បានប្រុសស្អាតណាត់ទៅញ៉ាំអី នារីម្នាក់យំមិនចេញទឹកភ្នែក ព្រោះលទ្ធផលហួសចិត្តពេក
- 2020-04-15 03:05:00
- ចំនួនមតិ 0 | ចំនួនចែករំលែក 0
បានប្រុសស្អាតណាត់ទៅញ៉ាំអី នារីម្នាក់យំមិនចេញទឹកភ្នែក ព្រោះលទ្ធផលហួសចិត្តពេក
ខុសពីនារីផ្សេងៗដែលតែងប៉ះចំមនុស្សនៅខាងក្រៅខុសពីរូបលើអនឡាញនោះ នារីរូបនេះបានជួបប្រុសស្អាតពិតមែន ប៉ុន្តែលទ្ធផលរបស់នាងចេញមកគឺពិបាកទទួលយកបានជាងជួបមនុស្សខុសលើអនឡាញទៅទៀត។
ជាមួយភាពរីកចម្រើននៃបច្ចេកវិទ្យា ការស្វែងរកស្នេហានាសម័យនេះបានប្រែក្លាយទៅជាងាយស្រួលបំផុត ដោយនៅតែផ្ទះក៏អាចមានស្នេហាបានដែរ ដោយឆ្លងកាត់កម្មវិធីស្វែងរកគូស្រករលើអ៊ីនធឺណិត។ ប៉ុន្តែការស្គាល់គ្នា តាមរលកធាតុអាកាសនេះក៏មានហានិភ័យខ្ពស់ដែរ ដោយសារយើងមិនដែលស្គាល់គ្នាសោះ។
ជាក់ស្ដែង នារីម្នាក់ឈ្មោះ Hui Xin មកពីប្រទេសសិង្ហបុរី បានស្គាល់បុរសម្នាក់ឈ្មោះ Chun Zhou តាមរយៈកម្មវិធីណាត់ជួបគ្នា ។ ក្រោយស្គាល់គ្នាបានមួយរយៈពេល នាងមានអារម្មណ៍ល្អជាមួយបុរសរូបនេះ ដ្បិតលោកមានរូបសម្បត្តិស្អាតមិនចាញ់តារាសិល្បៈឡើយ។ បន្ទាប់មក ប្រុសស្អាតរូបនេះ បានណាត់នាង ទៅញ៉ាំអីនៅហាងស៊ុបល្បីឈ្មោះ Hai Di Lao។ ដោយសារមានអារម្មណ៍ល្អនឹងគ្នាស្រាប់ ទើប Hui Xin យល់ព្រមទៅញ៉ាំអីជាមួយគ្នាភ្លាម។
ក្រោយពេលទៅដល់ហាងស៊ុប ប្រុសស្អាតរូបនេះបានហៅម្ហូបជាច្រើន ដោយតម្លៃសរុបអស់ដល់ទៅ ១៥០ដុល្លារ ហើយ Chun Zhou បានញ៉ាំអស់ដល់ទៅ ៨០%។ ឃើញដូចនេះ នារីរូបនេះ ស្មានតែយើងបានជួបមនុស្សប្រុសដៃទូលាយហើយ ក៏សម្ងំសប្បាយចិត្ត។ ដល់ពេលញ៉ាំចប់ ខាងប្រុសស្រាប់តែសុំទៅបន្ទប់ទឹក ហើយគេចបាត់ខ្លួនរហូត មិនត្រលប់មកវិញ ធ្វើឲ្យ Hui Xin ត្រូវចេញថ្លៃអាហារនេះទាំងអស់។ ដោយសារតែរឿងនេះ មិនអាចប្ដឹងប៉ូលិសបាន ទើបនាងសម្រេចចិត្តបង្ហោះបកអាក្រាតរូបនេះលើបណ្ដាញសង្គម ព្រោះខ្លាចក្រែងនារីផ្សេងជួបជនបោកប្រាស់ដូចនាងដែរ៕
អានបន្ត៖ ឃើញមុខប៉ាម៉ាក់គេជំនាន់ដើមចង់សន្លប់ តារាជំនាន់នេះល្មមៗសុំខ្មាស