នៅផ្ទះសល់លុយពេញៗដៃ បើចេះចាត់ចែងរឿងតូចតាចទាំង៤នេះ
- 2020-04-16 06:50:15
- ចំនួនមតិ 0 | ចំនួនចែករំលែក 0
នៅផ្ទះសល់លុយពេញៗដៃ បើចេះចាត់ចែងរឿងតូចតាចទាំង៤នេះ
អារម្មណ៍ពេលដាច់លុយម្ដងៗ មិនងាយស្រួលប៉ុន្មានទេ បើទោះបីមិនទៅណាក្នុងអំឡុងពេលការពារខ្លួនពីវីរុសកូវីដ១៩។ ក្នុងកាលៈទេសៈនេះ អ្នកខ្លះត្រូវធ្វើការពីផ្ទះ ខ្លះត្រូវរៀនពីផ្ទះជាដើម ប៉ុន្តែអ្នកទាំងអស់គ្នាក៏គួរមានរបៀបនៃការចាត់ចែងលុយកាក់ចាយវាយបានត្រឹមត្រូវ ដើម្បីប្រែក្លាយខ្លួនអ្នកមានទម្លាប់សន្សំបានល្អ។ ថ្ងៃនេះ កញ្ញា សូមណែនាំវិធីងាយៗមួយចំនួនដល់អ្នក ជៀសវាងពេលដាច់ខែដាច់លុយ៖
១. សន្សំមានប្រសិទ្ធភាព
ក្នុងពេលនេះជាពេលវេលា យើងអាចបង្កើតសន្សំលុយកាក់បានយ៉ាងមានប្រសិទ្ធភាព។ យើងអាចដកលុយសន្សំទុកឲ្យហើយ ចាប់ពី ១០ ទៅ២០ ភាគរយនៃប្រាក់ខែសរុប។ ហើយដាច់ខាតណា កុំប៉ះពាល់វាឲ្យសោះ។
២. កាត់បន្ថយចំណាយលើសំលៀកបំពាក់ និងគ្រឿងសម្អាង
ដើម្បីការពារខ្លួនពីជំងឺឆ្លងដោយមិនដឹងខ្លួន ក្នុងស្ថានភាពនេះយើងក៏មិនចាំបាច់ចេញទៅក្រៅជួបជុំជាមួយអ្នកណាដូចមុន ។ ហេតុនេះ យើងក៏គ្មានតម្រូវការសម្រាប់ចំណាយផ្លាស់ប្ដូរម៉ូតសំលៀកបំពាក់ថ្មីៗ និងចំណាយលើគ្រឿងសម្អាងតុបតែងអ្វីច្រើនផងដែរ។
៣. កាត់បន្ថយការតាមដានអាហារលើអនឡាញ
ចំណុចនេះ អាចពិបាកបន្តិច ព្រោះសម្រាប់អ្នកនៅផ្ទះ ប្រាកដជាមិនអាចជៀស មិនកាន់ទូរស័ព្ទមើលនេះ មើលនោះបានឡើយ ជាពិសេសចំណីអាហារដែលគេលក់ព្រោងព្រាតពេញបណ្ដាញសង្គមអនឡាញ។ ប៉ុន្តែប្រសិនបើយើងអាចធ្វើបាន ដោយបង្វែរមកញ៉ាំរបស់ដែលមាននៅផ្ទះស្រាប់ ឬក៏អាចធ្វើញ៉ាំខ្លួនឯង។ ត្រូវដឹងថា ជាអាហារលក់អនឡាញមានតម្លៃខ្ពស់ ហើយបូកនឹងថ្លៃដឹកជញ្ជូនបន្ថែមទៀត។
៤. បង្កើតតារាងចំណាយសំខាន់ៗ
ការចាយវាយដ៏ត្រឹមត្រូវ យើងត្រូវចាយតាមមាឌ មានដែនកំណត់រួមមាន
- ចំណាយលើសុខភាព ៖ ជាចំណាយដែលចាំបាច់ទៅលើអាហារដែលផ្ដល់ថាមពល និងជួយឲ្យសុខភាព
- ចំណាយលើខួរក្បាល ៖ ការចំណាយលើការពង្រីកចំណេះដឹង ជំនាញបន្ថែម
- ចំណាយលើសម្ភារៈប្រើប្រាស់ ៖ ចំណុចនេះ គួរបង្កើតតារាងទំនិញចាំបាច់ផ្ទាល់ខ្លួន សម្រាប់ចំណាយសម្ភារៈប្រើប្រាស់ចាំបាច់។ ភ្ជាប់នឹងសំណួរសួរថា តើទិញមក វាអាចផ្ដល់ប្រយោជន៍អី្វខ្លះ? សង្ឃឹមថាអ្នកទាំងអស់គ្នា អាចធ្វើបាន៕