នារីៗកុំភ្លេចច្នៃអាវយឺតទៅជាស្ទីលទាន់សម័យជាមួយគន្លឹះទាំង ៦ នេះ
- 2020-04-21 08:30:00
- ចំនួនមតិ 0 | ចំនួនចែករំលែក 0
នារីៗកុំភ្លេចច្នៃអាវយឺតទៅជាស្ទីលទាន់សម័យជាមួយគន្លឹះទាំង ៦ នេះ
ស្ថិតនៅក្នុងរដូវក្តៅនេះ មិត្តនារីភាគច្រើនប្រហែលជាចូលចិត្តអាវយឺតទឺនុយជាមួយខោខូវប៊យឬខោសាច់ក្រណាត់។ អាវយឺតភាគច្រើនសឹងតែមានក្នុងទូររបស់មិត្តនារីហើយ មិនថាពណ៌អ្វីឡើយ។ យ៉ាងណាមិញអាវយឺតអាចនឹងមើលមកឡូយទាន់សម័យបើអ្នកចេះច្នៃជាមួយនឹងសម្លៀកបំពាក់ផ្សេងៗទៀតឲ្យត្រឹមត្រូវ។ ដូច្នោះ ថ្ងៃនេះប្រិយមិត្តកញ្ញានឹងបានដឹងពី ៦ គន្លឹះច្នៃអាវយឺតឲ្យកាន់តែស្រស់ស្អាតជាមួយសម្លៀកបំពាក់ដទៃដោយរួមមាន៖
អាវយឺត + ខោខូវប៊យ
ចំពោះស្ទលនេះ ភាគច្រើនមិត្តនារីៗចូលចិត្តណាស់មិនថាទៅសាលារៀន ទៅធ្វើការ ឬនៅផ្ទះទេ អ្នកអាចពាក់អាវយឺតបានតាមចិត្ត។
**អាវយឺត + អាវក្រៅខ្លី**
ចំពោះស្ទីលនេះវិញ មានការពេញនិយមច្រើនដោយសារតែមើលមកគឺដូចស្ទីលកូរ៉េអញ្ចឹង។ យុវវ័យភាគច្រើនចូលចិត្តពាក់អាវវែងៗហើយមានខោខ្លីត្រឹមអាវតែម្តង។
អាវយឺត + ខោចង្កេះវែង
រីឯស្ទីលនេះវិញ ជាធម្មតាគេពាក់សម្រាប់បុគ្គលិកធ្វើការតាមក្រុមហ៊ុននានា តែសិស្សសាលាក៏អាចស្លៀកបែបនេះបានដែរ។
អាវយឺត + ខោកីឡា
ចំណែកឈុតនេះវិញ នៅពេលម៉ោងកីឡានៅសាលាម្តងៗ អ្នកប្រហែលជាធ្លាប់ស្លៀកហើយមើលទៅព្រោះគេអាចទឺនុយជាមួយខោកីឡាវែងក៏បាន ខ្លីក៏បាន តាមចំណូលចិត្ត។
អាវយឺត + សំពត់
ចំណែកឯស្ទីលនេះវិញ មិត្តនារីមិនតិចឡើយនិយមស្លៀក អាវយឺតទឺនុយជាមួយសំពត់ខូវប៊យខ្លី ឬសំពត់ក្រណាតខ្លី វែងតាមចំណូលចិត្ត។
អាវយឺត + អៀមក្រៅ
ចំពោះស្ទីលចុងក្រោយនេះគឺ អាវយឺតជាមួយអៀមក្រៅ។ ស្ទីលនេះមានការពេញនិយមខ្លាំងនៅប្រទេសកូរ៉េដោយភាគច្រើនគេពាក់អាវយឺតពីខាងក្នុង។
យ៉ាងម៉េចដែរ បន្ទាប់ពីដឹង ៦ ល្បិចច្នៃអាវយឺតហើយនោះ? ប្រសិនបើអ្នកមានគំនិតច្នៃបន្ថែមលើសនេះអាចចូល comment នៅខាងក្រោមអត្ថបទបានណា៎!
រូបភាព៖ Pinterest
ចុចអានបន្ត៖
ឈុតខោអាវស្អាតៗស្រួលខ្លួន ពាក់បានទាំងនៅផ្ទះនិងចេញទៅខាងក្រៅ