មនុស្សស្រីសម័យនេះប្រៀបដូចចេះយុទ្ធសិល្ប ពេលនៅផ្ទះ និងចេញក្រៅប្រៀបដូចមនុស្ស២ផ្សេងគ្នា

2020-04-17 03:55:00
ចំនួនមតិ 0 | ចំនួនចែករំលែក 0

ជាពិសេសនោះគឹ នៅពេលចេញក្រៅ អាស្រ័យតាមកម្មវិធី មនុស្សស្រីអាចប្រែក្លាយទៅជាមនុស្សផ្សេងៗគ្នាជាច្រើនទៀត តាមចិត្តដែលនាងចង់។

សម័យនេះ មនុស្សប្រុសត្រូវដកពិសោធន៍ថា កុំឃើញមនុស្សស្រីមិនសូវស្អាតហើយ សម្លឹងរំលងនាងឲ្យសោះ ដ្បិតនៅពេលមនុស្សស្រីខ្ជិលធ្វើខ្លួន និងនៅពេលនាងដាក់ចិត្តដាក់កាយធ្វើខ្លួនគឺអាចខុសគ្នាដល់ទៅ ១៨០ ដឺក្រេ។ មិនត្រឹមតែប៉ុណ្ណោះ ស្ទីលតែងខ្លួនរបស់ពួកគេមិនមែនមានតែ១ឡើយ ដោយអាចបត់បែនបានគ្រប់កាលៈទេសៈ។ ចង់សិចស៊ី ផ្អែមល្ហែម សុភាពរមទម្យ គឺមានទាំងអស់។

ជាក់ស្ដែង មុននេះបន្តិច នារីម្នាក់ឈ្មោះ Wang Yao Yao និស្សិតផ្នែកអក្សរសាស្ត្រ មកពីខេត្ត San Dong ប្រទេសចិន បានបង្កើតប្រធានបទអនឡាញមួយសួរថា តើមនុស្សស្រីម្នាក់ អាចផ្លាស់ប្ដូរប៉ុន្មាន version ដោយសាមីខ្លួនផ្ទាល់បានឲ្យដឹងថា នាងអាចប្ដូរបានយ៉ាងតិចបំផុត ៥ version។

តាមនោះដែរ ពេលនៅផ្ទះ មិនចេញក្រៅ ស្រីស្អាតវ័យ២២ឆ្នាំ អត់តែងខ្លួន ធ្វើឲ្យលេចចេញនូវសម្បុរស្រអែម សម្រស់សាមញ្ញដូចនារីឯទៀតដែរ។ យ៉ាងណាក្ដី នៅពេលចេញក្រៅ ក្នុងកម្មវិធីធំដុំ នាងនឹងតែងខ្លួនដូចអ្នកនាងមកពីត្រកូលអ្នកមាន ហើយបើចូលក្លឹបពេលយប់វិញ គឺសិចស៊ីសន្លប់។ ក្រោយពេលប្រធានបទនេះ ចាប់ផ្ដើមល្បី មនុស្សស្រីជាច្រើនបានបញ្ចេញមតិថា ពួកគេមិនដែលចាប់អារម្មណ៍ឡើយ ថាខ្លួនតាមការពិតក៏អាចប្រែក្រឡាបានច្រើនបែបផែនដូចនេះដែរ។ ដូច្នេះហើយ ពួកគេផ្ដាំថា មនុស្សប្រុសនៅពេលឃើញមុខហ្សីនរបស់មនុស្សស្រី កុំទាន់អាលរំលង ព្រោះពេលនាងតែងខ្លួនហើយ ប្រយ័ត្នស្ដាយក្រោយ៕