នារីម្នាក់ ជះលុយទិញថ្នាំសម្រក៧ឆ្នាំ គ្មានស្រកមួយខាំ មានតែឡើងជាងមុនគុណនឹង២

2020-05-05 05:00:00
ចំនួនមតិ 0 | ចំនួនចែករំលែក 0

ខំផឹកថ្នាំសម្រកទម្ងន់ព្រោះចង់បានរាងស្អាត តែនារីរូបនេះបែរជាទទួលបានលទ្ធផលមិនគួរឲ្យជឿទៅវិញ។ កើតមកក្នុងសង្គមបច្ចុប្បន្ន អ្នកណាក៏ចង់បានរាងស្អាតដែរ ជាពិសេសគឺមនុស្សស្រីតែម្ដង។ ដោយសារបែបនេះ កាលពីឆ្នាំ ២០១១ នារីម្នាក់ឈ្មោះ Xiaoli មកពីប្រទេសចិន កាលនោះមានវ័យ១៨ឆ្នាំ ទម្ងន់ ៤៥គីឡូ បានទិញថ្នាំសម្រករាងផឹកក្រោយពេលនាងឃើញផលិតផលនេះត្រូវបានគេលក់លើទូរទស្សន៍។

នារីវ័យក្មេងនៅពេលនោះបានឲ្យដឹងថា ពេលផឹកគ្រាដំបូង ថ្នាំនេះមានប្រសិទ្ធភាពជាខ្លាំង ដោយស្រកច្រើនជាងនាងរំពឹងទុកទៅទៀត អាស្រ័យហេតុនេះ នាងក៏សម្រេចចិត្តឈប់ផឹកបន្តទៀត។ យ៉ាងណាក្ដី ក្រោយពេលឈប់ផឹក គីឡូនាងមិនត្រឹមតែឡើងដូចដើមនោះទេ គឺឡើងលើសកាលពីមុនទៅទៀត។

ហេតុនេះហើយ Xiaoli បានស្វែងរកថ្នាំសម្រកប្រភេទថ្មីដើម្បីផឹកបន្តទៀត។ នៅក្នុងកំឡុងពេលដែលនាងផឹកថ្នាំសម្រកសរុបចំនួន៧ឆ្នាំនេះ គឺចំណាយអស់ ២សែនយាន់ (២ម៉ឺន ៨ពាន់ដុល្លារ)។ ក្រោយពេលផឹកថ្នាំគ្រប់ប្រភេទរយៈពេល ៧ឆ្នាំ តែមិនបានសម្រេច ហើយឡើងទ្វេដង នៅឆ្នាំ ២០១៨ Xiaoli បានសម្រេចចិត្តវះកាត់បង្រួមក្រពះនៅមន្ទីរពេទ្យក្រុង Cheng Du។ ដល់តែក្រោយពេលវះកាត់បង្រួមក្រពះនេះ ទើប Xiaoli ត្រលប់ទៅរកគីឡូដើមវិញ ហើយថ្នាំសម្រកទាំងអស់មានតែធ្វើឲ្យនាងឡើងលើសដើម៕

ប្រភព៖ Kenh14 ប្រែសម្រួល៖ Caramel