ចាត់ចែងគោលដៅជីវិតដោយចាប់ផ្តើមរឿង៦យ៉ាងក្នុងឆ្នាំថ្មី ដើម្បីជីវិតកាន់តែប្រសើរ

2019-12-30 03:55:00
ចំនួនមតិ 0 | ចំនួនចែករំលែក 0

ប្រសិនបើអ្នកចេះចាត់ចែងគោលដៅក្នុងជីវិតបានល្អ នោះខ្សែជីវិតរបស់អ្នកក៏ល្អទៅតាមនោះដែរ។ ក្នុងឆ្នាំថ្មី អ្នកត្រូវតែតោងទាមយកជីវិតមួយប្រសើរជាងឆ្នាំចាស់ឲ្យបាន។ ដូច្នេះ ចាប់ផ្តើមគិតលើ ៦ ចំណុចខាងក្រោម ដើម្បីបានជីវិតស្រស់ស្រាយក្នុងឆ្នាំថ្មីនេះ។

រូបតំណាង

**១. ញ៉ាំអាហារសុខភាព**

តោះ ចាប់ផ្ដើមគិតឲ្យហើយដោយថ្ងៃដំបូងនៃឆ្នាំថ្មី អ្នកត្រូវញ៉ាំអាហារល្អៗ ជំនួយសុខភាព ហើយពេលនោះបេះដូង និងរាងកាយអ្នកក៏ល្អទៅតាមនោះដែរ។

រូបតំណាង

២. ធ្វើបញ្ជីនៅអ្វីដែលអ្នកចង់ធ្វើ

បើសិនអ្នកមានរឿងជាច្រើនដែលត្រូវធ្វើក្នុងឆ្នាំចាស់ តែមិនទាន់បានសម្រេច ដល់ពេលសម្រេចវាឲ្យបានក្នុងឆ្នាំថ្មីហើយ។ សរសេរក្នុងបញ្ជីរបស់អ្នក ហើយរង់ចាំមើលលទ្ធផលទាំងអស់គ្នា។

៣. បោសសម្អាតផ្ទះឲ្យស្អាតណាណីម្ដង

បើសិនថ្ងៃឈប់សម្រាកកាលពីឆ្នាំចាស់ អ្នកមិនមានពេលវេលាបោសជូតនិងរៀបចំផ្ទះសម្បែងទេ អ៊ីចឹងយកពេលវេលាក្នុងឆ្នាំថ្មីដើម្បីធ្វើការងារនេះម្ដង។ រៀបចំផ្ទះរបស់អ្នកឲ្យស្អាតផ្លឹង តុបតែងបន្ទប់ឲ្យមានរបៀបរៀបរយ ដើម្បីឲ្យជីវិតកាន់តែស្រស់ស្អាតពេលចូលឆ្នាំថ្មីមកដល់។

រូបតំណាង

៤. ទិញអីវ៉ាន់

ជាទូទៅ អំឡុងកៀកដាច់ឆ្នាំចាស់ចូលឆ្នាំថ្មី ស្ទើរគ្រប់ហាងតែងមានលក់អីវ៉ាន់និងផលិតផលបញ្ចុះតម្លៃយ៉ាងសម្បើម។ នេះជាពេលពេលវេលាល្អ ដែល Brand ល្បីៗជាច្រើនលក់ចុះថ្លៃដល់ថ្នាក់នេះ។ ដូច្នេះ តោះបំពេញជីវិតអ្នកឲ្យកាន់តែសប្បាយជាមួយការដើរទិញទំនិញ។

៥. ចាប់ផ្ដើមបំពេញក្ដីស្រមៃរបស់គោលដៅអ្នក

សម្រាប់អ្នកដែលមានក្ដីស្រមៃ ឬចង់ផ្លាស់ប្ដូរខ្លួនឯង កុំនៅចាំយូរអីទៀត។ ធ្វើវាបន្តិចម្តងៗយឺតៗ ហើយរង់ចាំមើលលទ្ធផលដោយខ្លួនអ្នកផ្ទាល់ជាមួយស្នាមញញឹមដ៏រីករាយ។

រូបតំណាង

៦. ស្វែងរកការងារដែលខ្លួនស្រលាញ់

ឆ្នាំថ្មីជាពេលដែលអ្នកត្រូវបង្កើនល្បឿនសម្រាប់ខ្លួនឯង ស្វែងរកឱកាសដើម្បីមើលថា គោលដៅនៃការងារដែលអ្នកស្រលាញ់ត្រូវការអ្វីខ្លះ។ កុំបន្តការងារដែលគ្មានការអភិវឌ្ឍដល់អ្នក ស្វែងរកការងារថ្មីដែលអ្នកស្រលាញ់៕

អានបន្ត៖ មាន ១០ចំណុចនេះបញ្ជាក់ថាអ្នកជាមនុស្សមានក្ដីសុខបំផុតលើលោកម្នាក់ហើយ

ប្រភព៖ goodlifeupdate ប្រែសម្រួល៖ លឹម សុនា