រឿងលុយ២០ដុល្លារ! មេរៀនជីវិតដែលគ្រប់គ្នាគួររៀនសូត្រ និងភ្ញាក់រលឹក

2020-05-07 11:00:00
ចំនួនមតិ 0 | ចំនួនចែករំលែក 0

នៅក្នុងថ្នាក់រៀននៃសាកលវិទ្យាល័យមួយមាននិស្សិតប្រមាណ២០០នាក់ សាស្ត្រាចារ្យដ៏ល្បីឈ្មោះមួយរូបបានចូលមកបង្រៀន និងចាប់ផ្ដើមមេរៀនដោយលើកក្រដាសប្រាក់ ២០ដុល្លារ បង្ហាញសិស្ស ហើយសួរថា "អ្នកណាខ្លះចង់បានលុយ២០ដុល្លារនេះ?”

សិស្សជាច្រើនលើកដៃ។ លោកសាស្ត្រាចារ្យក៏និយាយថា "ខ្ញុំនឹងឱ្យលុយ២០ដុល្លារនេះទៅអ្នកដែលចង់បាន តែខ្ញុំនឹងធ្វើបែបនេះដាក់លុយនេះ...” និយាយបណ្ដើរ លោកខ្ញីវខ្ញូវក្រដាសប្រាក់នេះបណ្ដើរ។ លោកគ្រូក៏សួរទៀតថា "ពេលនេះមានអ្នកចង់បានលុយនេះទៀតទេ?” សិស្សជាច្រើននៅតែលើកដៃដូចមុន។

រូបតំណាង

លើកនេះសាស្ត្រាចារ្យក៏មើលទៅសិស្សទាំងអស់ដែលនៅក្នុងសាល ហើយនិយាយទៀតថា "ចុះបើខ្ញុំធ្វើបែបនេះ?” លោកបានទម្លាក់លុយលើការ៉ូហើយយកជើងជាន់ពីលើ រួចសួរទៀត "អ្នកណាខ្លះចងបានលុយនេះ?” នៅតែមានអ្នកលើកដៃចង់បាន។

ចុចអាន៖ នារីអនាថារអ៊ូពីជីវិតប្រាប់សេដ្ឋី មានអីសេដ្ឋីដាក់ឲ្យមួយឃ្លាមានតម្លៃជាងមាសទៅទៀត

មកដល់ចំណុចនេះ សាស្ត្រាចារ្យក៏ងក់ក្បាល ហើយនិយាយ "សិស្សទាំងឡាយជាទីស្រឡាញ់! ថ្ងៃនេះប្អូនៗរៀនសូត្របានមេរៀនដ៏មានតម្លៃណាស់។ ឃើញទេ? មិនថាខ្ញុំធ្វើយ៉ាងម៉េចជាមួយលុយនេះ អ្នកទាំងអស់គ្នានៅតែចង់បានវា ព្រោះវាមិនដែលចោលតម្លៃរបស់វា វានៅតែមានតម្លៃ២០ដុល្លារ។"

រូបតំណាង

"មានពេលខ្លះ ជីវិតក៏ដូចគ្នា។ យើងធ្លាប់ជួបការលំបាក ធ្លាប់ត្រូវបានគេធ្វើបាប គេបោះបង់ ឬឈឺចាប់ស្ទើរតែកែមកវិញមិនបាន។ ប៉ុន្តែអ្វីដែលយើងត្រូវធ្វើគឺរក្សាតម្លៃរបស់យើងឱ្យនៅដដែល ដូចលុយ២០ដុល្លារនេះអ៊ីចឹង។ មួយវិញទៀត ទោះបីអ្នកស្ថិតក្នុងសភាពស្មោកគ្រោក តោកយ៉ាក ឬស្អាតយ៉ាងណា មិនថាអ្នកទន់ជ្រាយ ឬរឹងមាំប៉ុណ្ណា សម្រាប់មនុស្សដែលស្រឡាញ់អ្នកពិត អ្នកនៅតែមានតម្លៃក្នុងកែវភ្នែកគេជារៀងរហូត។"

ចុចអាន៖ បាត់លុយ៥ម៉ឺន ម្ដាយប្រឹងដើររកស្ទើរឆ្កួត កូនប្រុសទ្រាំមិនបានសុខចិត្ត...

ត្រូវចាំថា តម្លៃរបស់មនុស្សម្នាក់ៗមិនមែនមានតែមួយពេលនោះទេ ហើយក៏មិនមែនស្ថិតនៅលើមនុស្សដែលគេស្គាល់ដែរ តែវាស្ថិតនៅក្នុងខ្លួនរបស់គេខ្លួនឯងតែម្ដង!

អត្ថបទ៖ សរ សុគន្ធី