៥ ឃ្លាអ្នកនៅលីវឮហើយឆ្អែតណែនហ្មង មិនចង់ស្ដាប់តទៅទៀត!

2020-01-13 09:00:00
ចំនួនមតិ 0 | ចំនួនចែករំលែក 0

ការជ្រើសរើសគូរស្រករមិនមែនជាការងាយ ដូចច្នេះហើយទើបមានមនុស្សមួយចំនួនទុក្ខឲ្យខ្លួនឯងទំនេរហើយរស់នៅជីវិតស្ងប់ស្ងាត់នេះម្នាក់ឯងរយះពេលយូរ។ មនុស្សនៅជុំវិញខ្លួនមិនបានចាប់អារម្មណ៍ និងយល់ថាជាជម្រើសរបស់យើងទេ តែបែរជាយល់ថាមកពីយើងគ្មានសមត្ថភាពក្នុងការជ្រើសរើសទៅវិញ។ ផ្ទុយទៅវិញទាំងនេះជាអ្វីដែលអ្នកនៅម្នាក់ឯងឮឡើងហត់ និងលែងចង់ឮតទៅទៀតពីមនុស្សដែលនៅជុំវិញខ្លួន។

១.«ចាំខ្ញុំណែនាំមនុស្សល្អម្នាក់ឲ្យឯង»

ជាការពិតណាស់នេះជាបំណងល្អ។ តែពេលខ្លះមនុស្សដែលគេគិតថាល្អ ហើយណែនាំមកឲ្យអ្នកនោះល្អមិនទាន់គ្រប់ចំណុចដែលអ្នកចង់បាននោះទេ។ ម្នាក់នោះប្រហែលមានទ្រព្យធន និងរូបសម្បត្តិ តែអ្វីដែលចង់បានគឺសន្តានចិត្តនិងភាពស្មោះត្រង់។ ត្រង់នេះហើយទើបអ្នកយល់ថាការផ្គូផ្គងនេះមិនត្រឹមត្រូវ ហើយលែងចង់ឮតទៅទៀត។

រូបតំណាង

២.«ឆ្នាំនេះអាយុកាន់តែចាស់ហើយ គួរឆាប់រៀបការបង្កើតគ្រួសារ»

ពាក្យសម្ដីទាំងនេះភាគច្រើនចេញមកពីមនុស្សចាស់ ឪពុកម្ដាយ សាច់ញាតិ ជាដើម។ ដោយសារពួកគាត់ចង់លើកដាក់ឲ្យកូនឆាប់មានគូរស្រករឆាប់ៗដើម្បីឲ្យប្រាកដចិត្តពីអនាគតវាសនារបស់កូនៗ។ តែពួកគាត់មិនបានគិតដល់ថា តាមពិតទៅអនាគតគ្រួសារល្អមិនមែនមកពីអាយុនោះឡើយ តែបានមកពីការរៀបការដែលមានការស្រលាញ់ និងព្រមព្រៀងគ្នាទៅវិញទេ។

៣.«កុំបារម្ភអីអ្នកអាចរកបានមនុស្សសក្ដិសម»

គេប្រើពាក្យនេះដើម្បីលួងអ្នក តែបែរជាគ្មានប្រសិទ្ធភាព ព្រោះអ្នកមិនបារម្ភនឹងថារកមិនបានទេ តែអ្វីដែលអ្នកត្រូវការពេលនេះគឺពេលវេលា។

៤.«កុំរើសពេក»

ពាក្យនេះវាមានន័យចាក់ដោតណាស់ សម្រាប់អ្នក។ អ្នកមិនបានរើសទេ តែអ្នកដែលថានោះមានធ្លាប់គិតទេ ថាពេលខ្លះ ម្ខាងទៀងនោះទេជាអ្នកដែលរើស។

៥.«ខ្ញុំវិញហត់នឹងមានសង្សារណាស់ ចង់នៅទំនេរវិញស្រួលខ្លួនជាង»

បើមិនបានជួយចូកជួយចែវទេ កុំយកជើងរាទឹក។ បើអ្នកចង់នៅម្នាក់ឯងធ្វើវាទៅ មិនចាំបាច់មកនិយាយវែងឆ្ងាយទេ។ ព្រោះអ្នក Singleដូចខ្ញុំមិនដែលស្គាល់អារម្មណ៍ហត់ពេលមានសង្សារ ហ្នឹងទេ៕