លាងចានឆ្នាំងមិនខូចដៃ គួររក្សាទុកទឹកអង្ករនៅផ្ទះបាយជាប្រចាំ
- 2020-04-20 20:20:53
- ចំនួនមតិ 0 | ចំនួនចែករំលែក 0
លាងចានឆ្នាំងមិនខូចដៃ គួររក្សាទុកទឹកអង្ករនៅផ្ទះបាយជាប្រចាំ
ក្រៅពីជួយដល់សម្រស់ ទឹកអង្ករមានគុណសម្បត្តិលើសពីទឹកធម្មតាដែលស្ត្រីមេផ្ទះគ្រប់រូបគួររក្សាទុកនៅផ្ទះបាយជាប្រចាំ។ តទៅនេះ កញ្ញាសូមរៀបរាប់ពីអត្ថប្រយោជន៍នៃទឹកអង្ករលាងសម្អាតបន្លែត្រីសាច់ និងរបស់របរជាច្រើនមុខដូចជា៖
ចង់បានអង្ករផ្កាម្លិះប្រណីតដាំដុះដោយធម្មជាតិគុណភាពល្អឥតខ្ចោះដឹកដល់ផ្ទះរបស់លោកអ្នកចុចត្រង់នេះ!
១. លាងសម្អាតនូវថ្នាំសម្លាប់សត្វល្អិតលើបន្លែ
នៅលើផ្ទៃក្រៅនៃបន្លែ ផ្លែឈើ តែងមានជាប់នូវថ្នាំសម្លាប់សត្វល្អិត អ្នកយកវាទៅត្រាំមួយសន្ទុះក្នុងទឹកអង្ករ រួចលាងជាមួយទឹកធម្មតានោះវាជួយបំបាត់ចោលសារធាតុពុលទាំង បានយ៉ាងល្អ ។
២. លាងសម្អាតចាន ឆ្នាំងជាប់ខ្លាញ់
ចានឆ្នាំងជាប់ខ្លាញ់ ក៏អ្នកអាចយកទឹកអង្ករ មកលាងសម្អាតបានផងដែរ ណាមួយវាក៏គ្មានជាសារធាតុគីមីកាត់ អាចបង្កបញ្ហាចំពោះដៃអ្នក។
៣. លាងសម្អាតក្លិនឆ្អាប
ចំណុចពិសេសជាងគេ ទឹកអង្ករអាចកាត់បន្ថយជាតិរំអិល និងក្លិនឆ្អាប។ គេតែងទុកទឹកអង្ករលាងសម្អាតត្រី ដោយត្រាំទុករយៈពេល១៥នាទី។ ជាងនេះទៀត អ្នកក៏សម្អាតក្លិនជ្រុញ កាំបិត ក្រោយពេលធ្វើត្រីពិតជាឆ្អាប ដោយយកវាទៅត្រាំក្នុងទឹកអង្ករ រួចថែមអំបិលបន្តិចចូល ទុកមួយសន្ទុះសឹមលាងទឹកធម្មតាជាការស្រេច ។
ដូចនេះ សូមរក្សាទុកទឹកអង្ករឲ្យបានជាប្រចាំ ដើម្បីបំបាត់ក្លិនឆ្អាប លែងមានក្នុងផ្ទះបាយ ។
ចង់បានអង្ករផ្កាម្លិះប្រណីតដាំដុះដោយធម្មជាតិគុណភាពល្អឥតខ្ចោះដឹកដល់ផ្ទះរបស់លោកអ្នកចុចត្រង់នេះ!