ចិញ្ចឹមកូនបែបណាទើបកូនមានភាពរឹងប៉ឺងដើម្បីជម្នះឧបសគ្គនិងជោគជ័យក្នុងជីវិត?

  • 2020-03-04 09:10:00
  • ចំនួនមតិ 0 | ចំនួនចែករំលែក 0

ទម្លាប់​នៃ​ការ​ចិញ្ចឹម​បី​បាច់​ថែរក្សា​កូន​នៅ​កម្ពុជា​មាន​ទំនោរ​ទៅ​រក​ការ​ការពារ​ហួស​ហេតុ​ពេក និង​ការ​គ្រប់​គ្រង​ពី​ប៉ា​ម៉ាក់​ជា​ជាង​បណ្ដោយ​ឲ្យ​កូន​រៀន​ធ្វើ​អ្វី​ដោយ​ខ្លួន​ឯង ។ ប៉ា​ម៉ាក់​ភាគ​ច្រើន​គិត​ថា​ដើម្បី​ឲ្យ​កូន​ៗ​មាន​អនាគត​ល្អ ពួក​គេ​ត្រូវ​មាន​សុខភាព​រាង​កាយ​រឹង​មាំ និង​រៀន​ពូកែ។​  ដូច្នេះ​កូន​ត្រូវ​ធ្វើ​តាម​ការ​ណែ​នាំ និង​គោល​បំណង​របស់​ប៉ា​ម៉ាក់​ច្រើន​ជាង​ចំណង់​ចំណូល​ចិត្ត និង​បទពិសោធន៍​ខ្លួន​ផ្ទាល់។

រូបតំណាង

ពិភពលោក​ដែល​កូន​យើង​កើត​ពេល​នេះ​បាន​ផ្លាស់​ប្ដូរ​មិន​ដូច​ពី​មុន​ឡើយ ។ កូន​ៗ​ជំនាន់​ក្រោយ​នឹង​ជួប​ជាមួយ​នឹង​ឱកាស​ដ៏​ច្រើន ស្រប​ជាមួយ​ការ​ប្រឈម​មុខ​នឹង​ឧបសគ្គ​ផ្សេង​ៗ​ផង​ដែរ​ នា​ពេល​អនាគត។​ ដូច្នេះ​ហើយ ប៉ា​ម៉ាក់​ត្រូវ​បណ្ដុះ​ភាព​រឹងប៉ឹង​របស់​កូន​តាំង​ពី​តូច​តាម​រយៈ​ការ​ចិញ្ចឹម​កូន​បែប​វិជ្ជមាន។

ពិភពលោក​បច្ចុប្បន្ន​មាន​ការ​ផ្លាស់ប្ដូរ​ឥត​ឈប់​ឈរ ហើយ​ការ​ប្រកួត​ប្រជែង និង​តម្រូវ​ការ​ក្នុង​សង្គម​ក៏​មាន​ការ​កើន​ឡើង​ជា​លំដាប់ ដែល​នេះ​ទាម​ទារ​ឲ្យ​កូន​ៗ​ជំនាន់​ក្រោយ​មាន​ភាព​រឹងប៉ឹង​ក្នុង​ការ​ជម្នះ​ឧបសគ្គ​ដើម្បី​ចាប់​យក​ឱកាស​និង​ជោគជ័យ​នា​ពេល​អនាគត ។ ដូច្នេះ​ហើយ ប៉ា​ម៉ាក់​ត្រូវ​បណ្ដុះ​ភាព​រឹងប៉ឹង​ដើម្បី​ជម្នះ​ឧបសគ្គ​ដល់​កូន​ៗ​តាំង​ពី​តូច​តាម​រយៈ​វិធី​ចិញ្ចឹម​កូន​សម័យកាល​ថ្មី​ដែល​សមស្រប​ជាមួយ​នឹង​បរិបទ​ថ្មី​នៃ​ពិភពលោក​នា​ពេល​បច្ចុប្បន្ន។

អ្នក​ជំនាញ​បាន​ណែ​នាំ​ពី​វិធីសាស្ត្រ​ក្នុង​ការ​ចិញ្ចឹម​កូន​សម័យកាល​ថ្មី ជួយ​បណ្ដុះ​ភាព​រឹងប៉ឹង​ដល់​កូន​ដើម្បី​ជម្នះ​ឧបសគ្គ​ផ្សេង​ៗ​ក្នុង​ជីវិត​ដូច​ខាង​ក្រោម៖ ​

