ឈ្លោះគ្នាជាមួយកូនប្រុស អ្នកម្ដាយលោតសម្លាប់ខ្លួនពីលើស្ពាន ទោះត្រូវគេអង្វរយ៉ាងណាក៏ដោយ
- 2019-10-03 03:15:00
- ចំនួនមតិ 0 | ចំនួនចែករំលែក 0
ឈ្លោះគ្នាជាមួយកូនប្រុស អ្នកម្ដាយលោតសម្លាប់ខ្លួនពីលើស្ពាន ទោះត្រូវគេអង្វរយ៉ាងណាក៏ដោយ
ទោះបីជាត្រូវបានអ្នកឆ្លងកាត់ផ្លូវសុំចិត្ត កុំគិតខ្លីយ៉ាងណាក៏ដោយ តែនារីរូបនេះនៅសម្រេចចិត្តបញ្ចប់ជីវិតរបស់ខ្លួន។
យោងតាមបណ្ដាញព័ត៌មាន China Press បានចុះផ្សាយថា នារីមួយរូបដែលធ្វើការនៅផ្សារទំនើបមួយនាទីក្រុង Selangor ប្រទេសម៉ាឡេស៊ី បានលោតពីលើស្ពានសម្លាប់ខ្លួនក្រោយពេលឈ្លោះប្រកែកជាមួយកូនប្រុសរបស់ខ្លួន។ ហេតុការណ៍របស់នារីអភ័ព្វរូបនេះបានធ្វើឲ្យមនុស្សជាច្រើនភ្ញាក់ផ្អើល។
យោងតាមសម្ដីរបស់អ្នកធ្វើដំណើរតាមផ្លូវ គេបានឃើញនារីវ័យកណ្ដាលម្នាក់មកឈរនៅលើបង្កាន់ដៃស្ពានដោយកំពុងយំផងដែរ។ ដោយឃើញហេតុការណ៍ដូចមិនសូវស្រួល បុរសម្នាក់បានចូលមកសួរនាំ ព្រមទាំងបានអង្វរឲ្យអ្នកម្ដាយនេះកុំគិតខ្លី ។ មុននោះដែរ នារីរូបនេះបានឈ្លោះប្រកែកគ្នាអឺងកងជាមួយកូនប្រុសរបស់ខ្លួន។
គួរឲ្យសោកស្ដាយ ទោះបីជាត្រូវបានអ្នកធ្វើដំណើរផ្ដល់យោបល់ច្រើនប៉ុណ្ណា នៅតែមិនអាចឃាត់នារីរូបនេះបាន ហើយចុងបញ្ចប់នាងក៏លោតពីលើស្ពាន ហើយស្លាប់ភ្លាមៗតែម្ដងធ្វើឲ្យមនុស្សជាច្រើនភ័យតក់ស្លុតយ៉ាងខ្លាំង។
គួរបញ្ជាក់ផងដែរថា មុននេះមិនយូរប៉ុន្មាន បុរសមកពីប្រទេសចិនម្នាក់ ក៏បានស្ទុះចេញពីលើឡាន ហើយលោតពីលើស្ពានសម្លាប់ខ្លួនដូចគ្នា ដោយសារឈ្លោះគ្នាជាមួយម្ដាយ៕
ចុចអាន៖ ពាក់ឈុតខ្លាឃ្មុំ ធ្វើដំណើរ២៤០០គីឡូដើម្បី surprise មិត្តស្រី ទៅដល់ទើបដឹងថាត្រូវគេក្បត់