមកលាបនៅលើមុខ។ តែត្រូវចាំថា មនុស្សមួយចំនួនគឺងាយនឹងមានប្រតិកម្មជាមួយវាណាស់ ដើម្បីជៀសវាងអ្នកគួរតែសាកនៅកន្លែងផ្សេងដូចជាកែងដៃជាដើម ហើយរង់ចាំមើលរយៈពេល២៤ម៉ោងដើម្បីឲ្យប្រាកដចិត្ត។
សូមកុំប្រើវានៅពេលព្រឹកជាពិសេសសម្រាប់អ្នកដែលចេញទៅក្រៅពេញ១ថ្ងៃ ព្រោះវីតាមីន C និងពន្លឺព្រះអាទិត្យមិនត្រូវគ្នាទេ៕