អ្នកណាក៏អាចចាប់ផ្តើមម្តងទៀតបានដែរ ឲ្យតែចិត្តអ្នកហ៊ានធ្វើរឿង៣យ៉ាងនេះ
- 2020-02-07 05:10:00
- ចំនួនមតិ 0 | ចំនួនចែករំលែក 0
អ្នកណាក៏អាចចាប់ផ្តើមម្តងទៀតបានដែរ ឲ្យតែចិត្តអ្នកហ៊ានធ្វើរឿង៣យ៉ាងនេះ
គេតែងនិយាយថា អ្នកណាក៏អាចចាប់ផ្ដើមជីវិតជាថ្មីបានរាល់ថ្ងៃដែរ។ នៅពេលអ្នកជួបបញ្ហាបាក់ទឹកចិត្ត អស់កម្លាំង ត្រូវតែផ្លាស់ប្ដូរខ្លួនឯងជាថ្មី។ ឱកាសនៃការផ្លាស់ប្ដូរខ្លួនឯង គួរតែធ្វើនៅពេលព្រឹក ដើម្បីក្ដោបថាមពលធ្វើរឿងល្អៗបានច្រើន។
**១. កុំចងចាំរឿងអាក្រក់កាលពីម្សិលមិញ ហើយស្ដីបន្ទោសខ្លួនឯង**
ផ្លាស់ប្ដូរ ជឿថាមនុស្សជាច្រើនប្រាកដជាឧស្សាហ៍ឮពាក្យនេះមិនខាន។ ផ្លាស់ខ្លួនឯងពីម្សិលមិញចេញពីរឿងមិនល្អ កុំអនុញ្ញាតឲ្យបញ្ហាចូលមករួមរឹតបេះដូង។ កុំបណ្ដោយចិត្តរហូតមិនចង់ធ្វើអ្វី ត្រូវតែប្រាប់ខ្លួនឯងឲ្យអភិវឌ្ឍន៍ទៅមុខ។ មេរៀនពីម្សិលមិញ ទុកសម្រាប់ជាបទពិសោធន៍ ជំនួសឲ្យការស្ដីបន្ទោសលើខ្លួនឯង។
២. គិតវិជ្ជមាន មើលគ្រប់យ៉ាងក្នុងផ្លូវល្អ
បង្កើតភាពខ្លាំងពីខាងក្នុង ប្រហែលជាវិធីល្អដែលជួយឲ្យអ្នកមើលគ្រប់យ៉ាងក្នុងផ្លូវល្អតាមដែលអាចទៅរួចដែរ។ មើលឃើញគ្រប់យ៉ាងថា សុទ្ធតែមានដំណោះស្រាយ។ កុំបន្ទាបការគាំទ្រសម្រាប់ខ្លួនឯងឲ្យសោះ។ ជួយខ្លួនឯងឲ្យរឹងមាំ អ្នកប្រាកដជាអាចជោគជ័យក្នុងកិច្ចការងារប្រចាំថ្ងៃតាមទិសដៅដែលចង់បានមិនខាន។
៣. កុំបារម្ភច្រើនពេក លើរឿងដែលមិនទាន់កើតឡើង
ទម្លាប់បន្លាចខ្លួនឯង ដោយការគិតជ្រុលលើរឿងមិនទាន់កើតឡើងនឹងធ្វើឲ្យជីវិតរស់នៅមិនសូវរីករាយទេ។ បើអ្នកពិតជាចង់រស់ក្នុងពិភពលោកស្រស់ស្អាតមែន គួរតែចំណាយពេលពង្រឹងលើអាកប្បកិរិយាវិញ។ រស់នៅដោយការចេះបត់បែន មើលពីស្ថានការណ៍ដែលកើតឡើងនាពេលឥលូវ។ អ្នកអាចនឹងមានអារម្មណ៍ល្អឡើងវិញចំពោះខ្លួនឯងនិងអ្នកជុំវិញមិនខាន៕
អានបន្ត៖ មនុស្សស្រីរឹងមាំពិតប្រាកដ មិនដែលចំណាយពេលខ្វល់ពីរឿងទាំង ៧ នេះឡើយ