រោគសញ្ញាទាំង១០ បង្ហាញថាអ្នកខ្វះជាតិវីតាមីន D

2019-11-14 04:25:00
ចំនួនមតិ 0 | ចំនួនចែករំលែក 0

ដើម្បីឱ្យសុខភាពរាងកាយល្អ ចាំបាច់ត្រូវមានសារជាតិចិញ្ចឹម និង វីតាមីនគ្រប់គ្រាន់។ ប្រសិនបើអ្នកខ្វះខាតនូវជាតិណាមួយ រាងកាយរបស់អ្នកនឹងផ្តល់ឱ្យជាសញ្ញាភ្លាមៗ។ ដូចនេះអ្នកគប្បីយកចិត្តទុកដាក់ទៅលើរោគសញ្ញាខាងក្រោម ដែលបង្ហាញថារាងកាយរបស់អ្នកកំពុងខ្វះនូវ វីតាមីន D ហើយ៖

រូបតំណាង

**១. ឧស្សាហ៍ឈឺសាច់ដុំ**

ជាការពិតណាស់ កង្វះខាតនូវ វីតាមីនD អាចជាកត្តាដែលធ្វើឱ្យអ្នកឧស្សាហ៍ឈឺសាច់ដុំ។ តាមការស្រាវជ្រាវ ៧១%នៃអ្នកដែលទទួលរងនូវការឈឺសាច់ដុំរុំារ៉ៃ គឺបណ្តាលមកពីបញ្ហាខ្វះជាតិ វីតាមីនD ។ គួរបញ្ចាក់ផងដែរថា កម្រិតជាតិវីតាមីនD កាន់តែតិច ការឈឺចុកចាប់សាច់ដុំក៏កាន់តែខ្លាំងផងដែរ។

២. អ្នកមានជម្ងឺបាក់ទឹកចិត្ត

ជម្ងឺបាក់ទឹកចិត្តអាចបង្កឡើងដោយកត្តាជាច្រើន តែវាក៏អាចបណ្តាលមកពីការខ្វះជាតិវីតាមីនD ផងដែរ ជាពិសេសចំពោះ មនុស្សពេញវ័យ។ ការសិក្សាចំនួន ៦៥% បានបង្ហាញពីទំនាក់ទំនងរវាង ជម្ងឺបាក់ទឹកចិត្ត និង កម្រិតជាតិ វីតាមីនD ទាប នៅក្នុងរាងកាយ។

៣. អ្នកឧស្សាហ៍ជ្រុះសក់

ថ្វីត្បិតតែការជ្រុះសក់អាចបណ្តាលមកពី ការស្រ្តេស ឬ អាចមកពីស្សែន ប៉ុន្តែបើអ្នកជ្រុះសក់ច្រើនហើយញឹកញាប់ទៀតនោះ គឺវាអាចបណ្តាលមកពីកង្វះខាតជាតិ វីតាមីនD ផងដែរ ជាពិសេសចំពោះ កុមារ និង ស្រ្តី។

រូបតំណាង

៤. របួសមិនងាយជា

វីតាមីនD ផលិតនូវធាតុពិសេសម៉្យាងដែលជួយជម្រុញឱ្យ របួស ឬ ដំបៅងាយជាសះស្បើយដោយធ្វើការផលិតនូវកោសិកាស្បែកថ្មី និង ជួយជម្រុះនូវកោសិកាចាស់ៗចោល។

៥. មានបញ្ហាលើសទម្ងន់

មនុស្សដែលមាន ជាតិវីតាមីនD គ្រប់គ្រាន់ងាយក្នុងការសម្រកទម្ងន់ និងងាយគ្រប់គ្រងនូវទម្ងន់របស់គេ។ សម្រាប់អ្នកខ្វះវិញ គឺមិនត្រឹមតែពិបាកសម្រកទម្ងន់នោះទេ ថែមទាំងងាយឡើងទៀតផង។

៦. អាចប្រឈមនឹងបញ្ហាស្បែក

កង្វះខាត វីតាមីនD ធ្វើឱ្យកោសិកាស្បែកផលិតជាតិខ្លាញ់លើសកម្រិតដែលអាចបណ្តាលឱ្យកើតមុន និង ស្ទះរន្ធញើស។

រូបតំណាង

៧. ងាយរងនូវឆ្អឹងពុកស្រួយ ឬ ស្ពោត

ការពុកឆ្អឹង គឺបណ្តាលមកពីរាងកាយរបស់អ្នកគ្មានជាតិកាល់ស្យូមគ្រប់គ្រាន់ ឬ គ្មានជាតិវីតាមីនD គ្រប់គ្រាន់ដើម្បីជួយការពារឆ្អឹង។

៨. អ្នកទទួលរងនូវការឈឺឆ្អឹង ជាពិសេសឈឺខ្នង

វីតាមីន D ជួយឱ្យរាងកាយអ្នកចាប់យកនូវជាតិកាល់ស្យូម ហើយជាតិកាល់ស្យូមនេះផងដែរគឺមានសារៈសំខាន់សម្រាប់ឆ្អឹងរបស់អ្នក។ ការស្រាវជ្រាវមួយបញ្ចាក់ថា អ្នកដែលខ្វះនូវ វីតាមីន D គឺងាយនឹងរងគ្រោះនូវការឈឺឆ្អឹង ឈឺជើង និង សន្លាក់ច្រើនជាងអ្នកធម្មតារហូតទៅដល់ ២ ដងឯណោះ។

៩ អ្នកឧស្សាហ៍ឈឺក្បាល និង ហត់នឿយជាប្រចាំ

ជាទូទៅ មនុស្សដែលមានសុខភាពល្អ យ៉ាងហោចណាស់ត្រូវមានជាតិវីតាមីន D ចំនួន ២០ណាណូក្រាម ក្នុង១មីលីលីត្រ។

១០. អ្នកឧស្សាហ៍ឈឺ(ផ្តាសាយ)

វីតាមីន D មានមុខងារជួយឱ្យប្រព័ន្ធភាពសុំារបស់រាងកាយមានសភាពរឹងមាំ។ បើរាងកាយរបស់អ្នកមានផ្ទុកនូវវីតាមីន D គ្រប់គ្រាន់ វានឹងជួយទៅប្រឆាំងនឹងវីរុសបានយ៉ាងល្អ៕