៦ចំណុចដែលបង្ហាញឲ្យឃើញពីស្នេហាដែលប្រឹងយ៉ាងណាក៏គ្មានអនាគត
- 2020-01-16 11:00:00
- ចំនួនមតិ 0 | ចំនួនចែករំលែក 0
៦ចំណុចដែលបង្ហាញឲ្យឃើញពីស្នេហាដែលប្រឹងយ៉ាងណាក៏គ្មានអនាគត
ពេលដែលស្រឡាញ់គ្នា តើអ្នកណាមិនចង់បន្តរហូតដល់អនាគតជាមួយគ្នា? ប៉ុន្តែពេលខ្លះវាមិនដូចអ្វីដែលអ្នកប៉ងនោះទេ ហើយបើអ្នកសង្កេតឃើញថាទំនាក់ទំនងអ្នកស្ថិតក្នុងចំណុចទាំងនេះ នោះវាពិបាកណាស់ដែលអ្នកអាចបន្តទៅថ្ងៃអនាគត៖
១. មិនអាចស្រឡាញ់អ្វីជាធម្មជាតិដែលមាន
អ្នកទាំង ២ មិនអាចទទួលយកធម្មជាតិដែលដៃគូមាន ចរិតអាក្រក់ដែលគ្នាមាន។ អ្នកស្រឡាញ់តែចំណុចល្អ អ្វីដែលអ្នកពេញចិត្ត តែបើខុសពីចិត្តខ្លួនអ្នកពិបាកទទួលយក និង មិនអាចទ្រាំបាន។
**៣. បញ្ចេញកំហឹងដាក់គ្នាពេលដែលខ្លួនមានបញ្ហា**
ពេលដែល គាត់ឬក៏អ្នកមានអារម្មណ៍មិនល្អ ស្មុគស្មាញ ឬមានរឿងពីខាងក្រៅមក តែងតែមកជះកំហឹង និង រករឿងគ្នាទៅវិញទៅមក ដោយមិនអាចទប់អារម្មណ៍បាន។
៤. គ្មានតុល្យភាពលើស្នេហា
ក្នុងចំណោមអ្នកទាំងពីរគឺមានម្នាក់ស្រឡាញ់ខ្លាំង ហើយម្នាក់ទៀតមិនសូវខ្វាយខ្វល់។ ស្នេហាដែលល្អមួយ គឺត្រូវស្រឡាញ់គ្នាទៅវិញទៅមក មិនមែនមានតែម្ខាងនោះទេ គាត់ខ្វល់ពីអ្នក អ្នកក៏ត្រូវខ្វល់ពីគាត់ បើអ្នកចង់នៅក្បែរគាត់ គាត់ក៏ត្រូវចង់នៅក្បែរអ្នកដូចគ្នា។
៥. អ្នកទាំងពីរគ្មានចំណុចដូចគ្នា
អ្នក និង គាត់តែងតែមានគំនិតផ្ទុយគ្នា មិនចុះសម្រុងគ្នាច្រើនជាងការត្រូវរ៉ូវគ្នា។ ឧទាហរណ៍ គាត់ចង់ធ្វើនេះ តែអ្នកចង់ធ្វើនោះ អ្នកគិតថាបែបនេះល្អ តែគាត់គិតថាមិនល្អ។
៦. មានភាពព្រងើយកន្តើយច្រើន
ក្នុងទំនាក់ទំនងស្នេហាអ្នកច្រើនតែព្រងើយៗដាក់គ្នា មិនសូវមានភាពផ្អែមល្ហែម ជិតស្និទ្ធ និងខ្វះការយកចិត្តទុកដាក់រវាងគ្នានិងគ្នា ហើយតែងតែគិតថា « មិនអីទេ ទោះបែបនេះក៏ដោយ»។
៧. មិនសូវមានភាពជឿជាក់លើគ្នា
គាត់មិនសូវទុកចិត្តអ្នក ឬក៏ អ្នកមិនសូវទុកចិត្តគាត់ នេះហើយដែលធ្វើឲ្យស្នេហាអ្នកមានបញ្ហាមិនចេះចប់ មិនចេះហើយ។ ម្យ៉ាងទៀតវាធ្វើឲ្យអ្នកគ្មានសេចក្ដីសុខផ្លូវចិត្តនោះទេ។
៨. គ្មានការតាំងចិត្តចំពោះរឿងអនាគត
ទំនាក់ទំនងស្នេហាត្រូវការទាមទារឲ្យមានរយះពេលវែង មិនមែនតែមួយឆាវនោះទេ បើអ្នកគ្មានការតាំងចិត្តលើរឿងអនាគត នោះអ្នកនឹងបរាជ័យនូវថ្ងៃណាមួយ។
បើក្នុងស្នេហាមួយមានភាពរីករាយតិចជាងកើតទុក្ខនោះ មានន័យថាស្នេហានោះមិនមែនជាស្នេហាដែលល្អមួយនោះទេ៕ ចុចអាន៖មនុស្សប្រុសចង់បែក តែងតែមានលេសដ៏កំសត់ ៥ យ៉ាងនេះជានិច្ច