៤ សំណួរ ដែលមនុស្សប្រុសមិនចង់ឮ ពេលទាក់ទងគ្នាដំបូង

2020-02-20 01:00:00
ចំនួនមតិ 0 | ចំនួនចែករំលែក 0

រឿងខ្លះស្រីៗមិនគួរសួរនាំទៅមនុស្សប្រុសទេ ពេលចាប់ផ្ដើមស្គាល់គ្នា ព្រោះអាចធ្វើឲ្យជីវិតស្នេហាមិនលូតលាស់។ ក្នុងដំណាក់កាលដំបូងបែបនេះ មនុស្សស្រីមិនគួរសួរទាំង ៤ នេះទៅកាន់ដៃគូ ហើយបើទោះជាសួរ គេក៏ឆ្លើយដែរ តែសុខចិត្តបញ្ចប់ទំនាក់ទំនងក៏ថាបាន៖

រូបតំណាង

**១.តើកូនអ្នកមាន ឬអត់**៖ ទោះជាគេជាកូនអ្នកមានក៏ដោយ បើឮសំណួរនេះ គេប្រាកដជាសម្រេចចិត្តបញ្ឈប់ទំនាក់ទំនងជាមួយយើងមិនខាន។ ព្រោះដូចបង្ហាញថាយើង ចង់បានសង្សារជាកូនអ្នកធូរធារ ហើយសម្លឹងមើលប្រាក់ក្នុងហោប៉ៅគេជាធំប៉ុណ្ណោះ។

២.មានអ្វីជាមធ្យោបាយធ្វើដំណើរ៖ នេះក៏ជាសំណួរមិនគួរសួរដែរ ព្រោះមនុស្សប្រុសនឹងវាយតម្លៃថា យើងជាស្រីលោភលន់ ហើយបើគ្មានរបស់ទំនើប គឺមិនរាប់អាន។ សំណួរនេះដែរស្រីៗចង់មានន័យថា រាល់ថ្ងៃជិះឡាន ម៉ូតូ ឬកង់ ហើយបើទោះជាគេជិះអ្វីក៏គេមិនចង់ប្រាប់យើងវិញដែរ ថែមទាំងអន់ចិត្តទៀតផង។

រូបតំណាង

៣.ហេតុអ្វីបែកគ្នាជាមួយសង្សារចាស់៖ ប្រសិនបើស្រលាញ់គ្នាពិតមែននោះ មុនក្រោយគេនឹងប្រាប់យើងពីរឿងអ្នកចាស់គេទេ។ បើទើបស្គាល់គ្នា យើងបែរជាហ៊ានសួរសំណួរនេះ មនុស្សប្រុសងាយនឹងអន់ចិត្តណាស់ ព្រោះពេលខ្លះអ្នកចាស់អាចធ្វើឲ្យគេឈឺចាប់ ទើបមិនចង់រំលឹក តែយើងបែរជារំលឹករឿងនេះទៅវិញ។

៤.រៀនសូត្រដល់ណា៖ សំណួរនេះគឺប្រៀបដូចជាការវាស់ស្ទង់សមត្ថភាព និងកម្រិតយល់ដឹងរបស់អ្នកទាំងពីរ។ ទើបធ្វើឲ្យមនុស្សប្រុសមិនចង់ឲ្យគេសួរបែបនេះ ហើយបើគេមិនបានរៀនស្មើ ឬខ្ពស់ជាង នោះបុរសមាននឹងមានអារម្មណ៍រអៀសខ្លួន៕

ចុចអាន៖ចង់ឲ្យបុរសម្នាក់នោះចាប់អារម្មណ៍លើយើង ចំណុចទាំងនេះអាចជួយបាន

អត្ថបទ៖ ទ្រី រ៉ាវី