កាយវិការទាំង ៥របស់មនុស្សប្រុសដែលស្រឡាញ់ត្រឹមតែមាត់
- 2020-03-31 04:50:00
- ចំនួនមតិ 0 | ចំនួនចែករំលែក 0
កាយវិការទាំង ៥របស់មនុស្សប្រុសដែលស្រឡាញ់ត្រឹមតែមាត់
មនុស្សដែលមានក្តីស្រឡាញ់ស្មោះ តែងតែចង់បានការយកចិត្តទុកដាក់ពីដៃគូម្ខាងទៀត ឲ្យដូចនឹងអ្វីដែលខ្លួនបានធ្វើចំពោះគេ ប៉ុន្តែគ្រប់យ៉ាងមិនសុទ្ធតែបានដូចចិត្តឡើយ។ ជួនកាលគេគ្រាន់តែបង្ហាញកាយវិការឲ្យដូចស្រឡាញ់ ឯការពិតវិញគឺស្រឡាញ់ត្រឹមតែមាត់ប៉ុណ្ណោះ ដែលនេះហើយជាហេតុផលធ្វើឲ្យអ្នកមានអារម្មណ៍ថា ស្នេហាខ្វះភាពកក់ក្តៅមិនបានអ្វីដូចចិត្តចង់។
**១. មិនសូវចង់ជួបមុខសុខចិត្តឆាតតាមទូរស័ព្ទ៖** ភាគច្រើនគេមិនសូវចង់ជួបមុខអ្នកនៅខាងក្រៅទេ គេសុខចិត្តឆាតលេងជាមួយអ្នកតាមទូរស័ព្ទវិញ។ មនុស្សប្រុសខ្លះមានអារម្មណ៍ល្អតែនៅក្នុងឆាត តែបើជួបគ្នានៅខាងក្រៅវិញបែរជាធ្វើខ្លួនប្លែកៗដូចមិនចង់និយាយរក។
២. ម្តងបាត់ម្តងឃើញ៖ ពេលខ្លះគេលេចមុខមក ពេលខ្លះក៏បាត់ទៅមិនដឹងតាំងពីពេលណា ដូចជាព្រលឹងខ្មោចអ៊ីចឹង។ ជួនកាលកំពុងឆាតជាមួយគ្នាសុខៗស្រាប់តែបាត់ទៅពីរបីថ្ងៃ ហើយពេលត្រលប់មកវិញក៏ធ្វើដូចជាគ្មានរឿងអីកើតឡើងអ៊ីចឹង។
៣. ចូលចិត្តបង្វែរប្រធានបទ៖ ឲ្យតែនិយាយរឿងទៅថ្ងៃអនាគត ឬរឿងស៊ីជម្រៅបន្តិច គេនឹងបង្វែរប្រធានបទទៅជាអ្វីផ្សេងភ្លាមតែម្តង ឬមិនដូច្នោះទេ គេនឹងឆ្លើយខ្លីៗម៉ាត់ៗឲ្យតែបានរួចខ្លួន។
៤. ព្យាយាមយកលេសថានៅជាមួយមិត្តភក្តិ៖ គេជ្រើសរើសនៅជាមួយមិត្តភក្តិដើម្បីយកលេសគេចពីអ្នក ហើយធ្វើដូចជាខ្លាចអ្នកដទៃដឹងរឿង។
៥. ធ្វើដូចហួងហែង៖ គេធ្វើមិនសូវខ្វល់ខ្វាយពីអ្នកទេ តែបើមានបុរសផ្សេងមកនិយាយជាមួយអ្នក គេនឹងបញ្ចេញចរិតហួងហែង ធ្វើដូចប្រច័ណ្ឌចង់ស៊ីសាច់តែម្តង មិនខុសពីខ្មោចចេញខ្មោចចូលទេ៕
ចុចអាន៖ស្រឡាញ់ខ្លាំងយ៉ាងណាក៏ដោយ តែកុំលះបង់របស់ផ្ទាល់ខ្លួនទាំងនេះទៅគេឲ្យសោះ