មេឃត្រជាក់បែបនេះ អ្នកគួរជួយសង្រ្គោះស្បែករបស់អ្នកដោយវិធីពិសេសទាំងនេះ
- 2019-12-04 07:30:00
- ចំនួនមតិ 0 | ចំនួនចែករំលែក 0
មេឃត្រជាក់បែបនេះ អ្នកគួរជួយសង្រ្គោះស្បែករបស់អ្នកដោយវិធីពិសេសទាំងនេះ
អាកាសធាតុកាន់តែត្រជាក់ ស្បែកកាន់តែត្រូវការ ការថែទាំ។ នារីប្រហែលជាធ្លាប់បានឆ្លងកាត់ហើយ នូវសភាពស្បែកស្ងួត រហូតមានការប្រេះស្រកាជាដើម។ វាអាចបណ្តាលមកពីអ្នកខ្វះជាតិទឹកនៅក្នុងខ្លួន តែភាគច្រើន វាក៏អាចបណ្តាលមកពីអ្នកនៅក្នុងកន្លែងមានម៉ាស៊ីនត្រជាក់យូរ ឬ មកពីអាកាសធាតុខាងក្រៅចុះត្រជាក់ផងដែរ។ វិធីថែរក្សាស្បែកទាំងនេះ នឹងជួយការពារស្បែករបស់អ្នកពីការប្រេះស្រកា ឬ មានសភាពស្ងួតជាដើម៖
១. គួរផឹកទឹកឱ្យបានច្រើនជាងធម្មតា
នៅក្នុងខែត្រជាក់ អ្នកគប្បីគួរផឹកទឹកឱ្យបានច្រើន ដើម្បីផ្តល់សំណើមគ្រប់គ្រាន់ដល់រាងកាយ ជាពិសេសស្បែក។ វិជ្ជបណ្ឌិតផ្នែកសើរស្បែកមួយរូបឈ្មោះ > បានបញ្ចាក់ថា ដើម្បីការពារកុំឱ្យស្បែកស្ងួតនៅរដូវត្រជាក់ អ្នកគួរផឹកទឹកឱ្យលើសពីធម្មតា ពី១កែវ ទៅ ២កែវ។
២. ប្រើផលិតផលដែលគ្មានជាតិកាត់
វិជ្ជបណ្ឌិត Lamb បាននិយាយបន្តទៀតថា គន្លឹះសំខាន់គឺការប្រើប្រាស់សាប៊ូគ្មានជាតិកាត់ ទាំងសាប៊ូដុសខ្លូន និង មុខ។ ដូចនេះ អ្នកគួរជ្រើសរើសសាប៊ូដែលផ្តល់សំណើមដល់ស្បែក និង ចៀសវាងសាប៊ូមានជាតិកាត់ច្រើន ព្រោះវាអាចបណ្តាលឱ្យស្បែកស្ងួតខ្លាំង។
៣. ចៀសវាងការងូតទឹកក្តៅ
បើអ្នកងូតទឹកក្តៅនៅរដូវធ្លាក់ខ្យល់ ស្បែករបស់អ្នកប្រឈមនឹងការប្រេះស្រកាតែម្តង។ ប៉ុន្តែបើអ្នកត្រូវការងូតទឹកជាមួយទឹកក្តៅ នោះអ្នកត្រូវលាបឡេផ្តល់សំណើមភ្លាមក្រោយពីងូតទឹករូច ដើម្បីការពារកុំឱ្យស្បែករបស់អ្នកទទួលរងនូវខ្យល់ត្រជាក់ ដែលងាយបង្កឱ្យស្បែកស្ងួត និង ប្រេះស្រកាជាដើម។
៤. លាបឡេផ្តល់សំណើមជាញឹកញាប់
ចំណុចនេះជា វិធីមួយដ៏សំខាន់បើស្បែករបស់អ្នកកំពុងប្រឈមនឹងសភាពស្ងូត។ ពេលខ្លះសភាពស្ងួតនោះធ្វើឱ្យស្បែកអ្នកមើលទៅជ្រីវជ្រួញលើសវ័យទៀតផង។ ដូចនេះ ទាំងស្បែកមុខ និង ខ្លួន អ្នកគប្បីឧស្សាហ៍លាបឡេផ្តល់សំណើមឱ្យបានញឹកញាប់ ដើម្បីទប់ទល់នឹងអាកាសធាតុត្រជាក់នោះផងដែរ។
៥. ចៀសវាងការជម្រុះកោសិកាចាស់កំឡុងពេលស្បែកស្ងួត
អ្នកមិនគួរប្រើផលិតផលជម្រុះកោសិកាចាស់ ស្របពេលដែលមេឃកំពុងចុះត្រជាក់ ឬ ពេលស្បែករបស់អ្នកកំពុងមានសភាពស្ងួតឡើយ។ បើស្បែកអ្នកមានសំណើមគ្រប់គ្រាន់ គ្មានបញ្ហាអ្វីនោះ អ្នកអាចធ្វើការជម្រុះកោសិកាចេញ១ដងក្នុង១សប្តាហ៍ តែបើមិនចាំបាច់ទេ អ្នកមិនគួរជម្រុះកោសិកាចាស់ នៅរដូវធ្លាក់ខ្យល់ឡើយ៕
ចុចអានបន្ត៖ ស្រាយចម្ងល់ ហេតុអ្វីមុខអត់មានបញ្ហាអីសោះ តែបែរជាមិនស នៅតែខ្មៅស្រអាប់