មនុស្សស្រីកើតខែមេសាមិនសូវស្អាត តែមានលក្ខណៈពិសេសច្រើនដល់ម្ល៉ឹង

2020-04-21 02:00:00
ចំនួនមតិ 0 | ចំនួនចែករំលែក 0

បើសិនជាអ្នកគឺជានារីដែលកើតក្នុងខែមេសា អ្នកគឺជាមនុស្សស្រីដែលធ្វើឲ្យអ្វីដែលនៅជុំវិញខ្លួនមានភាពស្រស់បំព្រង។ នៅក្បែរមនុស្សស្រីដែលកើតក្នុងខែនេះ អ្នកនឹងមិនអផ្សុកឡើយ។

រូបតំណាង

អ្នកនឹងមិនងងុយគេងទេពេលនៅជិតនាង ទោះបីនាងមិនសូវស្អាត តែនាងមានភាពទាក់ទាញ គួរឲ្យចាប់អារម្មណ៍ដោយគ្រាន់តែជួបម្ដងទៅពីរដងក៏ដោយ ហើយនឹងលង់នឹងអ្វីដែលជាភាពពិតរបស់នាង។ នារីបែបនោះភាគច្រើនកើតក្នុងខែ មេសា។

រូបតំណាង

នារីដែលកើតក្នុងខែមេសា ទាំងអត្តចរិតនិងរូបរាងខាងក្រៅត្រូវបានជះឥទ្ធិពលពីតារានិករចំនួន ២ គឺ Aries (២១ មីនា ដល់ ១៩ មេសា) និង Taurus (២០ មេសា ដល់ ២០ ឧសភា)។ សញ្ញានៃឆ្នាំទាំងពីរនេះមិនមានរូបសម្បត្តិល្អឥតខ្ចោះទេ ប៉ុន្តែមានមន្តស្នេហ៍តាមរបៀបផ្សេង។មនុស្សស្រីដែលកើតនៅពាក់កណ្ដាលខែមេសាមានភ្នែកដែលគួរឲ្យទាក់ទាញ មានរោមភ្នែកវែងៗ ហើយទន់ភ្លន់ ភ្នែករបស់គេមានភាពស្រស់ថ្លា ដូច្នេះហើយនៅពេលមាននរណាម្នាក់សម្លឹងនាង នាងអាចឆក់យកព្រលឹងរបស់អ្នកបាន។ ចំណែកនារីដែលកើតនៅចុងខែមេសា នាងត្រូវបានបង្កើតមកជាមួយនឹងបបូរមាត់ដ៏ស្រស់ស្អាត និងសក់រលោងស្អាត ដែលធ្វើមនុស្សគ្រប់គ្នាចង់តែប៉ះ។

រឿងពិសេសផ្សេងទៀតចំពោះការជ្រើសរើសសម្លៀកបំពាក់របស់មនុស្សស្រីកើតក្នុងខែមេសាជារឿយៗគឺមានភាពប្រណិត។ ជួនកាលទៀតនាងចូលចិត្តស្លៀកពាក់ធម្មតាៗដូចជាខោខូវប៊យជាដើម។

រូបតំណាង

ដូចដែលបានរៀបរាប់ខាងលើ មនុស្សស្រីដែលកើតក្នុងខែមេសាជានារីដែលជាទីចំណាប់អារម្មណ៍របស់មនុស្សគ្រប់រូប។ ទីចំណាប់អារម្មណ៍ទាំងនេះកើតឡើងដោយសារតែ ការដែលមានអត្តចរិតបែបឯករាជ្យ ភាពរឹងមាំដែលតែងតែហ៊ានប្រឈមនឹងបញ្ហាដែលចូលមកទាំងអស់។ បើអ្នកចូលចិត្តអានរឿងស្នេហា អ្នកអាចប្រៀបនារីដែលកើតក្នុងខែមេសាទៅនឹងតួអង្គស្រីក្នុងរឿងបាន។

ទោះបីជាយ៉ាងណាក្នុងចិត្តរបស់នាងគឺពោរពេញទៅដោយព្យុះភ្លៀងជាច្រើន ព្រោះនាងមានជំនាញខាងលាក់អារម្មណ៍ខ្លួនឯងពីភ្នែកអ្នកដទៃបានយ៉ាងល្អ។ អ្នកនឹងកម្រឃើញនាងយំណាស់ ។ នារីដែលកើតខែមេសាជាជម្រើសដ៏ល្អមួយសម្រាប់មនុស្សប្រុសដែលមិនសូវចេះលួង និងអ្នកដែលធុញទ្រាន់នឹងនារីដែលតែងតែប្រើទឹកភ្នែករាល់ថ្ងៃ។

រូបតំណាង

ក្នុងរឿងស្នេហាវិញ មនុស្សស្រីកើតក្នុងខែនេះ គឺស្មោះត្រង់ជាមួយនឹងអ្នកដែលនាងបានជ្រើសយកណាស់ នាងជាមនុស្សស្រីដែលមានភាពផ្អែមល្ហែម នាងនឹងធ្វើឲ្យពិភពលោកនៅជុំវិញអ្នកមានភាពស្រស់បំព្រង។ នាងនឹងធ្វើឲ្យអ្នករំភើបហើយចង់កាន់ដៃអ្នករហូតទៅ និងមិនចង់ឲ្យនាងចាកចេញទៅណាទេ។

ព្យាយាមស្វែងរកនារីដែលលះបង់ដើម្បីការងារ ស្មោះត្រង់នឹងស្នេហា មានចំណេះដឹង ចេះនិយាយកំប្លែង និងមានមន្តស្នេហ៍ ទោះបីរូបរាងខាងក្រៅមិនលេចធ្លោ តែមានអ្នកស្ម័គ្រចិត្តធ្វើម្ចាស់បេះដូងនាងច្រើន។ សម្រស់អាចនឹងបាត់បង់ពីមួយថ្ងៃទៅមួយថ្ងៃ តែបើអ្នកជ្រើសរើសស្រលាញ់មនុស្សស្រីដែលគួរឲ្យចាប់អារម្មណ៍អ្នកនឹងកើតមានចិត្តរំភើបពីមួយថ្ងៃទៅមួយថ្ងៃ៕

ចុចអាន៖ អ្នកកើតឆ្នាំទាំង ៣ នេះ ហត់នឿយលំបាកបន្តិច ប៉ុន្តែនឹងទទួលជោគជ័យធំក្នុងឆ្នាំ២០១៩

ប្រភព៖ bestie ប្រែសម្រួល៖ ឃួន សូលីកា