រូបតំណាង

១.ឲ្យ​កូន​រៀន​ធ្វើ​អ្វី​ដោយ​ខ្លួន​ឯង​

ការ​បណ្ដោយ​ឲ្យ​កូន​ឆ្លង​កាត់​បទ​ពិសោធន៍​ដោយ​ផ្ទាល់​នៅ​ពិភព​ខាង​ក្រៅ​ហើយ​ប្រឈម​មុខ​នឹង​ឧបសគ្គ​ដោយ​ខ្លួន​ឯង ។ ដោយ​ប៉ា​ម៉ាក់​កុំ​ការពារ​កូន​ជ្រុល​ហួស​ហេតុ​ពេក អាច​ជួយ​ឲ្យ​កូន​មាន​ភាព​ឯករាជ្យ និង​រៀន​ធ្វើ​អ្វី​ដោយ​ខ្លួន​ឯង។

រូបតំណាង

២.បង្រៀន​កូន​ឲ្យ​មាន​ភាព​រឹងប៉ឹង​មិន​ព្រម​ចុះ​ចាញ់

គ្រប់​បទ​ពិសោធន៍​លំ​បាក​ ប៉ា​ម៉ាក់​ត្រូវ​ឲ្យ​កូន​រៀន​ប្រឈម​នឹង​ភាព​ទន់​ខ្សោយ និង​ត្រូវ​ផ្ដល់​ជំនឿ​ចិត្ត​លើ​កូន​ម្ដង​ហើយ​ម្ដង​ទៀត​ថា​កូន​ពិត​ជា​អាច​ធ្វើ​បាន។​

រូបតំណាង

៣.ជំរុញ​ភាព​ក្លាហាន​របស់​កូន

ពេល​កូន​ប្រឈម​មុខ​ភាព​ភ័យ​ខ្លាច ប៉ា​ម៉ាក់​ត្រូវ​លើក​ទឹក​ចិត្ត​កូន និង​ជំរុញ​ឲ្យ​កូន​មាន​ភាព​ក្លាហាន​ដើម្បី​សម្រេច​បាន​គោល​ដៅ​ដែល​កូន​ចង់​បាន។

៤.ឲ្យ​កូន​រៀន​បត់​បែន​តាម​កា​លៈ​ទេ​សៈ

បណ្ដោយ​ឲ្យ​កូន​អ្នក​មាន​ឱកាស​ប្រើ​ជីវិត​ដែល​គេ​មិន​ធ្លាប់​ជួប​ប្រទះ​ខ្លះ តាម​រយៈ​នេះ​ពួក​គេ​នឹង​ទទួល​បាន​បទពិសោធន៍​ថ្មី​ៗ ហើយ​ចេះ​បទ​បែន​តាម​កាលៈទេសៈ​ដើម្បី​ទទួល​បាន​ភាព​ជោគ​ជ័យ ។

៥.    បង្រៀន​ឲ្យ​កូន​មាន​ភាព​វាង​វៃ​ក្នុង​ការ​ដោះ​ស្រាយ​បញ្ហា

ចំណេះដឹង​មិន​មែន​បាន​ពី​ការ​រៀន​ក្នុង​សាលា​ទាំង​ស្រុង​ទេ តែ​ក៏​បាន​ពី​បទពិសោធន៍​ផ្ទាល់​នៅ​ខាង​ក្រៅ​ផង​ដែរ។​ បទពិសោធន៍​ខាង​ក្រៅ និង​ការ​ប្រឈម​មុខ​ឧបសគ្គ​នឹង​ជួយ​បង្រៀន​កូន​ឲ្យ​ចេះ​ដោះ​ស្រាយ​បញ្ហា​ក្នុង​ជីវិត។  

រូបតំណាង

សរុប​មក​ការ​ចិញ្ចឹម និង​បង្រៀន​កូន​បែប​សម័យកាល​ថ្មី​ជា​កត្តា​ចាំ​បាច់​ជួយ​ឲ្យ​កូន​មាន​ភាព​រឹងប៉ឹង​ដើម្បី​ជម្នះ​ឧបសគ្គ និង​ត្រៀម​ខ្លួន​រួច​ជា​ស្រេច​សម្រាប់​ចាប់​យក​ឱកាស​ដើម្បី​ភាព​ជោគ​ជ័យ​នា​ពេល​អនាគត៕   បើ​មាន​ចម្ងល់​អ្វី​ផ្សេង​ទៀត ដើម្បី​ធ្វើ​ឲ្យ​កូន​កាន់​តែ​មាន​ភាព​រឹង​ប៉ឹង​ដើម្បី​ជម្នះ​ឧបសគ្គ សូម​ចុច​ នៅ​ទី​នេះ ដើម្បី​ស្វែង​យល់​បន្ថែម ៕

នាំ​មក​ជូន​ដោយ៖ Aptaclub Cambodia

​អាន​បន្ត​៖ ​ យោងតាមការសិក្សា៖ ការធ្វើខួបកំណើតឲ្យកុមារពិតជាមានសារសំខាន់សម្រាប់ពួកគេ

អត្ថបទ៖ ពាណិជ្ជកម្ម

អត្ថបទពេញនិយម