កូនប្រុសប្រពន្ធមុន របស់ប្ដីត្រចៀកកាំ ស្រលាញ់កូនម៉ែចុងដូចប្អូនបង្កើត
- 2020-02-14 03:00:00
- ចំនួនមតិ 0 | ចំនួនចែករំលែក 0
កូនប្រុសប្រពន្ធមុន របស់ប្ដីត្រចៀកកាំ ស្រលាញ់កូនម៉ែចុងដូចប្អូនបង្កើត
ទោះបីជា កូនម្ដាយមុន និងកូនម្ដាយក្រោយក៏ពិតមែន ប៉ុន្តែមនោសញ្ចេតនារវាងកូនបង្កើតរបស់កំពូលតារាសម្ដែងស្រី Zhao Wei និងកូនមុនរបស់ប្ដី នៅតែស្អិតរមួតគួរឲ្យសរសើរ។
មុននេះបន្តិច នៅលើបណ្ដាញសង្គមចិន បានលេចធ្លាយកម្រងរូបភាពរបស់ Xiao Bao កូនប្រុសរបស់ប្រពន្ធនៃលោក Huang You Long ស្វាមីរបស់តារាសម្ដែងជើងចាស់ចិន Zhao Wei។ ក្មេងប្រុសដែលធ្លាប់តែមានរាងតូចល្អិត នៅពេលនេះបានមានវ័យ២១ឆ្នាំ កំពុងរៀនថ្នាក់មហាវិទ្យាល័យ និងមានកម្ពស់ខ្ពស់ស្រឡះ ធ្វើឲ្យគេមើលមិនស្គាល់។ ក្រោយពេលកម្រងរូបនេះត្រូវបានចុះផ្សាយ មនុស្សជាច្រើនមានចម្ងល់ថា មិនដឹងមនោសញ្ចេតនារវាង កូនមុន និងកូនក្រោយរបស់តួរឿង ព្រះនាងយេយេយ៉ាងម៉េច។
មិនយូរក្រោយនោះប៉ុន្មាន Xiao Bao បានបង្ហោះរូបយ៉ាងស្អិតរមួតជាមួយកូនស្រីម្ដាយក្រោយ ដែលជា Huang Xing នៅលើបណ្ដាញសង្គមរបស់ខ្លួន។ តាមនោះដែរ ទោះបីជាមិនជាប់សាច់ឈាមនឹងគ្នា១០០% ក៏ដោយ តែបងប្រុសម្នាក់នេះនៅតែស្រលាញ់ ប្អូនស្រីមិនខុសពីប្អូនបង្កើត។
ម្យ៉ាងទៀតទោះបីជាមិននៅជិតគ្នាក៏ដោយ កូនប្រុសច្បងរបស់ត្រចៀកកាំរៀននៅបរទេសនោះ តែរាល់ពេលមកលេងស្រុកកំណើតម្ដងៗ ប្រុសស្អាតវ័យ២១ឆ្នាំ តែងចំណាយពេលដើរលេងជាមួយប្អូនស្រី ដោយរាល់រូបថតដែលលោកបង្ហោះ គឺប្អូនស្រីរូបនេះហើយដែលជាថតឲ្យលោក។ មនុស្សជាច្រើនក្រោយពេលឃើញទិដ្ឋភាពបានអត់នឹងមិនសរសើរមិនបាន ព្រោះកូនទាំង២របស់ តារាស្រីវ័យ៤៤ឆ្នាំ អាចរស់នៅចុះសម្រុងនឹងគ្នា មិនប្រកាន់កូនមុន កូនក្រោយ៕
អានបន្ត៖ សម្រស់ Zhao Li Ying កាលពី១១ឆ្នាំមុន បង្ហាញឲ្យឃើញថាស្អាតពីធម្មជាតិពិតមែន