៥ វិធីជួយព្យាបាលបបូរមាត់ប្រតិកម្មយ៉ាងមានប្រសិទ្ធភាព
- 2019-12-03 05:00:00
- ចំនួនមតិ 0 | ចំនួនចែករំលែក 0
៥ វិធីជួយព្យាបាលបបូរមាត់ប្រតិកម្មយ៉ាងមានប្រសិទ្ធភាព
មិត្តនារីតែងលាបក្រេមដើម្បីឲ្យបបូរមាត់មើលមកស្រស់ស្អាតនិងបន្ថែមសម្រស់របស់អ្នកមួយកម្រិតទៀត។ តែក៏មានមិត្តនារីមួយចំនួនមានបញ្ហាលាបបូរមាត់ទៅនាំឲ្យមានប្រតិកម្មជាមួយនឹងប្រភេទក្រេមដែលខ្លួនប្រើ។ ប៉ុន្តែសូមអ្នកទាំងអស់គ្នាកុំបារម្ភអី ខាងក្រោមជួយប្រាប់អ្នកពីវិធីព្យាបាលបបូរមាត់ដែលប្រតិកម្មបាន រួមមាន៖
**១. កុំទាញឬលិតមាត់**
ចំពោះអ្នកមានបញ្ហាប្រតិកម្មបបូរមាត់ដែលអាចនាំឲ្យមាត់ស្ងួត សូមកុំទាញឬលិតឲ្យសោះ ពីព្រោះថានៅពេលអ្នកប៉ះវាអាចនឹងកើតមានការក្លាយឬឆ្លងមេរោគ។ មធ្យោបាយដ៏ល្អបំផុតអ្នកគួររក្សាមាត់របស់អ្នកឲ្យមានសំណើមនិងចៀសវាងការប៉ះពាល់បបូរមាត់។
២. លាបក្រេមរលោងសម្រាប់មាត់
នៅពេលអ្នកប្រតិកម្មជាមួយក្រេម អ្នកអាចយកក្រេមរលោងលាបបូរមាត់មកលាបបានដោយវាជួយផ្តល់សំណើមដល់មាត់អ្នក។ អ្នកគួរលាបឲ្យបានពីរដងក្នុងមួយថ្ងៃគឺពេលព្រឹកនិងពេលល្ងាចដោយវានឹងជួយឲ្យបបូរមាត់អ្នកស្រស់ស្អាតដូចកាលពីមុនបាន។
៣. ញុំាទឹកនិងអាហារជំនួយសុខភាពឲ្យបានច្រើន
បើអ្នកញុំាទឹកឲ្យបានច្រើនអ្នកនឹងទទួលបានបបូរមាត់ដែលមានសំណើម លើសពីនេះ វាក៏ជួយកាត់បន្ថយជាតិពុលបានផងដែរ។ រីឯការទទួលអាហារសុខភាពវាក៏ជាផ្នែកមួយជួយបបូរមាត់របស់អ្នកបានដែរ។
៤. ប្រើពណ៌ស្រាលៗ
ក្នុងការជ្រើសរើសក្រេមបើអ្នកមានប្រតិកម្ម គួរតែប្តូរមកប្រើពណ៌ស្រាលៗចៀសវាងពណ៌ខ្លាំងៗងាយនឹងនាំឲ្យបបូរមាត់អ្នកឆាប់ប្រតិកម្មជាងពណ៌ស្រាលៗ។
៥. ពិភាក្សាជាមួយវេជ្ជបណ្ឌិត
នៅពេលប្រតិកម្មដោយប្រើថ្នាំ អ្នកគួរតែទៅជួបជាមួយគ្រូពេទ្យដើម្បីសុំយោបល់ពីការអាលែហ្ស៊ីមាត់។
ចុចអានបន្ត៖
ចំំណាយពេលត្រឹមតែ ៣០ វិនាទីក៏អាចទទួលរាងស្អាតបានដែរ