វិធីសាស្ត្រ ៤យ៉ាង ក្នុងការដើរចេញពីស្នេហាដែលគ្មានផ្តល់អ្វីឱ្យអ្នក ក្រៅពីភាពឈឺចាប់

2020-03-03 03:50:00
ចំនួនមតិ 0 | ចំនួនចែករំលែក 0

ធ្លាប់ឆ្ងល់ទេថាមានមនុស្សស្រីមួយចំនួនគាត់មានទាំងសមត្ថភាព ទាំងរូបសម្រស់ និង ចំណេះ ប៉ុន្តែបែរជាសុខចិត្តទ្រាំនៅជាមួយមនុស្សប្រុសដែលមិនល្អសម្រាប់ខ្លួនទៅវិញ?

ជាការពិត គ្មាននារីណាម្នាក់ប្រាថ្នាជួបបុរសដែលធ្វើឱ្យនាងចំណាយពេលវេលាឥតប្រយោជន៍ ឬ ប្រគល់បេះដូងទៅដោយទទេៗ គ្មានបានក្ដីស្រឡាញ់មកវិញនោះទេ។ យ៉ាងណាមិញ បើអ្នកកំពុងតែស្ថិតនៅក្នុងទំនាក់ទំនងមួយដែលពោរពេញដោយភាពស្មុគស្មាញ និង ការឈឺចាប់ អ្នកអាចសាកល្បងដកខ្លួនពីស្ថានភាពនោះបានតាមរយៈវិធីខាងក្រោម៖

១. វិភាគរឿងរបស់ខ្លួនពីជ្រុងរបស់អ្នកដទៃ

រូបតំណាង

ជាធម្មតា ពេលជ្រុលចិត្តស្រឡាញ់នរណាម្នាក់ហើយ អ្នកមិនបានគិតគូពិចារណាឱ្យសមហេតុផលត្រឹមត្រូវប៉ុន្មានឡើយ។ ដូចនេះ អ្នកអាចសាកស្រមៃថា បើរឿងនោះកើតឡើងទៅលើមនុស្សជាទីស្រឡាញ់របស់អ្នក អ្នកនឹងគិតយ៉ាងណា។ ពេលនោះហើយដែលអ្នកឈរលើហេតុផលសមស្របពិតប្រាកដមិនទន់ទោរទៅបុរសម្នាក់ដែលមិនដែលផ្តល់ក្តីសុខឱ្យអ្នក។

២. គិតឱ្យច្បាស់ថាវាពិតជាស្នេហាមែនឬ មិនមែន

រូបតំណាង

ការហួងហែង ឬ ឈ្លក់វង្វេងលើមនុស្សម្នាក់លើសកម្រិតគេមិនហៅថាស្នេហានោះទេ។ ពេលខ្លះ អ្នកមានការយល់ច្រឡំថា ព្រោះតែក្តីស្រឡាញ់ទើបធ្វើអ្នកសុខចិត្តនៅទ្រាំបៀមទុក្ខក្នុងទំនាក់ទំនងដ៏ស្មុគស្មាញមួយ តែតាមការពិត វាគ្រាន់តែជាទម្លាប់ដែលអ្នកធ្លាប់មាន ហើយ អ្នកគិតថាគ្មានវាមិនបានតែប៉ុណ្ណោះ។

៣. គួរពិចារណាពីអនាគតរបស់អ្នក

រូបតំណាង

បើអ្នកស្ថិតនៅក្នុងស្នេហាមួយដែលមិនដែលផ្តល់ភាពរីករាយដល់អ្នក នោះល្មមហើយដែលអ្នកចាប់ផ្តើមគិតគូពីថ្ងៃអនាគត។ អ្នកគួរគិតថាតើថ្ងៃមុខនឹងទៅជាយ៉ាងណាបើអ្នកមិនព្រមបោះបង់ចោលទំនាក់ទំនងដែលពោរពេញដោយភាពទុក្ខទោម្នេញមួយនោះ។ កាលណាអ្នកចំណាយនៅជាមួយបុរសម្នាក់នោះកាន់តែយូរ អ្នកនឹងកាន់តែស្ដាយក្រោយនៅថ្ងៃមុខជាមិនខាន។ ដូចនេះ បើអ្នកសម្រេចចិត្តថាផ្លាស់ប្តូរខ្លួនអ្នកបានកាន់តែលឿន ការឈឺចាប់ដែលអ្នកទទួលបានក៏តិចដូចគ្នា។

៤. កាត់ផ្តាច់រាល់ការប្រាស្រ័យទាក់ទង

រូបតំណាង

ពេលអ្នកតាំងចិត្តថាបោះបង់ទំនាក់ទំនងដែលមិនល្អសម្រាប់អ្នកទាំងផ្លូវកាយនិងផ្លូវចិត្តនោះរួចហើយ អ្នកគួរដាក់កំហិតលើខ្លួនឯងថា ត្រូវកាត់ផ្តាច់រាល់ការជាប់ពាក់ព័ន្ធជាមួយភាគីម្ខាងទៀតនោះឱ្យបាន។ ដរាបណាគេនៅតែអាចទាក់ទងមកកាន់អ្នកបាន គេនៅតែមានឱកាសធ្វើបាបចិត្តអ្នកម្តងទៀត។ ដូចនេះហើយ យកល្អ អ្នកគួរកាត់ចិត្តឱ្យដាច់ពីគេ និង បញ្ឈប់រាល់ការប្រាស្រ័យទាក់ទងជាមួយគេតទៅទៀត បើមិនចង់ឈឺចាប់ម្តងហើយម្តងទៀត៕