រងសម្ពាធការងារខ្លាំង គន្លឹះ៣យ៉ាងនេះ កាត់បន្ថយយ៉ាងមានប្រសិទ្ធភាព
- 2019-12-19 09:05:00
- ចំនួនមតិ 0 | ចំនួនចែករំលែក 0
រងសម្ពាធការងារខ្លាំង គន្លឹះ៣យ៉ាងនេះ កាត់បន្ថយយ៉ាងមានប្រសិទ្ធភាព
តាមរបាយការណ៍ស្រាវជ្រាវរបស់ ZenBusiness ចំនួន ១០០០ បុគ្គលិក ក្នុងនោះមានពាក់កណ្ដាលនៃពួកគេកំពុងរងការខកចិត្ត និងក្តីបារម្ភខ្លាំងពីការងារ។ ទំហំនៃការជះឥទ្ធិពលនេះ ប៉ះពាល់ដល់ការងារពួកគេយ៉ាងខ្លាំង។ ដោយសារតែការធុញថប់ ពិបាកចិត្ត ប្រសិទ្ធភាពការងារចាប់ផ្តើមថយចុះ។ ដើម្បីកាត់បន្ថយការព្រួយបារម្ភ និងសម្ពាធផ្លូវចិត្តច្រើន កញ្ញា សូមលើកយកតិចនិកខាងក្រោម ជួយកាត់បន្ថយស្រេ្តសទាំងនេះ។
**១. កុំខ្លាច ត្រូវនិយាយពីបញ្ហារបស់អ្នក**
យោងតាមការស្ទង់មតិ មានតែ ២៨ % នៃបុគ្គលិកហ៊ានបញ្ចេញអារម្មណ៍តានតឹងរបស់ពួកគេ។ មួយវិញទៀត ក្នុងនោះ ៤០ % ហ៊ានបើកចិត្តនិយាយត្អូញត្អែរប្រាប់មិត្តរួមការងារពីទុក្ខលំបាក អំពីការខកចិត្តធ្វើការឲ្យចៅហ្វាយនាយ។ ពួកគេយល់ថា វិធីនេះជួយឲ្យមានអារម្មណ៍ធូរស្រាល និងបន្ថយភាពស្រ្តេសជាងមុន។
អ្នកក៏គួរស្វែងរកនរណាម្នាក់ដែលអាចទុកចិត្តបាន ហើយប្រាប់ពួកគេនូវអ្វីដែលអ្នកកំពុងគិត ។ ប្រហែលជាពួកគេអាចជួយនិងបន្ថយភាពស្រ្តេសនេះបាន ហើយការព្រួយបារម្ភពីសម្ពាធការងារក៏ថយចុះដែរ។
២. កុំដាក់សម្ពាធខ្លួនឯងធ្វើការហួសកម្រិត
ជាងពាក់កណ្ដាលនៃអ្នកធ្វើការទៅហើយ ដែលកំពុងមានអារម្មណ៍តប់ប្រមល់និងគិតច្រើនពីការងារ រហូតជះឥទ្ធិពលយ៉ាងខ្លាំង។ ដំណោះស្រាយគឺ រៀបចំនិងដាក់អាទិភាពការងារប្រចាំថ្ងៃ ដែលត្រូវធ្វើ នោះឲ្យច្បាស់ វាជួយកាត់បន្ថយស្រ្តេសពីការងារដែរ ព្រមទាំងជួយលើកអ្នកឲ្យទៅដល់គោលដៅការងារបានទៀតផង។
ធ្វើការងារណាដែលអ្នកបានកំណត់ពេលវេលា និងបរិមាណការងារត្រឹមត្រូវ។ នេះជាវិធីជួយកាត់បន្ថយស្រ្តេសនិងបង្កើនប្រសិទ្ធភាពការងារ។
៣. មោទកភាពលើសមត្ថភាពខ្លួនឯង
នៅពេលអ្នកទទួលបានលទ្ធផលការងារល្អ មិនថាធំឬតូច អ្នកត្រូវតែចេះលើកទឹកចិត្តខ្លួនឯង បង្កើតភាពសប្បាយរីករាយដល់ខ្លួនឯង។ ដោយសារតែអ្នកបានខិតខំប្រឹងប្រែងធ្វើការយ៉ាងលំបាក ដើម្បីទទួលបានជោគជ័យ ដូច្នេះអ្នកគួរផ្ដល់រង្វាន់ដល់ខ្លួនឯងជាការល្អ។ នៅពេលអ្នកជួបរឿងសប្បាយចិត្ត កុំខ្លាចនឹងបង្ហាញវាដល់មិត្តរួមការងាររបស់អ្នក ហើយក៏មិនត្រូវភ្លេចសរសេរក្នុង CV នៅពេលអ្នកចង់ដាក់ពាក្យរកការងារថ្មីនៅពេលក្រោយ។
បន្ថែមពីនេះ ដើម្បីលើកទឹកចិត្តខ្លួនឯង អ្នកត្រូវតែបង្កើតគម្រោងនាពេលអនាគតឲ្យចេញជាលទ្ធផល។
អានបន្ត៖ មានឆ្ងល់ខ្លួនឯង តែងប្តូរការងារពីមួយទៅមួយមិនជាប់លាប់ មកពីអ្នកភ្លេចគិតលើបញ្ហានេះ