មនុស្សស្រី ៥ ប្រភេទដែលសក្ដិសមនៅម្នាក់ឯងជាងមានសង្សារ
- 2020-01-17 10:00:00
- ចំនួនមតិ 0 | ចំនួនចែករំលែក 0
មនុស្សស្រី ៥ ប្រភេទដែលសក្ដិសមនៅម្នាក់ឯងជាងមានសង្សារ
ប្រហែលពេលខ្លះ ស្នេហាអាចនឹងមាននិស្ស័យជាអ្នកដឹកដៃជួបគ្នា តែបើសិនជាអ្នកកំពុងស្ថិតនៅក្នុងនារី ៥ប្រភេទខាងក្រោមនេះ គួរតែនៅម្នាក់ឯងជាជាងមានសង្សារ ៖
១. មិនចូលចិត្តពាក្យផ្អែមល្ហែម ឬការខ្វល់ខ្វាយពីអ្នកណា
ជាមនុស្សស្រីដែលមិនសូវជាចូលចិត្តស្ដាប់ពាក្យផ្អែមល្ហែម ឬក៏ការយកចិត្តទុកដាក់ពីនរណាម្នាក់។ អាចនិយាយថាពេលស្ដាប់ពាក្យបែបហ្នឹង ហើយអ្នកមានអារម្មណ៍ថារអើម ឬក៏មានអារម្មណ៍ថាសុទ្ធតែជាពាក្យបោកបញ្ឆោតនៅពេលដែលគេស្រឡាញ់អ្នកដំបូងៗ។
**២. មិនសូវចេះខ្វល់ ឬទ្រនរណាម្នាក់**
មិនចូលចិត្តខ្វល់ខ្វាយច្រើន ឬអាចនិយាយបានថាមិនចេះទ្រនរណាតែម្ដង។ ចូលចិត្តភាពដាច់ស្រេច ស្ងៀមស្ងាត់ មិនចេះលួង ឬរញ៉េរញ៉ៃនោះទេ។
៣. សប្បាយចិត្តជាមួយការរស់នៅបច្ចុប្បន្ន
ស្រឡាញ់របៀបរស់នៅខ្លួនឯងពេលនេះ មានសេរីភាព មានភាពរីករាយ ជាពិសេសពេលនៅខ្លួនមួយគឺល្អបំផុត។ អ្នកមិនចង់បានអ្នកណាមកចូលក្នុងជីវិត ឬមានន័យថាមិនចង់ ពេលធ្វើអីមួយត្រូវប្រាប់គេ។
៤. គ្មានអារម្មណ៍ថាច្រណែន ពេលឃើញអ្នកមានគូនៅជាមួយគ្នា
ទោះបីខ្លួនឯងនៅទំនេរក៏ដោយក៏គ្មានអារម្មណ៍អាណិតខ្លួនឯងពេលគ្មានសង្សារនឹងគេដែរ ផ្ទុយទៅវិញពេលខ្លះអាចជ្រេញនឹងអ្នកដែលមានគូទៀតផង។ អ្នកគ្មានអារម្មណ៍ច្រណែន ឬគិតស្រមៃថាចង់បានដៃគូនឹងគេឡើយ។
៥. ចូលចិត្តដកពិសោធន៍អ្វីថ្មីៗ
ជាមនុស្សស្រីដែលចូលចិត្តដកពិសោធន៍រឿងថ្មីៗ ទៅកន្លែងប្លែកៗ ឬជាប្រភេទមនុស្សស្រីដែលស្រឡាញ់ការដើរហើរ និងធ្វើរឿងដែលខ្លួនមិនដែលធ្វើ។ មនុស្សស្រីបែបនេះមានសង្សារក៏មិនចេះល្អជាមួយគ្នាដែរ ព្រោះមិនចេះនៅមួយកន្លែងនោះទេ ហើយរឹតតែមិនចូលចិត្តឲ្យគេឃាត់ឃាំងច្រើន។
បើសិនជាអ្នកនៅមានប្រភេទបែបនេះនៅឡើយ នោះអាចនិយាយបានថាមិនបាច់យកសង្សារល្អជាង ព្រោះជីវិតពេលនេះគឺល្អបំផុត៕
ចុចអាន៖មនុស្សស្រីចាស់ចិត្តចាស់គំនិត មិនផ្ដេកផ្ដួលជីវិតលើមនុស្សប្រុសឡើយ