ក្រោយបែកបាក់ស្នេហា ស្រីៗគួរធ្វើរឿង ៤ យ៉ាងនេះភ្លាមដើម្បីចាប់ផ្ដើមសាជាថ្មី

2019-12-04 05:00:00
ចំនួនមតិ 0 | ចំនួនចែករំលែក 0

ការបែកបាក់ស្នេហានោះ អាចធ្វើឱ្យភាគីខាងស្រីមានការឈឺចាប់ខ្លាំងណាស់ ដូច្នេះហើយទាល់តែមានវិធីសាស្ត្រខ្លះៗ ទើបអាចកាត់បន្ថយវាបាន។ ខាងក្រោមនេះជារឿងដែលមនុស្សស្រី ត្រូវធ្វើភ្លាមៗ ក្រោយបែកបាក់ស្នេហា៖

១.កែប្រែការគិតឱ្យបានលឿនបំផុត

រឿងដំបូងដែលអ្នកត្រូវធ្វើគឺត្រូវកែប្រែការគិតរបស់ខ្លួនឯង កុំឱ្យទៅខ្វាយខ្វល់ជាមួយប្រុសម្នាក់នោះទៀត។ មួយវិញទៀត ការបែកបាក់ស្នេហា ក៏អ្នកមិនត្រូវគិតច្រើនពេកដែរ ដោយចាត់ទុកថាវាជារឿងដែលអ្នកត្រូវឆ្លងកាត់ទុកជាបទពិសោធន៍ទៅចុះ។

រូបតំណាង

**២.ត្រូវគិតថាខ្លួនឯងសំខាន់ជាងប្រុសម្នាក់នោះ**

បើទោះជាបែកគ្នាមែន ប៉ុន្តែអ្នកត្រូវដឹងថាមានតែខ្លួនឯងទេ ដែលសំខាន់ជាងនរណាទាំងអស់។ កុំធ្វើបាបខ្លួនឯងដើម្បីតែមនុស្សប្រុសម្នាក់អី វាគ្មានតម្លៃនោះទេ។

៣.ត្រូវទៅរកកន្លែងបន្ធូរអារម្មណ៍

អ្នកត្រូវកន្លែងស្ងប់ស្ងាត់មួយដើម្បីជាការបន្ធូរអារម្មណ៍ ហើយគិតឡើងវិញចំពោះរឿងបែកគ្នានេះ។ កន្លែងស្ងាត់អាចឱ្យអ្នកគិតឃើញរឿងជាច្រើនដែលត្រូវធ្វើ មិនមែនត្រូវឈឺចាប់នឹងរឿងស្នេហានេះទេ។

៤.កុំទាន់អាលទៅជួបមនុស្សដែលស្គាល់គ្នា

ការនៅឱ្យឆ្ងាយពីមនុស្សដែលអ្នកធ្លាប់ស្គាល់ និងជាមនុស្សស្និទ្ធជាមួយអតីតសង្សាររបស់អ្នកគឺជារឿងល្អបំផុត ដើម្បីទុកពេលឱ្យខ្លួនឯងបំភ្លេចគេបាន។ ធ្វើដូច្នេះគឺដូចពាក្យដែលគេថា ពេលវេលាអាចបន្សាបចិត្តនឹករបស់មនុស្សបាន៕