សញ្ញាបញ្ជាក់ថាអ្នកជាមនុស្សស្រីរឹងមាំ មិនងាយចុះចាញ់ជាមួយនឹងបញ្ហា
- 2020-03-11 09:55:00
- ចំនួនមតិ 0 | ចំនួនចែករំលែក 0
សញ្ញាបញ្ជាក់ថាអ្នកជាមនុស្សស្រីរឹងមាំ មិនងាយចុះចាញ់ជាមួយនឹងបញ្ហា
ការលត់ដំពង្រឹងចិត្តឲ្យនឹងនរឹងមាំល្អ ទាមទារការប្រើពេលវេលា ដើម្បីឲ្យអ្នកអាចហ្វឹកហាត់ជំរុញគំនិតសុទិដ្ឋិនិយមរាល់ថ្ងៃ និងមិនប្រលែងខ្លួនឯង ឲ្យនៅជាប់ផុងជាមួយនឹងបញ្ហានានា ដែលមិនទាន់កើតឡើងឬបានកើតឡើងរួចហើយក៏ដោយ។
អ្នកស្រី Amy Morin ដែលជាចិត្តវិទូបានលើកឡើងពីសញ្ញាច្រើនយ៉ាង បញ្ជាក់ថាអ្នកគឺជាមនុស្សស្រីរឹងមាំម្នាក់។
១. អ្នកចេះបែងចែកគ្រប់គ្រងអារម្មណ៍បានល្អ ព្រោះអ្នកដឹងច្បាស់ថា វាអាចបង្កផលប៉ះពាល់អាក្រក់ដល់ការសម្រេចចិត្ត ការគិត រួមទាំងសកម្មភាពប្រចាំថ្ងៃ។
២. អ្នកមានទំនុកចិត្ត អាចបត់បែនទៅតាមស្ថានការណ៍ និងមានភាពក្លាហានចេះទទួលយក នៅពេលជីវិតត្រូវផ្លាស់ប្តូរជួបរឿងផ្សេងៗ។
៣. អ្នករៀនពីកំហុសពេលអតីតកាល ដើម្បីអាចកែប្រែនិងការពារមិនឲ្យកើតឡើងសាជាថ្មី។
៤. អ្នកមិនរារែកភ័យខ្លាចជាមួយនឹងបញ្ហាគ្រប់បែបយ៉ាង ទោះបីបញ្ហាទាំងនោះព្យាយាមបញ្ចេញអំណាចខ្លាំងក្លាដាក់អ្នកក៏ដោយ។
៥. អ្នកពេញចិត្តនូវអ្វីដែលខ្លួនឯងកំពុងមាន ហើយក៏មិនភ្លេចខិតខំអភិវឌ្ឍបន្ថែមទៀតដែរ។
៦. អ្នកកោតស្ញប់ស្ញែងពេលឃើញអ្នកដទៃជោគជ័យ ដោយមិនចេះច្រណែនឈ្នានីសផ្តេសផ្តាស គឺមានតែរៀនពីចំណុចល្អរបស់គេ។
៧. អ្នកមានការប្រុងប្រយ័ត្ន មុនពេលសម្រេចចិត្តលើកិច្ចការតូចធំនានា ប៉ុន្តែអ្នកក៏មិនចូលចិត្តធ្វើវាឲ្យមានភាពស្មុគស្មាញខ្លាំងពេកដែរ។
៨. អ្នកមានភាពស្មោះត្រង់ជាមួយនឹងខ្លួនឯង ហ៊ានទទួលស្គាល់និងកែលម្អរាល់ចំណុចខ្វះខាត។
៩. អ្នកចូលចិត្តដោះស្រាយបញ្ហា ជៀសជាងការខិតខំលាក់បាំង។
១០. អ្នកព្យាយាមសិក្សារៀនសូត្រអ្វីៗគ្រប់បែបយ៉ាងដែលបានជួបប្រទះរាល់ថ្ងៃ ដើម្បីរក្សាភាពរឹងមាំឲ្យនៅតែឋិតថេរ៕
ចុចអានបន្ត៖ ជ្រើសរើសត្បូងគជ់មួយគ្រាប់ ដើម្បីដឹងពីតម្រូវការពិតប្រាកដរបស់អ្នក
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
