ក្នុងកែវភ្នែករបស់ស្វាមី ភរិយាគួរធ្វើរឿង៣យ៉ាង ហើយចៀសវាង៤យ៉ាងនេះដាច់ខាត
- 2020-04-06 09:55:00
- ចំនួនមតិ 0 | ចំនួនចែករំលែក 0
ក្នុងកែវភ្នែករបស់ស្វាមី ភរិយាគួរធ្វើរឿង៣យ៉ាង ហើយចៀសវាង៤យ៉ាងនេះដាច់ខាត
សុភមង្គលនឹងកើតមាន បើប្តីនិងប្រពន្ធឆ្លាតវៃចេះបង្កើតឲ្យមាន។ គូស្វាមីភរិយាខ្លះ យល់ថាជារឿងលំបាកណាស់ តែតាមពិតវាមិនដូច្នោះទេ។ មានរឿងមួយចំនួនដែលអ្នកគួរធ្វើ និងមិនគួរធ្វើដើម្បីកុំឲ្យប្រេះឆាក្នុងជីវិតគ្រួសារ។
**រឿងដែលត្រូវធ្វើ**
១. សរសើរស្វាមីឲ្យបានច្រើន
មនុស្សប្រុសចូលចិត្តលឺពាក្យសរសើរណាស់ ដូច្នេះ អ្នកត្រូវតែចេះពីរបៀបនិយាយសរសើរស្វាមីរបស់អ្នកឲ្យត្រូវពេល។ ពិសេស ពេលគាត់ធ្វើអ្វីមួយបានជោគជ័យ ពាក្យដែលគាត់ចង់លឺខ្លាំងបំផុតពីប្រពន្ធគឺការសរសើរនេះហើយ។ គ្រប់ពេលនឹងធ្វើឲ្យប្ដីរបស់អ្នកមានអារម្មណ៍សប្បាយចិត្ត និងស្រលាញ់អ្នកកាន់តែខ្លាំង។
២. តែងតែចេះបង្កើតអ្វីថ្មីៗ
នេះពិតជាអាថ៌កំបាំងសំខាន់ ក្នុងការធ្វើឲ្យស្វាមីរបស់អ្នកចងចាំបាន។ ពេលខ្លះ អ្នកអាចលើកសំណើទៅគាត់ ដូចជារៀបចំញ៉ាំអាហារបែបពិកនិកនៅបរិវេណក្នុងផ្ទះជាមួយគ្នា។ ទាំងនេះនឹងធ្វើឲ្យប្តីរបស់អ្នករីករាយនៅពលមានប្រពន្ធចេះយល់ចិត្ត និងពូកែដូចជាអ្នក។
៣. តែងតែសកម្ម
មនុស្សប្រុសស្រលាញ់ភរិយាដែលឧស្សាហ៍ព្យាយាម និងចេះរៀបចំអ្វីមួយដោយខ្លួនឯង។ ពេលខ្លះ អ្នកត្រូវរៀនពីរបៀបផ្លាស់ប្ដូរខ្លួនឯង ។ កាយវិការ ទឹកមុខ និងសកម្មភាពរបស់អ្នកនឹងជួយឲ្យប្ដីកាន់តែចង់ដឹង និងស្វែងយល់ពីអ្នកមិនជិនណាយ។
រឿងដែលមិនត្រូវធ្វើ
១. មិនមាត់ក
កុំស្ងប់ស្ងៀមរហូតមិននិយាយស្តីអ្វីទាំងអស់ ព្រោះនឹងធ្វើឲ្យមនុស្សប្រុសបាត់ការចាប់អារម្មណ៍ គេយល់ថាអ្នកប្រហែលមិនចូលចិត្តឬចង់នៅក្បែរគេទេ ទើបបានជាធ្វើបែបនេះ។ ម្ល៉ោះហើយ ប្រពន្ធឆ្លាតគួរចេះពីរបៀបនិយាយឲ្យបានពីរោះពិសា សម្ដីផ្អែមល្ហែមដើម្បីឲ្យស្វាមីរបស់អ្នកងប់ងុល។
២. មិនចេះអត់ធ្មត់
កុំសម្ដែងឬកពារហាក់ដូចជាអ្នកត្រូវបានគេបង្ខំឲ្យស្រលាញ់គាត់ ព្រោះធ្វើបែបនេះ ស្វាមីនឹងស្អប់អ្នកជារៀងរហូត។
៣. កុំរំលឹកឈ្មោះអតីតសង្សារ
ពាក្យសម្ដីដែលប្រៀបធៀបប្ដីរបស់អ្នក ជាមួយអតីតសង្សារពេលដែលអ្នករៀបការរួចហើយនៅពេលនេះ ហាក់ដូចជាចម្លែកខ្លាំងបំផុតសម្រាប់គាត់។ គ្មានបុរសណាអាចទ្រាំស្ដាប់យ៉ាងសប្បាយរីករាយ នូវរឿងដែលប្រពន្ធជជែកពីអតីតសង្សាររបស់ខ្លួននោះទេ។ ដូច្នេះ កុំបង្កជម្លោះដោយសារតែរឿងគួរឲ្យក្ដៅចិត្តបែបនេះ។
៤. កុំធ្វើខ្លួនកន្រ្ទីងកន្រ្ទាក់
សក់ក្បាលសំពីងសំពោង ខោអាវរហែក ក្លិនខ្លួនស្អុយ រឿងទាំងនេះនៅពេលប្ដីសម្លឹងមកអ្នក គាត់ច្បាស់ជាមិនចង់នៅជិតអ្នកនោះទេ។ មនុស្សប្រុសស្រលាញ់មនុស្សស្រី ដោយប្រើកែវភ្នែករបស់គេ ដូច្នេះអ្នកគួរយកឆ្លៀតយកឱកាសនេះបង្កើតភាពទាក់ទាញដើម្បីឲ្យប្តីកាន់តែស្រលាញ់ និងមោទកភាពចំពោះអ្នក៕
អានបន្ត៖ ស្នេហាងាយបែកបាក់ ដាច់គ្នាផុយៗ បើប្តីប្រពន្ធចាប់ផ្តើមមានចំណុចទាំងនេះ