ស្លៀកពាក់ចេញរាងស្អាតមិនឆ្គង ដោយគន្លឹះងាយៗ

2019-12-24 08:32:45
ចំនួនមតិ 0 | ចំនួនចែករំលែក 0

រូបរាងស្លីមស្អាតយ៉ាងណាក៏ដោយ បើមិនចេះពីរបៀបជ្រើសរើសសម្លៀកបំពាក់ផ្គូផ្គងឲ្យបានត្រឹមត្រូវ ច្បាស់ជាមើលទៅឃើញឆ្គង និងអន់ថយភាពទាក់ទាញនៃសម្រស់មិនខានទេ។ គួរដឹងពីគន្លឹះងាយៗឲ្យហើយទៅ ដើម្បីជួយឲ្យស្ទីលស្លៀកពាក់ស័ក្តិសមឥតទាស់។

១. មិនត្រូវទម្លាក់អាវចុះក្រោមទាំងអស់

ប្រសិនបើអ្នកចង់ឲ្យមើលទៅស្អាតសម មិនថាពេលស្លៀកខោខោវប៊យ ខោក្រណាត់ ឬខោខ្លីនោះទេ គួរតឺនុយជាមួយអាវ និងបន្ថែមស្បែកប៉ាតតាមួយទៀតជាការស្រេច។ ស្ទីលនេះអាចជួយរំលេចចេញនូវដងខ្លួនស្រស់ស្អាត ចង្កេះតូច និងឃើញខ្ពស់ជាងមុន។

២. ពាក់អាវរឹបរាងប្រសើរជាងអាវរលុងខ្លាំង

អាវយឺតដែលមានទំហំធំជាងខ្លួនខ្លាំងពេក នឹងធ្វើឲ្យអ្នកបាត់បង់ភាពទាក់ទាញជាងអាវយឺតរឹបរាង។ មិនតែប៉ុណ្ណោះ វាក៏អាចជួយបង្កើនទំនុកចិត្ត និងពាក់បានច្រើនកាលៈទេសៈ។

៣. ជ្រើសរើសអាវមានឆ្នូតបណ្តោយ

ត្រូវចាំថាអាវឬរ៉ូបដែលមានឆ្នូតបណ្តោយ តែងតែអាចជួយឲ្យរូបរាងឃើញស្រឡូនជាងឆ្នូតដែលកាត់ទទឹងដងខ្លួន។

៤. ត្រូវប្រុងប្រយ័ត្នពេលជ្រើសរើសពណ៌សម្លៀកបំពាក់

ពណ៌សម្លៀកបំពាក់ពិតជាសំខាន់ខ្លាំងណាស់។ គួរចេះជ្រើសរើសពណ៌ស្រដៀងគ្នា ឬមិនលើសពី២ពណ៌ ពុំដូច្នោះទេ អ្នកអាចនឹងមើលទៅឃើញភ្លាវមិនខាន។

៥. ចងសក់ឡើងឲ្យស្រឡះ អាស្រ័យតាមម៉ូដសម្លៀកបំពាក់

ជៀសវាងស្ទីលដដែលៗពេក អ្នកអាចជ្រើសរើសម៉ូដសក់ចងឡើងលើឲ្យស្រឡះមុខមាត់ និងមានភាពស៊ីគ្នាជាមួយស្ទីលស្លៀកពាក់។ ជាពិសេស វាបានបង្ហាញពីភាពជឿជាក់ ហ៊ានបញ្ចេញទម្រង់មុខពិតប្រាកដ ដោយពុំចាំបាច់លាក់លៀមគ្រប់ពេល។

៦. មិនគ្របដណ្តប់រាងកាយជិតឈឹង

សម្លៀកបំពាក់ខ្លះ បានបិទបាំងដងខ្លួនស្រស់ស្អាទាំងស្រុងដែលអ្នកមាន ដូច្នេះហើយគួររើសយកម៉ូដណា ដែលអាវជួយឲ្យអ្នកមានឱកាសបង្ហាញនូវភាពស្រស់ស្អាតដែលកំពុងមាន។ ជាក់ស្តែងដូចជាពេលស្លៀកខោខោវប៊យដែលមានជើងវែងខ្លាំងពេកអ្នកអាចមូរជើងបន្តិច ដើម្បីបង្កើតស្ទីលថ្មីមួយទៀត និងកាន់តែសមភ្នែកទ្វេដង៕