បើសង្សារបោះបង់ ស្រីៗគួររៀនកាត់បន្ថយអារម្មណ៍តាមវិធី ៥ យ៉ាងនេះ

2020-04-27 07:25:00
ចំនួនមតិ 0 | ចំនួនចែករំលែក 0

ចូលឆ្នាំថ្មីហើយ អីចឹងស្រីៗដែលធ្លាប់ជួបវិបត្តិស្នេហាត្រូវសង្សារបែកចិត្តនោះ គួរតែរៀនកាត់បន្ថយអារម្មណ៍នោះតាមវិធីខាងក្រោម។

១.រកមិត្តភ័ក្ដិជិតស្និទ្ធ

មានតែមិត្តទេ ដែលមិនងាយទៅណាចោលយើង។ ទោះជាពេលខ្លះឈ្លោះគ្នា ពេលខ្លះខឹងគ្នា ប៉ុន្តែមិនយូរមិនឆាប់នៅតែត្រូវគ្នាវិញដដែល ហើយតែងតែបារម្ភពីយើងគ្រប់ពេលវេលាទៀតផង។ ដូច្នេះហើយ ពេលមានអារម្មណ៍ឯកាកុំភ្លេចនឹកដល់មិត្តភ័ក្ដិជិតស្និទ្ធឱ្យសោះ។

រូបតំណាង

**២.ឱ្យដំបូន្មានខ្លួនឯង**

មនុស្សស្រីត្រូវតែមានអារម្មណ៍រឹងពឹងដើម្បីជាដំបូន្មានមួយសម្រាប់ខ្លួនឯង កុំទៅស្រលាញ់ប្រុសណាឱ្យអស់១០០%ពេក។ វិធីនេះគឺដើម្បីទុកជើងព្រួលក្រែងថ្ងៃណាគេបែកចិត្ត ស្រីម្នាក់នោះមិនសូវឈឺចាប់។

៣.គិតរឿងល្អៗឱ្យច្រើន

បើទោះជាបែកគ្នា ឬមានអារម្មណ៍ឯកាមែន ប៉ុន្តែអ្នកត្រូវគិតពីអ្វីដែលល្អៗឱ្យបានច្រើន ដើម្បីធ្វើឱ្យអារម្មណ៍កាន់តែសប្បាយចិត្ត។ មិនមែនមានន័យថាការបែកបាក់ទាំងអស់ សុទ្ធតែធ្វើឱ្យយើងអាក្រក់នោះទេ មានបែកទើបមានជួបមនុស្សថ្មី។

៤.សាកអ្វីដែលថ្មី

របស់ថ្មី ឬមនុស្សថ្មី តែងតែនាំអ្វីថ្មីមកកាន់អ្នកជានិច្ច។ បើទោះជាមិនអាចភ្លេចអ្នកចាស់ ប៉ុន្តែត្រូវតែផ្ដោតអារម្មណ៍ទៅអ្នកថ្មីផង ដើម្បីទទួលបានថ្មីអ្វីខ្លះ ឱ្យអារម្មណ៍ស្រស់ស្រាយ។

រូបតំណាង

៥.ត្រូវតែដាច់ចិត្តធ្វើអ្វីដែលខ្លួនស្ទាក់ស្ទើរពីមុន

ការស្ទាក់ស្ទើរនេះហើយ ដែលធ្វើឱ្យយើងឯកា ព្រោះមិនហ៊ាននិយាយពាក្យបែកដាក់ប្រុសម្នាក់នោះ បណ្ដាលឱ្យគេធ្វើបាបយើងរហូត។ ដូច្នេះហើយ អ្វីដែលសំខាន់បំផុត គឺត្រូវតែហ៊ាននិយាយចេញពីចិត្ត បើថាដាច់គ្នាគឺដាច់គ្នា កុំនៅស្ទាក់ស្ទើរ ស្រណោះគ្រាមុនអី៕

ចុចអាន៖ស្រីៗគ្មានថ្ងៃខូចចិត្តម្ដងទៀតឡើយ ឲ្យតែប្រើវិធី ៧ នេះ

អត្ថបទ៖ ទ្រី រ៉ាវី