ហាត់តែ ៣ ក្បាច់នេះរាល់ថ្ងៃ ដើម្បីបានគូទមូលក្លំស្អាត

2019-11-26 09:35:00
ចំនួនមតិ 0 | ចំនួនចែករំលែក 0

មិនថាអ្នកជាមនុស្សស្រីមានសាច់ឬស្គមនោះទេ ប្រសិនបើអ្នកអង្គុយជាប់យូររៀងរាល់ថ្ងៃ ទម្រង់គូទនឹងប្រែទៅជាសំប៉ែត និងមានរាងជ្រុងមិនខានឡើយ។ នៅពេលស្លៀកពាក់ក៏ពិបាកទៀត ដូច្នេះហើយមានតែការហាត់ប្រាណនៅផ្ទះប៉ុណ្ណោះទើបអាចជួយបាន។ អនុវត្ត ៣ ក្បាច់ ងាយៗខាងក្រោមនេះជាប្រចាំ ធានាថាគូទនៅតែមូលក្លំស្អាត ស្លៀកអីក៏សមនិងទាក់ទាញ។

ក្បាច់ទី ១

ត្រូវត្រៀមកម្រាលហាត់យូហ្គា និងកន្សែងពោះគោមួយ។ បន្ទាប់មក ត្រូវដេកផ្កាប់ទៅនឹងកម្រាល ច្រតកែងដៃទាំងពីរ ហើយយកម្រាមដៃទាំងសងខាងទ្រចង្កា ដើម្បីងើបខ្លួនផ្នែកខាងមុខឡើង។ យកកន្សែងពោះគោ ដាក់កល់នៅពីក្រោមក្បាលពោះ។ បន្ទាប់មកទៀត ត្រូវព្យាយាមលើកជើងទាំងពីរឡើង ទប់ឲ្យជាប់ប្រមាណ ៥វិនាទី សឹមទម្លាក់មកវិញសន្សឹមៗ ទុក ២-៣វិនាទី ហើយធ្វើចុះឡើងឲ្យបាន ១០ដង។ ក្នុងអំឡុងពេលលើកជើងនិងទម្លាក់ចុះមកវិញ ត្រូវធ្វើដោយយឺតៗ។

ក្បាច់ទី ២

ដេកផ្ងារនៅលើកម្រាលហាត់យូហ្គា ដាក់ដៃទាំងពីរស្របនឹងដងខ្លួន ហើយបញ្ឈរជង្គង់ទាំងពីរឲ្យត្រង់ ព្យាយាមលើកដងខ្លួនឡើងលើ ទប់ឲ្យជាប់ក្នុងរយៈពេល ៥-១០ វិនាទី និងទម្លាក់ចុះមកវិញយឺតៗ។ ត្រូវធ្វើចុះឡើងឲ្យបាន ១០ដង ឲ្យគ្រប់ ១០ជុំ និងទប់លំនឹងខ្លួនឲ្យបានល្អ ដាច់ខាតកុំអង្គញ់ផ្នែកក។

ក្បាច់ទី ៣

ឈរឲ្យត្រង់កៀកនឹងជញ្ជាំង យកដៃឆ្វេងទប់ជញ្ជាំង និងដៃស្តាំទ្រគូទ ហើយលើកជើងស្តាំបោះទៅក្រោយ ដោយមិនឲ្យប៉ះផ្ទាល់ជាមួយឥដ្ឋ។ ធ្វើឲ្យគ្រប់១០ដង ចាំផ្លាស់ប្តូរទៅម្ខាងទៀត។

អនុវត្តរាល់ថ្ងៃឲ្យបានទៀងទាត់ អ្នកនឹងទទួលបានលទ្ធផលជាទីគាប់ចិត្ត៕

ចុចអានបន្ត៖ ឡូយមែន! បញ្ឈប់ការបរិភោគជាតិស្ករក្នុងរយៈពេល ៥ថ្ងៃ ដោយអនុវត្តនូវវិធីទាំងនេះ

ប្រភព៖ liekr ប្រែសម្រួល៖ ដេត ឈុនអ៉ី