៥យ៉ាងបញ្ជាក់ថា អ្នករៀបការរួចតែកាយ តែចិត្តគ្មានក្ដីសុខ

2020-04-21 10:00:00
ចំនួនមតិ 0 | ចំនួនចែករំលែក 0

រៀបការរួចមិនមែនជាការបញ្ចប់ដោយរីករាយដូចរឿងព្រេង ឬប្រលោមលោកនោះទេ។ ការពិតវាទើបតែជាដំណាក់កាលចាប់ផ្ដើមនៃជីវិតពិតប្រាកដប៉ុណ្ណោះ ព្រោះអ្នកនឹងត្រូវប្រឈមរឿងរ៉ាវជាច្រើនដែលកាលពីពេលនៅលីវ មិនធ្លាប់ជួប។ ដូច្នេះមិនប្រាកដថា កំលោះក្រមុំពីរនាក់កាលមិនទាន់រៀបការស្រលាញ់គ្នាស្ទើរលេប អាចនៅតែផ្អែមល្ហែម និងស្រលាញ់គ្នារហូតនោះដែរ។ បើសង្កេតឃើញសញ្ញាទាំង៥ដូចខាងក្រោម វាអាចជាសញ្ញាប្រកាសអាសន្នថា ជីវិតគូរបស់អ្នកត្រូវការការជួសជុលឡើងវិញ៖

រៀបការហើយ ត្រូវនៅបែកគ្នា ហើយក៏មិនសូវទាក់ទងគ្នា

ឈុតដកស្រង់ពីរឿង"សូផាត"

ពិតណាស់ថា ប្ដីប្រពន្ធមិនមែនចេះតែនៅជិតគ្នា ហើយទ្រាំអត់ស៊ីអត់ឃ្លានរហូតនោះទេ វាត្រូវតែមានករណីដែលត្រូវរស់នៅឆ្ងាយពីគ្នាដើម្បីរកប្រាក់ជាមិនខាន។ ប៉ុន្តែបើការរស់នៅឆ្ងាយពីគ្នានេះ បែរជានាំឱ្យអ្នកទាំងពីរ ឬភាគីណាមួយមិនសូវទាក់ទង ឬទៅលេង ឬហោចណាស់នឹករលឹកគ្នាដូចពីមុនទេ វាកំពុងបញ្ជាក់ថា អ្នកទាំងពីរអាចមានបញ្ហាគួរតែដោះស្រាយ ឬចំណងអាពាហ៍ពិពាហ៍មិនបានរឹងមាំនៅឡើយទេ។

នៅជិតគ្នា តែដូចនៅឆ្ងាយ

ឈុតដកស្រង់ពីរឿង"សូផាត"

ធ្លាប់ឃើញទេ ប្ដីប្រពន្ធខ្លះរស់នៅក្រោមដំបូលតែមួយ តែហាក់ដូចនៅឆ្ងាយពីរាប់រយគីឡូម៉ែត្រ ព្រោះតែរវល់រៀងខ្លួន។ អ្នកខ្លះជួបមុខគ្នាតែពេលយប់ អ្នកខ្លះទៀតមិនបានជួបមុខគ្នាផង ព្រោះពេលចូលផ្ទះ ម្ខាងទៀតគេងលក់បាត់ក៏មាន។

រឿងអនាគតគ្រួសារ មានតែម្ខាងដែលគិតគូរ

អនាគតគ្រួសារ បញ្ហាហិរញ្ញវត្ថុ ការចិញ្ចឹមបីបាច់កូន ត្រូវតែប្ដីប្រពន្ធទាំងពីរគិតគូរ និងដោះស្រាយជាមួយគ្នា។ ប៉ុន្តែបើមានតែប្រពន្ធ ឬប្ដីតែម្ខាងដែលគិតគូរខ្លាំង ឯម្ខាងទៀតធ្វើព្រងើយ មិនជួយគិតគូរ ឬរកដំណោះស្រាយទេ បង្ហាញថាគ្រួសារមួយនេះមិនមានក្ដីសុខពិតប្រាកដឡើយ។

មានរឿងមិនឈប់ជាមួយគ្រួសារសាច់ថ្លៃ

មិនថាជាមនុស្សប្រុសឬមនុស្សស្រី ឱ្យតែនាមជាកូនប្រសាតែងត្រូវប្រទះបញ្ហាចៀសមិនផុតជាមួយខាងសាច់ថ្លៃ ទោះតិចឬច្រើន។ ដូច្នេះបើពេលមានបញ្ហា ហើយប្ដីប្រពន្ធរបស់អ្នកមិនបានជួយសម្របសម្រួល ដោះស្រាយឱ្យបានប្រសើរឡើងនោះទេ អ្នកនឹងមានអារម្មណ៍ថាមានសម្ពាធខ្លាំង ហើយក៏អាចបាត់បង់អស់នូវក្ដីសង្ឃឹមនឹងបន្ដដំណើរទៅមុខជាមួយគ្នា។

ម្យ៉ាងបើខាងសាច់ថ្លៃ ជាពិសេសឪពុកម្ដាយគេមិនពេញចិត្ត គាត់នឹងចេះតែរករឿង ចាក់រុកចាក់ឆ្កៀល ឬបង្កឱ្យគ្រួសារអ្នកឈ្លោះគ្នាមិនខាន បើម្ខាងទៀតមិនចេះការពារ និងដោះស្រាយ។

ពេលឈឺជា គ្មានអ្នកថែ

ឈុតដកស្រង់ពីរឿង"សូផាត"

ប្ដីប្រពន្ធរៀបការរួចត្រូវតែជួយថែរក្សាគ្នា មិនថាពេលមានបាន ឬពេលកើតទុក្ខ។ និយាយម្យ៉ាងទៀតគឺត្រូវរួមទាំងសុខនិងទុក្ខជាមួយគ្នា។ ប៉ុន្តែបើពេលមានសុខទើបរួមជាមួយ តែពេលមានទុក្ខឬឈឺជា ម្ខាងទៀតមិនដែលឈឺឆ្អាល យកចិត្តទុកដាក់ផងនោះ តើរៀបការមកដើម្បីអ្វី? នៅម្នាក់ឯងមិនល្អជាង? បើមានពេលវេលានោះកើតឡើងមែន បានន័យថាជីវិតគូរបស់អ្នកលែងល្អដូចមុនហើយ។

ចំណុចមួយចំនួនដែលបានលើកឡើងខាងលើមានលក្ខណៈដូចគ្នានឹងសាច់រឿង "សូផាត" ដែលជាប្រភេទរឿងអក្សរសិល្ប៍ខ្មែរ ពេលនេះត្រូវបានផលិតឡើងវិញជាភាពយន្តភាគ និងមានដាក់ឱ្យទស្សនានៅលើ App Soyo ដោយបែងចែកជា៣ដុំធំៗ។

លោកអ្នកអាចទស្សនារឿង "សូផាត" ដុំទី១ នៅលើកម្មវិធីទូរសព្ទ Soyo ដោយឥតគិតថ្លៃ រៀងរាល់ថ្ងៃសុក្រ និងសៅរ៍ ចាប់ពិថ្ងៃទី៧ កញ្ញានេះតទៅ៕

ទាញយកកម្មវិធី Soyo តាមរយៈ៖

App Store: https://goo.gl/Fzx11s

Play Store: https://goo.gl/fgJbtB

អត្ថបទ៖ សរ សុគន្ធី