កាយវិការទាំង ៤ ដែលបញ្ចាក់ថាដៃគូរបស់អ្នកចាប់ផ្តើមអស់ចិត្ត
- 2019-11-07 07:40:00
- ចំនួនមតិ 0 | ចំនួនចែករំលែក 0
កាយវិការទាំង ៤ ដែលបញ្ចាក់ថាដៃគូរបស់អ្នកចាប់ផ្តើមអស់ចិត្ត
នារីៗគួរយល់ដឹងថា មូលហេតុដែលដៃគូរបស់យើងប្រែជាព្រងើយកន្តើយ គឺមកពីកត្តាអ្វី។ ជាពិសេស មានចំណុចណាខ្លះដែលអ្នកអាចមើលដឹងថា ដៃគូរបស់អ្នកចាប់ផ្តើមអស់ចិត្តនឹងអ្នកហើយ។ កាយវិការទាំង ៤ ខាងក្រោមអាចជួយឱ្យអ្នកសង្កេតមើលថា កាលដែលមនុស្សម្នាក់ចាប់ផ្តើមអស់ចិត្ត មានលក្ខណៈយ៉ាងណាខ្លះ៖
**១. គេលែងចង់ចំណាយពេលជាមួយអ្នក** ការចំណាយពេលវេលាជាមួយមនុស្សដែលខ្លួនស្រឡាញ់ គឺជារឿងសំខាន់។ នៅក្នុងទំនាក់ទំនងស្នេហាដ៏ល្អមួយ ភាគីទាំងសងខាងតែងប្រាថ្នាចង់ចំណាយពេល និង សាងអនុសាវរីយ៍ ជាមួយគ្នាឱ្យបានច្រើន។ តែបើអ្នកមានអារម្មណ៍ថាដៃគូរបស់អ្នកចាប់ផ្តើមលែងចង់ទៅណាជាមួយគ្នា រកលេសរវល់ ជាញឹកញាប់ដែលធ្វើឱ្យអ្នកមានអារម្មណ៍ថា គេព្រងើយកន្តើយនោះ វាអាចជាសញ្ញាមួយដែលបញ្ចាក់ថាគេកំពុងតែប្លែកហើយ អាចនឹងមានរឿងលាក់លាមជាមួយអ្នក ឬ អាចកំពុងចាប់ផ្តើមអស់ចិត្តហើយ។ យ៉ាងណាមិញ អ្នកត្រូវសង្កេតមើលឱ្យច្បាស់ ព្រោះពេលខ្លះគេអាចជាប់រវល់មែន មិនមែនជាការគេចវេសពីអ្នកទេ។
២. គេលែងរ៉ាយរ៉ាប់ប្រាប់អ្នកពីជីវិតរបស់គេ ទាំងបុរស និង ស្រ្តីសុទ្ធតែចង់ចែករំលែកនូវរាល់ ុក្ខកង្វល់ និង ភាពសប្បាយរីករាយរបស់ខ្លួនទៅកាន់ដៃគូរបស់ខ្លួន។ បើគេជាមនុស្សស្ងាត់ស្ងាម មិនសូវចែករំលែកតាំងពីដើម នោះប្រហែលមកពីអត្តចរិតគេ គឺបែបនោះតែម្តង ពោលគឺ ស្រគុតស្រគំ មិនសូវចេះនិយាយច្រើន ហើយចូលចិត្តដោះស្រាយបញ្ហាដោយខ្លួនឯង។ ប៉ុន្តែបើដៃគូរបស់អ្នកតែងតែចែករំលែក និង និយាយរឿងដែលកើតឡើងក្នុងជីវិតគេប្រាប់អ្នក តែសុខៗស្រាប់តែផ្លាស់ប្តូរទម្លាប់ នោះក៏អាចបង្ហាញពីអារម្មណ៍របស់គេចំពោះយើងដែរ។
៣. គេលែងឱ្យតម្លៃអ្នក មនុស្សដែលស្រលាញ់អ្នកពិត មិនថាអ្នកយ៉ាងណាទេ គេនឹងគោរពអ្នក និងឱ្យតម្លៃអ្នកជានិច្ច។ ពេលខ្លះមានការឈ្លោះប្រកែកគ្នា ដែលគូរស្នេហាណាក៏ជូប គេនឹងព្យាយាមយល់ពីអ្នកហើយនិយាយជាមួយអ្នកដោយសម្រួល មិនស្រែកជេរ ឬ តេសដៀលអ្នកនោះទេ។ នៅក្នុងទំនាក់ទំនងស្នេហាមួយ កាលបើដៃគូអ្នក ចាប់ផ្តើមចូលចិត្តចាប់កំហុស និងបន្ទាបតម្លៃរបស់អ្នក ជាពិសេសនៅក្នុងចំណោមគេឯងទៀតនោះ គឺគេមិនឃើញនូវតម្លៃអ្នកទៀតទេ ហើយអាចជាសញ្ញាដែលគេចាប់ផ្តើមអស់អារម្មណ៍ហើយ។
៤. គេមិនរំលឹករឿងអនាគតជាមួយអ្នក ការដែលដៃគូរបស់អ្នកតែងលើកឡើងនូវរឿងអនាគតជាមួយអ្នកហើយពិតជាព្យាយាមអនុវត្តតាមសម្តីខ្លួនមែននោះ គឺបញ្ចាក់ថាគេស្រលាញ់អ្នកពេញទំហឹងហើយ។ រឿងអនាគតនោះអាចរួមមាន ការចូលដណ្តឹងអ្នក ការរៀបការជាមួយអ្នក ការយកកូន ការចង់ទិញកាដូមួយសម្រេចបំណងអ្នក ជាដើម។ អ្នកក៏ត្រូវមើលពីស្ថានភាពរបស់គេដែរ បើមើលទៅគេចង់ធ្វើរឿងទាំងនោះ តែកាលៈទេសៈរបស់គេមិនអំណោយផល យើងគប្បីយល់ពីគេផងដែរ។ ដោយឡែក បើអ្នកកាន់តែព្យាយាមយល់ ហើយគេកាន់តែគេចវេស នោះដល់ពេលហើយ ដែលត្រូវដកចិត្តបណ្តើរៗ ពីព្រោះគេមិនច្បាស់លាស់នឹងអ្នកទេ៕
អានបន្ត៖ ចង់បំភ្លេចមនុស្សម្នាក់ត្រូវយកមនុស្សម្នាក់ទៀតមកជំនួស?