គិលានុបដ្ឋាយិកាកូរ៉េរងរបួសពេញមុខដោយសារពាក់ម៉ាស និងវ៉ែនតាជាង១០ម៉ោងក្នុង១ថ្ងៃ
- 2020-03-20 02:30:00
- ចំនួនមតិ 0 | ចំនួនចែករំលែក 0
គិលានុបដ្ឋាយិកាកូរ៉េរងរបួសពេញមុខដោយសារពាក់ម៉ាស និងវ៉ែនតាជាង១០ម៉ោងក្នុង១ថ្ងៃ
ដើម្បីសង្គ្រោះអ្នកជំងឺរាប់រយអ្នកក្នុងមួយថ្ងៃ ដូចនេះពេទ្យនៅតំបន់ Daegu ប្រទេសកូរ៉េត្រូវការពារខ្លួនឯងយ៉ាងម៉ត់ចត់ដើម្បីកុំឲ្យឆ្លងដល់ខ្លួនឯង ដែលជាមូលហេតុធ្វើឲ្យមុខរបស់ពួកគេរងរបួសជាទម្ងន់ដោយសារខ្សែម៉ាស និងដងវ៉ែនតា។
ក្រោយវេនប្រចាំការរបស់ខ្លួន គ្រប់ពេទ្យទាំងអស់នៅមន្ទីរពេទ្យ Dongsan Daegu នៅខេត្ត Daegu ប្រទេសកូរ៉េ ត្រូវបិតបង់បិតដំបៅនៅលើខ្ទង់ច្រមុះ ថ្ងាស និងថ្ពាល់យ៉ាងស្អេកស្កះ ដោយសារតែរងរបួសពីការពាក់ម៉ាស និងវែ់នតាការពារវីរុសច្រើនម៉ោងពេក។
ចាប់តាំងពីពេលវីរុស Covid 19 ចាប់ផ្ដើមផ្ទុះឡើងនៅប្រទេសកូរ៉េ តំបន់ខាងលើគឺជាតំបន់ដែលរងការប៉ះទង្គិចខ្លាំងបំផុត។ អាស្រ័យហេតុនេះហើយ វេជ្ជបណ្ឌិតនៅក្រុងនេះត្រូវធ្វើការជាង១០ម៉ោងជារៀងរាល់ថ្ងៃ។
ទន្ទឹមនឹងការព្យាបាលឲ្យគេ ពេទ្យទាំងអស់ក៏ប្រើម៉ាសច្រើនជាន់ និងវ៉ែនតាដើម្បីការពារខ្លួនឯងពីការឆ្លងរោគពីអ្នកជំងឺផងដែរ។ ដូចនេះ ក្រោយវេនរបស់ខ្លួន ពេទ្យនីមួយៗសុទ្ធតែត្រូវខ្សែម៉ាស និងដងវ៉េនតាសុវត្ថិភាព ធ្វើឲ្យរលាត់ស្បែកមុខជាច្រើនកន្លែង។ ក្រោយពេលកម្រងរូបភាពទាំងនេះត្រូវបានដាក់បង្ហាញ ប្រជាជនកូរ៉េបានបង្ហាញពីភាពក្ដុកក្ដួលរបស់ខ្លួន និងថ្លែងអំណរគុណដល់ក្រុមវេជ្ជពេទ្យួដែលតស៊ូលះបង់ កម្លាំងញើសឈាម ខណៈប្រទេសកំពុងជួបរឿងបែបនេះ៕
អានបន្ត៖ ហេតុផលនៅពីក្រោយ ការផ្ទុះឡើងយ៉ាងលឿននៃកូវីដ១៩នៅអ៉ីតាលី